JON KA AYAPUYU 8:34 - NITI GONTU N.T. (BSI)

³⁴ Jisu mohlumi lusitii, “Jijeloda, jijeloda, ngo nunumi lukoso, hujalopa ingyamiigya da hii ingyamiigya ka miira ke.

JON KA AYAPUYU 8:34 ပူးပေါင်းရင်းမြစ်များ

METHU 5:18

Niimpalukoda jijeloda, ngo nunumi lukoso, nii dahepa dariiganda la kiiddiapiñ nyi lyute ma, petu pere tiirḛ, pechi pere tiirḛ pagenii dapo hokii, lyukiñ ma nii dahepa hikha lyipe tama.

JON KA AYAPUYU 3:3

Jisu mohmi lusitii, “Jijeloda, jijeloda, ngo niimi lukoso, nii dahepa konehii buti kotema, mo Pinii ka raddeganda mi kappa kema.”

MIINIIÑ 8:23

Niimpalukoda ngo kapado no poteje kariñ giido ho ingyamiigyaniilo rabii kotola biido.”

ROM MIKA POL KA SIITI KENIIÑ 6:12

Hopa ingyamiigya mi niika lyusanii apo mi sangii kiineyo, niimi mohluka henii mi tadopa.

ROM MIKA POL KA SIITI KENIIÑ 6:16

Nunu chimapo nunu matiirḛ konemijalo atohmi bilii siido koda luniiñ taniibo miirapa, nunu hiika miira ke huka luniiñ mina nunu tadonii, ingyamiigya ka, niihna shiigo ubu ho ingii donii, malo luniiñtanii kii ha, niihna denki dalyiho pagii donii?

ROM MIKA POL KA SIITI KENIIÑ 6:6

Ngunu chindo ngunuka khu sanjugyaju hii mo agiñho leda leta kotii niimpalukoda ingyamiigya hii apo mi pyadu loke nendupa, ho ngunu hiika hiiba hokii ingyamiigyaniika miirapa lyikumadopa.

ROM MIKA POL KA SIITI KENIIÑ 7:14

Ngunu chindo dapo hii yajiyallo ka drih hiila; hojalo ngo asiialyoho da, pyukotii ingyamiigya ho.

ROM MIKA POL KA SIITI KENIIÑ 7:25

Payapacho Pinii mi Jisu Kristo ngunuka Atoh kiilo! Hokoda, ngo atohpa Pinii ka dapo mi miiho talyi ngiika Punyu lo, hojalo ngiika asiialyo lo ngo ingyamiigya ka dapo mi.

ROM MIKA POL KA SIITI KENIIÑ 8:21

niimpalukoda miiliñ luliñnii atañmi lohe atoh tupya kendoku miirapaka bukonii hokii ho hempyo tupya koku niimi kapa kendoku Pinii ka oho atañka agiñho.

IPISIA 2:2

niihona nunu ronge ila datiinii, siika dohadolo ka henju ho imbo laka doho ho, ho yapuñ ka raddewiinga ka harchichike ka kiiliñ ho imbola dane, yajiyallo siisijalo miigo miila do luniiñtamanii oho atañ ko.

TAITAS 3:3

Niimpalukoda ngunu atoh tiirḛ ronge piicha toke, luniiñtamato, ngola dato, abuje helyihembyo la hempyo soniiñ ka miirapa lyito, ngunuka sango mi kanamapa ho kariñsiila ka miiniiñho santo, miyu atañlo kahu kola ho kone anyañmi kahu siila;

2 PITAR 2:19

Mohlu mohlumi dasḛrmi hemme bisudo, hojalo mohlu atohlya diimu niika miirapa lyinyada; niimpalukoda nii jalo miyumi miimiñ biido, hiika mo miira pa lyida