JON KA AYAPUYU 8:55 - NITI GONTU N.T. (BSI)

⁵⁵ Hojalo nunu mohmi chimake; Ngo mohmi chindu. Ngo matiirḛ ludo koda, ngo mohmi chima, ngotiirḛ nunu chuli gollu kendo; hojalo ngo mohmi chindu ho ngo mohka aguñmi atiibiidu.

JON KA AYAPUYU 8:55 ပူးပေါင်းရင်းမြစ်များ

JON KA AYAPUYU 8:19

Hopa mohlu mohmi lutii, “No niika Aba?” Jisu lusitii, “Nunu ngiimi tiirḛ malo ngiika Aba mitrḛ chima; nunu matiirḛ ngiimi chintii koda, nunu ngiika Aba mitrḛ chintiido.”

JON KA AYAPUYU 8:44

Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

MIHUKAKIÑNIIÑ 3:9

Kato, Ngo hiika atañmi miichi sinagog daka Saitan mi huna ludonii mohlu Jew atañ hiila ho mohlu hiilama, hojalo amuh do. Kato, ngo mohlumi ahdo pa miichi ho nunuka alih ho chuki kiine talyi, ho chinke nenchi ngo nunumi hendu hiila.

JON KA AYAPUYU 8:51

Jijeloda, jijeloda, ngo nunumi lukoso, hujalopa matiirḛ ngiika aguñmi atiibiichi, mo shiigo mi kapa kema.”

METHU 11:27

Kapane drih atañhii Aba ka ngiimi biniiñke, ho kone hetḛr chima Oho mi Aba kontiisii, ho kone hetḛr chima Aba mi Oho kontiisii ho humina Oho kahetiinii hiimi mo kakiñ du.

1 JON 5:10

Hii huna henje donii Pinii ka Oho mi hiiko pyakonii hii do. Hii huna henje manii Pinii mohmi gollu niipa miibii do, niimpalukoda mo henjema pyakoniimi Pinii ka mohka Oho paka haki biniiñmi.

JON KA AYAPUYU 15:21

Hojalo hikha siika atañ siimi mohlu ngiika piigo pake nunumi miikiñ donii, niimpalukoda mohlu mohmi chima huna ngiimi kiiniñ tiinii.

1 JON 2:22

Hu gollunii hiike huna Jisu Kristo mi mapa donii? siikasi Kristokamabo, hii huna Aba la Oho nyimi mapa donii.

1 JON 2:4

Mo huna ludonii, “Ngo mohmi chindu” hojalo mohka lujubiniiñ takho dokoda gollu niike, ho jije hii mohko giima;

2 KORINTIA 4:6

Niimpalukoda siikasi Pinii ke lunenii, “Hutoh mi kamo hokii byoliñ kiineto,” huna ngunuka ahha ho kakiñ tiinii chiniiñ ka hutoh Pinii ka tatukatu mi Kristo ka nyimo ho byoke nentii nii.

MIINIIÑ 17:23

Niimpalukoda ngo impo biikele, ho nunuka heriinii drih mi kadi kiile, ngo kapado agyañ siika miichiniimi giitola, Kachiñmanii uyi. Hopa nii mina nunu chimapa herii donii, hiimike ngo nunumi gyuko dunii.

JON KA AYAPUYU 17:25

O denki Aba, dohadolo niimi chima, hojalo ngo niimi chindu; ho siika atañ chindo no ngiimi kiiniñtii hiila.

JON KA AYAPUYU 16:3

Ho mohlu siika simi miikiñdo niimpalukoda mohlu Aba mi chima, malo ngiimi tiirḛ.

JON KA AYAPUYU 15:10

Nunu matiirḛ ngiika lujubiniiñ mi atii dokoda, nunu ngiika heniiñ ho giigela dokiñdo, niihtañpa ngo ngiika Aba ka lujubiniiñ mi atii biidu ho mohka heniiñ ho giigedu.

JON KA AYAPUYU 10:15

niihtañpa Aba ngiimi chindu ho ngo Aba mi chindu; ho ngo ngiika sango mi subuñ atañpa hempa bidu.

JON KA AYAPUYU 8:29

Ho mo huna ngiimi kiiniñ tiinii hii ngiika agiñho da; mo ngiimi kontii apama, niimpalukoda ngo kiirañ hiimi sii miisu dunii niihna mohmi hempyo giidonii.”

JON KA AYAPUYU 6:46

Kone hetḛr Aba mi kapama hii kontiisii huna Pinii kokiinii; mo Aba mi kappatii.

JON KA AYAPUYU 1:18

Kone hetḛr Pinii mi kapama; Oho kontiisii, huna Aba ka harbiilapyo ho dunii, mo mohmi chindopa miitii.

LUK KA AYAPUYU 10:22

Hikha drih atañmi ngiika Aba ngiimi bitii; ho kone hetḛr chima hu Oho hiila Aba kontiisii, malo hu Aba hiila Oho kontiisii ho hutii mina Oho kahe tiinii mohmi kakiñ dupa.”

JON KA AYAPUYU 8:52

Jew atañ mohmi lutii, “Siisi ngunu chindo niiko igii giido hiila. Abraham shiine, hii chulipa nyibuhenii atañ tiirḛ; ho no luda, ‘hujalopa matiirḛ ngiika aguñmi atii biichi, mo shiiniiñ mi kapa kema.’

1 JON 1:6

Ngunu matiirḛ ludo koda ngunu mohka agiñho dukuñ mondu hiila lubii dola ngunu kamo ila dokoda, ngunu golludo ho jije ho ngunu sama;