JON KA AYAPUYU 6:70 - NITI GONTU N.T. (BSI)

⁷⁰ Jisu mohlumi lusitii, “Ngo nunumi kahe masuha ehna?, alyañlenye, ho nunuka punkoho kone igii ke.”

JON KA AYAPUYU 6:70 ပူးပေါင်းရင်းမြစ်များ

JON KA AYAPUYU 13:27

Yatañ petu niika hiiba ho, Saitan mohko ahtiiku. Jisu mohmi lutii, “No nii miipa miidu, nyibya miito.”

JON KA AYAPUYU 13:2

Ho alyiñapiñ diila doho, igii hii Saimon ka oho Judas Iskariot ka ahha ho ahto kula dotii ku, mohmi talubalo kiine dupa hiila,

JON KA AYAPUYU 17:12

Ngiika mohluka agiñ hoka daho, ngo mohlumi niika armyañ pa atiito, humina no ngiimi bitiinii; ngo mohlumi dagur biito, ho kone hetrḛ lyuma hojalo lyusa boka oho kontii, piniipota mi lyipe kiine dupa.

JON KA AYAPUYU 13:18

Ngo nunu miilañ rumi luma ke; ngo chindo ngo humina kahe tiinii hiila; siikasi piniipota mi miipe kiinedupa, ‘Huna ngiika yatañ mi diitiinii mohka ludu lo ngiimi nyoje biido.’

JON KA AYAPUYU 6:64

Hojalo nunuka punkoho tange henje nyama.” Niimpalukoda Jisu chintii kapyo jaho hokii hutiina henje nyama tiinii, ho huna mohmi talubalo kendonii.

1 JON 3:8

Mo huna ingyamiigya donii hii igii kokii; niimpalukoda igii si lotu jaho hokii ingyamiigyanii. Pinii ka Oho ahdo paka lyiniiñsi igii ka miigo miiniiñmi pyadu dupa hiila.

1 TIMOTI 3:11

Nyimii atañ tiirḛ hendi nyakiñdo, nipakoyakema, hojalo hendi-niikiñdo, hikha drih atañ ho lotii kendo.

MIINIIÑ 1:17

Niimpalukoda mohmi ngunuka punkoho khiitola doku, ho mohpanii mi tache tola doku siika miigoso.

JON KA AYAPUYU 15:19

Nunu matiirḛ dohadolo kiikoda, dohadolo hii henkiñdo mo attoh kiimi; hojalo nunu dohadolo kiima, ngo nunumi kahe tiiku dohadolo hokii, hopa dohadolo hii nunumi kanamapa miido.

JON KA AYAPUYU 15:16

Nunu ngiimi kahe make, hojalo ngoke nunumi kahe tiinii ho bibiilyinii ingela ho ahee hidopa ho nunuka ahee mi giigela dopa; niimpalukoda niijalo nunu Aba mi ngiika armyañ pa kuchi, mohmi nunumi bike nendupa.

JON KA AYAPUYU 13:21

Jisu siimi luku lala, mo yajiyallo ho henga henkha tii, ho pyakoritii, “Jijeloda, jijeloda, ngo nunumi lukoso, nunu kokii kone ngiimi talubalo kendo.”

JON KA AYAPUYU 8:44

Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

TAITAS 2:3

Ammi yami hii chulipa yarto miijuluju ho khiiko dopa dato hiila, nipakoya niipa dakiñma malo ow miirapa lyikiñma; mohlu tonsḛr kendo niihna aya donii,

MIINIIÑ 13:10

ho lutii, “No igii ka oho, no hikha lotiiniiñ niimika ahha banii, poteje gollumisu ho diimmah giitola, no miitiñ masuha pakupalya parda mi miibii dola Pinii ka lembo mi?

JON KA AYAPUYU 2:2

Jisu mitrḛ mihie millo lasu koho gyotii, mohka henjeajiñ atañ agiñho.

JON KA AYAPUYU 6:67

Jisu alyañlenye mi lutii, “Nunu tiirḛ inkur nando kuha?”

JON KA AYAPUYU 6:71

Mo Judas mi lutii Saimon Iskariot ka ohomi, niimpalukoda mo, alyañlenye hokii kone, mohmi talubalo saniibo.

JON KA AYAPUYU 20:24

Siisi Tomas, alyañlenye hokii kone, bupyuñ siiniiñ luniiñbo, dabo matii mohluka agiñho Jisu ahlyi ho.