JON KA AYAPUYU 7:39 - NITI GONTU N.T. (BSI)

³⁹ Siisi siikasi Yajiyallo ka piigo mi mo lutii, huna mohmi henje talyi nii hii larii kendo; niimpalukoda siisilohepa Yajiyallo mi bima tiirañ, niimpalukoda Jisu mi siisi lohe pa assañ matii rañ.

JON KA AYAPUYU 7:39 ပူးပေါင်းရင်းမြစ်များ

MIINIIÑ 2:17

Ho kami allo ho hiila lyikiñ doke, Pinii ludo, ngo ngiika Yajiyallo mi hikha miyu atañmi bichi, ho nunuka oho atañ la nunuka wiinga atañ nyibu henkiñ doke, ho nunuka yapa atañ mihu kakiñ doke, ho nunuka amiabañ atañ emma makiñ doke;

MIINIIÑ 2:33

Hopa Pinii ka lahbi alah ho jocha kotola, ho Aba kokii hemme nii Darii Yajiyallo mi larii lala, nii mina nunu kapa do ho tapa donii mo hiimi biliñtii.

MIINIIÑ 2:4

Ho mohlu miilañru Darii Yajiyallo giinyatii ho pongelya aguñ luri nyatii, Yajiyallo mohlumi ludo paka bibii lyiniiñ.

JON KA AYAPUYU 16:7

Hojalo ngo nunumi jije mi lukoso: siikasi nunuka aya kiipa ke ngo ile lyiniiñ, niimpalukoda ngo matiirḛ ima koda, Hembyuñnii nunuko ahkiñma; hojalo ngo matiirḛ indo koda, ngo mohmi nunuko kiiniñ bichi.

JON KA AYAPUYU 12:16

Mohka henjeajiñ atañ kapyoho siimi tadḛrlama tii; hojalo Jisu mi assañdiilañ kukele, ho mohlu hemparido siika keniiñ si mohmi ketii ho mohpa miitii.

ROM MIKA POL KA SIITI KENIIÑ 8:9

Hojalo nunu asiialyoho damake, nunu Yajiyallo hoke danii, jijeloda Pinii ka Yajiyallo matiirḛ nunuko giido koda. Hujalo kone Kristo ka Yajiyallo mi giima hii mohkiima ke.

MIINIIÑ 2:38

Ho Pitar mohlumi lutii, “Henkurto, ho kone abi baptisma lato Jisu Kristo ka armyañ pa, nunuka ingyamiigyanii atañmi hello kodu pa; ho nunu Darii Yajiyallo ka ahmiñayiñ mi larii kendoke.

JON KA AYAPUYU 20:22

Ho mo siimi luku lala, mo mohlumi muhi biido, ho mohlumi lutii, “Darii Yajiyallo mi larii tolya.

JON KA AYAPUYU 12:23

Ho Jisu mo anye mi lusitii, Myodu si ahdoku miyu ka Oho mi assañdiilañ dupa.

IPISIA 4:30

Ho Pinii ka Darii Yajiyallo mi heru miipa lyayo, huko hona nunumi tiiho tola dokunii tupyabiniiñ allo hopa.

2 KORINTIA 3:8

hiila lyikiñma ha Yajiyallo mika biniiñ hii uro yapa tatukatu giikiñ masu peha?

MIINIIÑ 4:31

Ho mohlu kuja dakele, nohna mohlu tonge pa dakuñla datiinii hii apyu ritii; ho mohlu hikha Darii Yajiyallo giitii ho Pinii ka aguñmi haro biidola lukotii.

MIINIIÑ 3:13

Abraham ho Isak ho Jakob ka Pinii, ngunuka aba-apa ka Pinii, mohka miira Jisu mi assañdiilañ tii, humina nunu bipatiinii ho Pailet kado pa mapa tiinii, mohka mohmika apa paka miilyiho.

JON KA AYAPUYU 17:5

ho siisi, Aba, ngiimi no niika agiñho tatukatu kiinepe hiika tatukatu ho nii mina ngo dohadolo mika puma rampa niika agiñho giitonii.

