JON KA AYAPUYU 9:39 - NITI GONTU N.T. (BSI)

³⁹ Jisu lutii, “Ngo ayakacho mi kadu pa dohadolo so ahdu, niimpalukoda huna kapa nyama nii kapa kiine dupa, ho hutiina kapa nyadonii hiimi micha kiine dupa.”

JON KA AYAPUYU 9:39 ပူးပေါင်းရင်းမြစ်များ

JON KA AYAPUYU 3:19

Ho siika sike ayakacho kaniiñ, hutoh hii dohadolo so ahtii, ho miyuatañ kamo miya hembyo nyada hutoh mi hentola, niimpalukoda mohluka miiniiñ atañ hii diimmah tii.

JON KA AYAPUYU 12:46

Ngo hutoh pa lyila dohadolo so ahdu, niimpalukoda hujalopa ngiimi henjetalyi kamo ho duku madopa.

MIINIIÑ 26:18

mohluka amee mi miiko kiine dupa, niimpalukoda mohlumi kamo hokii hutoh dalyiho mobokiine dupa ho Saitan ka harchichike hokii Pinii ko, niimpalukoda mohlumi ingyamiigyanii hokii hello koke nendupa ho hiika atañka agiñho atii dupa hutii mina ngiiko darii miitii kunii.’

JON KA AYAPUYU 8:12

Hiira Jisu mohlumi lukotii, lubiidola, “Ngo dohadolo ka hutoh ke; huna ngiimi imbo monchinii hii kamo ho ingkiñ make, hojalo sango ka hutoh mi giikiñdo.”

1 JON 2:11

hojalo hii huna atohka anubarmii mi kanañ mapa miidonii hii kamo hoke danii ho kamo hoke indonii, ho chimake mo no indo hiila, niimpalukoda kamohii mohka amee mi micha dopa miibii do.

LUK KA AYAPUYU 4:18

“Attoh ka Yajiyallo ngiiko do, niimpalukoda ngiimi mo arrḛyartiiku aya puyu mi arro atañmi tonsḛrkhenyo kiine dupa. Mo ngiimi kiiniñtii gyuko niipa miyudornii atañ mika tupya kosaniimi ho micha atañka mida kusaniimi, hutiina hensḛrkadu la danii hiimi dasḛrpa dake nendupa hiila,

LUK KA AYAPUYU 1:79

huna kamo la shiigo ubu nyiho dunii hiimi hutoh byohu kiine dupa, ngunuka alih mi chimie lembo ho pagii dupa.”

1 PITAR 2:9

Hojalo nunu kahenii haluke, radde ka nyibu atañ, darii ganda, Pinii ka atoh miyu, niimpalukoda nunumi luko kiine dupa mohka hempḛr aya miigo miiniiñmi huna nunumi gyoliñ tiinii kamo hokii mohka hempḛr kapyo hutoh ho.

IPISIA 5:14

Hopa siikasi lutii, “Huronyato, Imilaka donii, ho turi nyatoku shiinii hokii, ho Kristo nunumi hutoh bikiñ doke.”

2 KORINTIA 2:16

konepa riso shiigo hokii shiigo lohe, kone yapa riso sango hokiila sango lohepa. Hu khe biido siika drih atañmi?

JON KA AYAPUYU 9:25

Mo lusitii, “Mo ingyamiigyaniiha, ngo chima; drih kone ngo chindo, ngo michato, siisi ngo kapa doku.”

JON KA AYAPUYU 8:15

Nunu asiialyo ka ayakacho kachañ ho kado, ngo kone mitrḛ ayakacho kaliima.

JON KA AYAPUYU 3:17

Niimpalukoda Pinii Oho mi dohadolo ho kiiniñtii, dohadolo mi khiipa dupa ma, hojalo dohadolo mi lyangur dupa mo kiilo.

LUK KA AYAPUYU 13:30

Ho kato, tange hii kami kendo huna kapyopa datiinii, ho tange kapyo kendo huna kamipa datiinii.”

LUK KA AYAPUYU 7:21

Hiika myodu jaho abuje achih-ahe ho doli achihnii atañmi ho diimmah yajiyallo atañmi mo miipya biido, ho abuje micha mitrḛ kappa dopa miitii.

LUK KA AYAPUYU 2:34

ho Simeon mohlumi lyalala ho mohka annii Mary mi lutii, “Kato, siika wiinga si Isrel ho abuje miyu mi togii chagii niipake kahe biilyinii, ho kagiñnanii pa dolyi ke chekho niipa

METHU 11:5

micha kapa nyadaku ho liicha indaku, tahikoya giiniihii darii nyadoku ho rubi tapa nyado, ho shiinii turidoku, ho arro atañmi ayapuyu tonsḛr khenyo biido.

METHU 6:23

hojalo nunuka amee matiirḛ kagya dokoda, nunuka hikha apo hii kamo ramba dokiñdo. Nunu koka muru matiirḛ kamola dokoda, nekane kamo kendo!

2 TESOLONIA 2:10

ho hikha diimmah golluniilo hutiina lyukiñdonii, niimpalukoda mohlu tamatii jije mika hensa niimi ho lyangur kosa niimi.

METHU 15:14

Mohlumi kapa siito, mohlu micha lembo pagii niike. Ho micha kone matiirḛ micha mi ingii dokoda, anyeru paka ho chupa hikiñdo.”

JON KA AYAPUYU 12:31

Siisi ke siika dohadolo mika ayakacho kadu, siisi siika dohadolo mika sangii bomi mompa kendo;