JON KA AYAPUYU 9:22 - NITI GONTU N.T. (BSI)

²² Mohka annii-aba siimi lutii niimpalukoda mo anye Jew atañmi biisotii, niimpalukoda Jew atañ hiila taliisiitola dotii hujalopa matiirḛ mohmi Kristo hiila khako talyi, mohmi sinagog hokiila agoho nempa linkiñdo.

JON KA AYAPUYU 9:22 ပူးပေါင်းရင်းမြစ်များ

JON KA AYAPUYU 16:2

Mohlu nunumi sinagog ka agoho nempa lilyido; jije, myodu hii ahlado hujalopa nunumi menchi mohlu hensu kendo Pinii pasu miidunii hiila.

JON KA AYAPUYU 7:13

Hojalo Jew atañ mika biiso mi kone hetrḛ goropa mohmi luma tii.

LUK KA AYAPUYU 6:22

Lyanko kendo nunu niida nunumi miyuatañ kanamapa miichi, ho nunu mika khiipa liilyiho ho nyapalyiho, ho nunuka armyañ mi diimmah hiila khiipa liilyiho, miyu Oho ka piigopa!

JON KA AYAPUYU 9:34

Mohlu mohmi lusitii, “No hempḛr uro ingyamiigya niiho buko lala, ho no ngunu miya tonsḛr pa miidunii?” Ho mohlu mohmi mompa biido.

MIHUKAKIÑNIIÑ 21:8

Hojalo biiso bopa, henje giima bopa, miibḛrmiilyi koniibopa, miyu menii atañpa, datuapu punii atañpa, ashumiinii atañpa, puchiniimika heriinii atañpa, ho hikha gollubo atañpa, mohluka dusa kohii siimie hoke nohna lyala donii yamu la sulphur nyi, hiikahii ronye niipaka shiitiniiñ.”

MIINIIÑ 5:40

Hopa mohlu mohka luniiñmi tatii, ho mohlu kiiniñkonii atañmi gyolii lala, mohlu mohlumi hitii ho mohlumi lubiido siika Jisu ka armyañ ho luyo hiila, ho mohlumi inke nentiiku.

MIINIIÑ 5:13

Khiibe kone hetḛr mohluka agiñho ahbo dupa haro matii, hojalo miyuatañ mohlumi hempḛr khiila atiitii.

MIINIIÑ 4:18

Hopa mohlu mo anye mi gyola lala ho lubiido mo anye mi lukuyo malo Jisu ka armyañ pa tonsḛr kuyo hiila.

JON KA AYAPUYU 20:19

Hiika allo ka alyiñho, kanualo ka kapyoja allo ho, alyeh hii giipiñ tola dotii nohna henjeajiñ atañ dutiinii, Jew atañ mika biisomi, Jisu ahtii ho mohluka punkoho datii ho mohlumi lutii, “Chimie nunu agiñho dokiñcho.”

JON KA AYAPUYU 19:38

Siika hiibaho Arimatia daka Josep, Jisu ka henjeajiñ kone, hojalo mi chimapa, Jew atañmi biiso biidola, Pailet mi takatii Jisu ka apo mi jobii talyi kula hiila, ho Pailet mohmi bibiido. Hopa mo ahtii ho mohka apo mi jobii tiiku.

JON KA AYAPUYU 1:19

Ho siikasi Jon ka pyakonii, Jew atañka nyibu atañ la Lebait atañ Jerusalem hokii la mohmi taka kiine dupa ka kiiniñ lyiho, “No huyape hiila?”

JON KA AYAPUYU 9:18

Jew atañ taje matii mo micha hiila ho mohka kapa kuniiñ mi, nii dahepa mohlu hiika miyu ka annii-aba mi gyolii tama huka amee na kapa tiiku nii,

JON KA AYAPUYU 9:21

hojalo niihtañpa mo siisi kapa doku ngiinyi chima, malo hiila tiirḛ chima hu mohka amee mi mida dopa miitii hiila. Mohmi tahiito; mo akha siido kuke, mo attohpa luko siila kendo kuke.”

JON KA AYAPUYU 9:35

Jisu tapatii mohlu mohmi mompa biine hiila, ho mohmi kapa lala mo lutii, “No henje duha miyu ka Oho mi?”