JON KA AYAPUYU 14:13

Niijalo nunu ngiika armyañ pa kuchi, Ngo hiimi miibi talyi, niimpalukoda Aba mi Oho ko assañ kiinedupa;

JON KA AYAPUYU 7:12

Ho hiikoho abuje mohka piigo mi budubudu miyuatañ lusu nyatii. Ho kone lutii, “Mo denki miyu ke,” tange lutii, “Ma, mo miyu atañmi lembo ngogii da.”

JON KA AYAPUYU 6:14

Miyu atañ mohka kagiñnanii miiniiñmi kappa lala, mohlu lutii, “Siikasi jije nyibuhenii ke huna dohadolo so ahkiñ nenii!”

JON KA AYAPUYU 1:33

Ngotiirḛ mohmi chima; hojalo mo huna ngiimi kiiniñ tiinii yasie lo baptisma binii pa ngiimi lune, ‘Huko hona no Yajiyallo mi todopa kappa talyinii ho duhadopa, hiike Darii Yajiyallo lo baptisma bikiñ donii.’

JON KA AYAPUYU 1:25

Mohlu mohmi takatii, “Hokoda niimpa no baptisma bidu, no matiirḛ Kristo makoda, malo Elija makoda, malo nyibuhenii makoda?”

JON KA AYAPUYU 1:21

Ho mohlu mohmi takatii, “Hokoda nii? No Elija ha?” “No nyibuhenii ha?” Mo lutii, “Ma ngoma.” “No nyibuhenii ha?” mohlu tahiitii. mo lusitii, “Ma.”

LUK KA AYAPUYU 24:49

Ho kato, ngo ngiika Aba ka hemme niimi nunuko kiiniñ biilyi ke; hojalo citi ho dutolya, niidayepa nunumi haho hokii harchichike mi agiitama.”

LUK KA AYAPUYU 7:16

Miilañru biiso nyatii; ho mohlu Pinii mi assañtii, lubiidola, “Hempḛr kaye nyibuhenii kone ngunu agiñho ahdo!” ho “Pinii mohka miyu atañmi kahatii!”

LUK KA AYAPUYU 3:16

Jon mohlumi lusitii, “Ngo nunumi yasie lo baptisma bidu; hojalo ngiimi tamo-chikho yanii kone ahkiñdo, Ngo mo agiñho mohka luku rappo nanii mitrḛ tapya binii patḛr lyimake; mo nunumi Darii Yajiyallo la yamulo baptisma bikiñ doke.

METHU 16:14

Ho mohlu lutii, “Tange ludo Jon Baptisma biniibo, tange ludo Elija, ho tange Jeremiah malo nyibuhenii kone.”

JON KA AYAPUYU 14:26

Hojalo hembyuñnii, Darii Yajiyallo, humina Aba ngiika armyañ pa kiiniñ tiinii, mo nunumi hikha drih atañmi tonsḛr kendoke, ho nunumi hempa dopa miilyi diike hikha ngiika nunu mika luniiñmi.

METHU 21:11

Ho miyuatañ lutii, “Siikasi nyibuhenii Jisu hiike Galili daka Nazaret hokii.”

JON KA AYAPUYU 8:54

Jisu lusitii, “Ngo matiirḛ attohmi assañ siido koda, ngiika assañ siiniiñ hang ma; siikasi ngiika Aba ke ngiimi assañdonii, humina nunu nunuka Pinii hiila ludu nii.

JON KA AYAPUYU 16:14

Mo ngiimi assañdiilañ kendo, niimpalukoda mo niihna ngiikii hiimi labii kendo ho hiimi nunumi luko kendo.

JON KA AYAPUYU 17:1

Jisu siika aguñ atañmi luku lala, mo mohka amee mi yapuñ hahoho kacha lala ho lutii, “Aba, myodu ahdoku; niika Oho mi assañdupa niimpalukoda Oho niimi assañdupa,

MIINIIÑ 19:2

Ho mo mohlumi lutii, “Nunu Darii Yajiyallo larii tiikuha nunuka henje lyiho?” Ho mohlu lutii, “Ma ngunu hiilaya tapa mapa hiiko Darii Yajiyallo do hiila.”