JON KA AYAPUYU 8:31 - NITI GONTU N.T. (BSI)

³¹ Jisu ho Jew atañmi lutii hutiina mohmi henje nyatiinii, “Nunu matiirḛ ngiika luniiñ talii takañ dokoda, nunu jijeloda ngiika henjeajiñ atañ ke,

JON KA AYAPUYU 8:31 ပူးပေါင်းရင်းမြစ်များ

2 JON 1:9

Hu kone jalo ilemiile talyi ho Kristo ka tonsḛr niiho datema mohko Pinii nyima; mo huna tonsḛr niiho danii hiiko anyeru Aba la Oho nyi da.

2 TIMOTI 3:14

Hojalo niipa koda, miikañari miito niihna no chingii tiinii ho alḛr pa henje tii, chimbii dola hukii hokiina no siimi chingii tiinii

JEMS 1:25

Hojalo huna digoabiaya dapo mi kadonii, dasḛr giiniika dapo mi, ho hiichulipa miidonii, hiika taniibo helyu kema hojalo miida hiika miiniibo, mo lyanko kendo mohka miiniiñho.

1 TIMOTI 4:16

Atohmi hendi siitolya ho niika tonsḛr niimi; hiimi miikañ ari miitolya, niimpalukoda hiila miibiidola no lyangur siikiñdoke atoh mitrḛ ho niikii mika tanii atañ mitrḛ.

KOLOSIA 1:23

nunumi henjeho dakañ kiine dupa, abyumapa bilo henju ho henkañdopa, ayapuyu ka hentiñ nii hokii hengu madopa nii mina nunu tapa tiinii, nii mina pukonii kone abimi tonsḛr khenyo tiinii dariiganda ka ura hoka daniimi, ho niihpana, ngo, Pol miihoniipa lyitiinii.

HIBRU 3:14

Niimpalukoda ngunu Kristo ko tache siidu, ngunu matiirḛ ngunuka kapyo daka hatii mi abyu mapa gabii tola dokoda kamikalo lohe,

MIINIIÑ 14:22

henjeajiñ atañka yallo mi alḛr lupa lala, mohlumi henje mi haro lupatii, ho lubiido abuje hentḛrkanyi loke ngunu Pinii ka raddeganda ho ahkiñ donii.

1 JON 2:24

Hopa niihna nunu lotuja hokii tapatiinii hiimi nunuko giigela doke nento. Niina nunu lotuja hokii tapa tiinii hii matiirḛ nunuko giigela dokoda, ho nunu Oho la Aba nyika agiñho giigela do.

ROM MIKA POL KA SIITI KENIIÑ 11:22

Kagiito so Pinii ka helakala la kiinyi mi: kiinyi hii hiipa hutiina huhi nyatii kunii, hojalo Pinii ka helakala nunuko dolyi ke, nunumi bibii lyike mohka helakala ho dopa: hiilamakoda nunu mitrḛ papa kendoke.

ROM MIKA POL KA SIITI KENIIÑ 2:7

hutiina pigiibiidola aya miigo miibii dola medonii tatukatu mi ho khiiniiñmi ho lyula sama niimi, mo santḛrlamanii sango bikiñdo;

METHU 24:13

Hojalo huna kamikalo lohepa pigii talyinii hii lyangur kokiñdo.

JON KA AYAPUYU 8:36

Hopa Oho matiirḛ nunumi tupya doku koda, nunu tupya koku nii lodake.

JON KA AYAPUYU 6:55

Niimpalukoda ngiika aposi diigo jijeke, ho ngiika ai si tango jijeke.

MIINIIÑ 13:43

Ho sinagog daka dukuñ hii duja kukele, abuje Jew atañ la Judaism hoka lyiguh monii henjenii atañ Pol la Barnabas nyimi imbo montii, hiika atañ mo anye mi lutii ho lyarbiido Pinii ka aroh-aya mi miikañ ari miito hiila.

1 JON 2:19

Mohlu ngunu kokii linne, hojalo mohlu ngunu kokiima; niimpalukoda mohlu matiirḛ ngunu kokii tiikoda, mohlu ngunuka agiñho dakañ patiido; hojalo mohlu impa neku, hiikohopa si kadḛrdo mohlu hikharu ngunu kokiimake.

HIBRU 8:9

ngiika mohluka aba atañka agiñ hoka hemmesiiniiñ hiilyañ mapa hiika allo ho niido hona ngo mohlumi alah lo sebii tonii mohlumi ingiila Egip ganda hokii agoho lingii lupa; niimpalukoda mohlu ngiika hemmesiiniiñ ho dakañ mane, ho hopa ngo mohlumi tage mato, Attoh ludo.

1 TIMOTI 2:15

Hojalo nyimii atañmi lyangur kendo himmeoho buniiñlo, mo matiirḛ biikañ dokoda henjeho ho hensuniiho ho dariiho, miijuluju aya agiñho.

JON KA AYAPUYU 1:47

Jisu Natanel mi mohko ahla dopa kappatii, ho mohmi lutii, “Kato, jije Isrel miyu kone, hukohona gollumisu giimanii!”

MIINIIÑ 26:22

Siika allo lohe pa ngiiko hembyuñnii hii do Pinii kokiika ahnii, hopa ngo siikaso da pyakodupa atu ho kahe miilañmi, hang lumapa hojalo niihna nyibuhenii la Mose nyi lutiinii hiimi lyike nendupa:

JON KA AYAPUYU 2:2

Jisu mitrḛ mihie millo lasu koho gyotii, mohka henjeajiñ atañ agiñho.