JON KA AYAPUYU 8:44 - NITI GONTU N.T. (BSI)

⁴⁴ Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

JON KA AYAPUYU 8:44 ပူးပေါင်းရင်းမြစ်များ

METHU 12:34

Nunu lyolyichochi atañ! Niitañpa nunu aya drih lula kendo, nunu diimmah pa dala? Niimpalukoda ahha hoka pote lyiku hoke aguñ ho luliñ dunii.

METHU 13:15

Niimpalukoda mohluka ahha hii piicha nyada, ho mohluka yaroo si tana nanii potedo, ho mohluka amee mi mohlu miti nyagiida, hiilamakoda mohluka amee lo mohlu kala nyakiñdo, ho mohluka yaroo lo tapa kendo, ho mohluka ahha lo tachiñ kendo, ho ngiiko ahkiñdo mohlu miipya kodupa.

METHU 13:38

aji luniiñsi dohadolo ke, ho aya kormo luniiñsi raddeganda ka oho atañ; tagurenso luniiñsi diimmah ka oho atañ ke,

JON KA AYAPUYU 6:70

Jisu mohlumi lusitii, “Ngo nunumi kahe masuha ehna?, alyañlenye, ho nunuka punkoho kone igii ke.”

JON KA AYAPUYU 7:17

mi miyu kone jalo mohka miigo miina dokoda, mo chinkiñ do tonsḛr niisi Pinii kokiiha malo ngo ngiika atoh otority lo ludoha hiila.

JON KA AYAPUYU 8:38

Ngo ludu niihna ngo ngiika Aba agiñho kapa tiinii, ho nunu miido niihna nunu nunuka aba kokii tapa tiinii.”

JON KA AYAPUYU 8:41

Nunu miido niihna nunuka aba miitiinii.” Mohlu mohmi lutii, “Ngunu datuapu pula buko make; ngunu kii aba konesii, Pinii tiirḛ.”

JON KA AYAPUYU 8:55

Hojalo nunu mohmi chimake; Ngo mohmi chindu. Ngo matiirḛ ludo koda, ngo mohmi chima, ngotiirḛ nunu chuli gollu kendo; hojalo ngo mohmi chindu ho ngo mohka aguñmi atiibiidu.

MIINIIÑ 13:10

ho lutii, “No igii ka oho, no hikha lotiiniiñ niimika ahha banii, poteje gollumisu ho diimmah giitola, no miitiñ masuha pakupalya parda mi miibii dola Pinii ka lembo mi?

MIINIIÑ 24:9

Jew atañ tiirḛ haliiko hambo montii, lubiidola hikha siika atañsi hiilake hiila.

MIINIIÑ 5:3

Hojalo Pitar lutii, “Ananias, niimpa saitan mi niika ahha ho ahke nela la Darii Yajiyallo mi amuhdu ho kiiddi ka tiicko tange mi atii biidu?

2 KORINTIA 11:3

Hojalo ngo biisodo niihtañpa tabu Eve mi talubalo mohka piibilo, nunuka henju tiirḛ nunumi ngogii tama suyuha hiila siika denki ho darii Kristo mika heriinii kiiso hokii.

1 PITAR 5:8

Hendi tolya, kadila duto. Nunuka ahha-banii igii gyaduñla dake patii gyuniiñ hiilyañ, meduñla hu kone mijalo diidupa hiila.

2 PITAR 2:4

Niimpalukoda Pinii miidopopi miya apamatii koda mohluka ingyamiigya lyiho, hojalo yamuganda ho jopa lotii ho mohlumi kamoramba ho dachañranyi lo ratola atiitii ayakacho kalyi ko lohepa;

1 JON 1:8

Ngunu matiirḛ ingyamiigya ma ludo koda, ngunu atohmi gollu siido, ho jije hii ngunuko giima.

1 JON 2:21

Ngo nunumi keduniisi, nunu jije mi chima hiilamake, hojalo niimpalukoda nunu siimi chindo, ho chindota gollu hii jije hokii pema lima hiila.

1 JON 2:4

Mo huna ludonii, “Ngo mohmi chindu” hojalo mohka lujubiniiñ takho dokoda gollu niike, ho jije hii mohko giima;

1 JON 3:12

ho Ken chuli masa huna diimmah kokii nii ho atoh ka anu mi mensu tii. Ho niimpa mo mohmi membiine? Niimpalukoda mohka atoh miiniiñ hii diimmah ho mohka anu hii denki tii.

1 JON 3:15

Kone abi huna atohka anubarmii mi kanamapa miidonii hii miyumeniike, ho nunu chindo miyumenii kone kotrḛ santḛrlamanii sango giigela doma mohko.

JUD KA SIITI KENIIÑ 1:6

Ho miidopopi atañ hutiina atohka dasako daku matiinii hojalo mohluka ayapaka dusa komika apabomi atiibiido mo lyulamasa niika dachañ ranyilo ratola kamoramba ho atiitii kaye allo ka ayakacho kalyi hopa;

MIHUKAKIÑNIIÑ 12:9

Ho hempḛr kahe tabu mi ripa limbiido, hiika ayuhoka tabu mi, humina Igii ho Saitan hiila myantiinii, hikha dohadolo mika talubalobo-mohmi kiiddiapiñ ho jopa lobiido, ho mohka miidopopi atañ miilañmi mohka agiñho jopa lobiido.

MIHUKAKIÑNIIÑ 13:14

ho hiika kagiñnaniilo nii mina miila dopa bitiinii achu-amyo ka dapa, hii talubalodo hutiina kiiddiapiñ so dunii, mohlumi achu-amyo pa puchi tote hiila lutii nii mina une agii tiinii ilyo lo ho hojalo turla da;

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

MIHUKAKIÑNIIÑ 21:8

Hojalo biiso bopa, henje giima bopa, miibḛrmiilyi koniibopa, miyu menii atañpa, datuapu punii atañpa, ashumiinii atañpa, puchiniimika heriinii atañpa, ho hikha gollubo atañpa, mohluka dusa kohii siimie hoke nohna lyala donii yamu la sulphur nyi, hiikahii ronye niipaka shiitiniiñ.”

MIHUKAKIÑNIIÑ 22:15

Ago ho danyada akie atañ ho ashumiinii atañ ho datuapu punii atañ ho miyu menii atañ ho puchiniimi ka heriinii atañ, ho kone abi hutiina hembyo nyadonii ho miinyadonii amuhdrih atañmi.

MIHUKAKIÑNIIÑ 9:11

Mohluko mohlumi ka kabiinii radde du kamoramba ubu daka miidopopi; mohka Hebrew hoka armyañ Abaddon, ho Grik ho mohmi Apollyon hiila gyodu.