JON KA AYAPUYU 8:52 - NITI GONTU N.T. (BSI)

⁵² Jew atañ mohmi lutii, “Siisi ngunu chindo niiko igii giido hiila. Abraham shiine, hii chulipa nyibuhenii atañ tiirḛ; ho no luda, ‘hujalopa matiirḛ ngiika aguñmi atii biichi, mo shiiniiñ mi kapa kema.’

JON KA AYAPUYU 8:52 ပူးပေါင်းရင်းမြစ်များ

HIBRU 2:9

Hojalo ngunu Jisu mi kapado, humina arche hepa miidopopi mi atu yadopa miitiinii, tatukatu ka agiñho tayyiñbyopa agiitii khiibii dola niimpalukoda shiiniiñ ka heru mika henko hopa, niimpalukoda Pinii ka aroh-aya kopa mohmi shiiniiñ mi henka kiine dupa kone abipa.

JON KA AYAPUYU 9:24

Hopa ronye niipa mohlu hiika miyu mi gyotii huna micha nenii, ho mohmi lutii, “Pinii mi assañto; ngunu chindo siika miyu si ingyamiigyanii hiila.”

JON KA AYAPUYU 8:48

Jew atañ mohmi lusitii, “Ngunu ludiko luma siiha ehna no Samarita hiila ho igii giido hiila?”

HIBRU 11:13

Hikha siika atañsi henje ho shiitii, niihna hemme bitii nii hiimi kapa mapa, hojalo hiimi kapa tela ho hiimi adho hokiila ayahelyi lute hela, ho hiila chintii hekula mohlu kiiddiapiñ so nyibo ho dulya lasu hiila.

JON KA AYAPUYU 8:51

Jijeloda, jijeloda, ngo nunumi lukoso, hujalopa matiirḛ ngiika aguñmi atiibiichi, mo shiigo mi kapa kema.”

METHU 11:18

Niimpalukoda Jon ahbiila diima tamatii, ho mohlu ludo, Mohko igii giidoke,

JON KA AYAPUYU 1:19

Ho siikasi Jon ka pyakonii, Jew atañka nyibu atañ la Lebait atañ Jerusalem hokii la mohmi taka kiine dupa ka kiiniñ lyiho, “No huyape hiila?”

JON KA AYAPUYU 7:20

Miyu atañ lusitii, “Niiko igii giido! Hu niimi mempa medo?”

JON KA AYAPUYU 8:22

Ho Jew atañ lutii, “Mo atoh mensu payuha, mo ludonii, Ngiika inko ho, nunu ahla kema?”

JON KA AYAPUYU 8:55

Hojalo nunu mohmi chimake; Ngo mohmi chindu. Ngo matiirḛ ludo koda, ngo mohmi chima, ngotiirḛ nunu chuli gollu kendo; hojalo ngo mohmi chindu ho ngo mohka aguñmi atiibiidu.

JON KA AYAPUYU 14:23

Jisu mohmi lusitii, Miyu matiirḛ ngiimi hendo koda, mo ngiika aguñmi atii biikiñdo, ho ngiika Aba mohmi henkiñdo, ho ngunu mohko ahkiñdo ho ngunuka ude mi mohko penkiñdo.

JON KA AYAPUYU 15:20

Henge giitolya dohadolo mi ngiika nunumika luko niimi, ‘Miira hii atoh mi kahe yama ke.’ Mohlu matiirḛ ngiimi miihimiire dokoda, mohlu nunumi miihimiire kendo; mohlu matiirḛ ngiika aguñmi atii biido koda, mohlu nunuka aguñ mitrḛ atii biikiñ doke.

JON KA AYAPUYU 17:6

“Ngo niika armyañ mi miyu atañmi chindopa miitii niika ngiimika dohadolo hokiika biniiñmi; mohlu niikii, ho no mohlumi ngiimi bitii, ho mohlu niika aguñmi talii biinyane.