JON KA AYAPUYU 8:29 - NITI GONTU N.T. (BSI)

²⁹ Ho mo huna ngiimi kiiniñ tiinii hii ngiika agiñho da; mo ngiimi kontii apama, niimpalukoda ngo kiirañ hiimi sii miisu dunii niihna mohmi hempyo giidonii.”

JON KA AYAPUYU 8:29 ပူးပေါင်းရင်းမြစ်များ

JON KA AYAPUYU 6:38

Niimpalukoda ngo dariiganda hokii todu, ngiika henko miipama, hojalo mohka henko huna ngiimi kiiniñ tiinii;

JON KA AYAPUYU 16:32

Myodu ahlyi kuke, jije siisi ahdoku, nunu harpya hasa nyakiñdo, miyu kone abimi mohka ude ho, ho ngiimi kontii apa kendo; hojalo ngo kontii dakiñma, niimpalukoda Aba ngiika agiñho dakiñdo.

JON KA AYAPUYU 4:34

Jisu mohlumi lutii, Ngiika diigo hii mohka heniiñ mika miiniiñ ke huna ngiimi kiiniñ tiinii, ho mohka miigo mika miipe binii.

JON KA AYAPUYU 15:10

Nunu matiirḛ ngiika lujubiniiñ mi atii dokoda, nunu ngiika heniiñ ho giigela dokiñdo, niihtañpa ngo ngiika Aba ka lujubiniiñ mi atii biidu ho mohka heniiñ ho giigedu.

JON KA AYAPUYU 5:30

“Ngo ngiika atoh otority lo hang miila kema, ngo niihtañpa tapado, ngo hiitañpa ayakacho kadu; ho ngiika ayakacho kaniiñ hii kadikoke, niimpalukoda ngo ngiika henko ho mema hojalo mohka henkoho huna ngiimi kiiniñ tiinii

JON KA AYAPUYU 8:16

Ngo matiirḛ halii doja lopa, ngiika ayakacho kanii hii kadikoke niimpalukoda hii ngo kontii ayakacho kamake, hojalo ngola hiinyike huna ngiimi kiiniñ tiinii.

1 JON 2:1

Ngiika himme atu atañ, ngo siimi nunumi kedu niisi nunumi ingyamiigya mayapa hiila; hojalo mih kone matiirḛ ingyamiigya dokoda, ngunu mika lubinii du Aba ka agiñho, Jisu Kristo denki bo;

2 TIMOTI 4:17

Hojalo Attoh ngiika agiñho dabo, ho ngiimi tamo mi bihii puyu mi aya loda luko dopa, niimpalukoda hikha Midomiyu atañmi siimi tadopa. Hopa ngiimi patii ka aguñ hokii papya tiiku.

JON KA AYAPUYU 14:31

hojalo Aba ngiimi nii miito ludo hiimi siike ngo miisu dunii, niimpalukoda dohadolo mi chinke nendupa ngo Aba mi hendo hiila. Gurito, kiije ngunu insa.

JON KA AYAPUYU 17:4

Ngo niimi kiiddiapiñ so assañdiilañ biilyi, miigomi miipe lala niika ngiimika miido paka biniiñ mi;

METHU 17:5

Mo luriila datiirañ, kato, hempḛr puloo jomii mohlumi hipu biitii, ho jomii hokii aguñ gonge lutii, “Siikasi ngiika heniiñja Oho ke, humina ngo ano hempyo biidunii; mo luniiñ tatolya.”

METHU 3:17

ho kato, aguñ gonge yapuñ hokii luliñdo, lubiidola, “Siikasi ngiika heniiñja oho, humina ngo ano hempyo biidunii.”

HIBRU 4:15

Niimpalukoda ngunuka bukuñ nyibu hiitañ make huna ngunuka ajjuho ngunumi kalyañ lakiñ manii, hojalo kone humina kapane drih ho tenka tiikunii ngunu mika tenchañ ho, hojalo hang ingyamiigya giimanii.

HIBRU 7:26

Niimpalukoda siikasi ayado ngunupa sitañ bukuñ nyibu duniiñ si, darii, pahañhansa giimanii, miibḛrmanii, ingyamiigyanii atañ hokii ponsa miiniiñ, dariiganda atañmi haho yapa assañtii.

2 TIMOTI 4:22

Attoh niika yajiyallo ka agiñho dabo kencho. Aroh-aya niiko dokiñ cho.

METHU 3:15

Hojalo Jisu mohmi lusitii, “Siimi hala lyilya kiineto siisi; niimpalukoda sichulipa ngunu miido kodake miidiko jaho miigomi miipe kendonii.” Ho mo talii biido.

1 JON 3:22

ho ngunu padu mohkokii niijalo ngunu kuchi, niimpalukoda ngunu mohka lujubiniiñmi atii biidu ho niihna mohmi hempyo miipa donii hiimi miidu.