JON KA AYAPUYU 6:51 - NITI GONTU N.T. (BSI)

⁵¹ Ngo turnii yatañke dariiganda hokiika tonii; hujalo siika yatañ siimi matiirḛ diichi, hii ayu dahepa sankiñdo; ho yatañ nii mina ngo bichi nii dohadolo ka sangopa hii ngiika apoke

JON KA AYAPUYU 6:51 ပူးပေါင်းရင်းမြစ်များ

LUK KA AYAPUYU 22:19

Ho mo yatañ mi tula la, ho mo payapacho lula la mo hiimi petutii ho mohlumi bitii, lubiidola, “Siikasi ngiika apoke nunu paka biniiñ. Siimi miitolya ngiimi hempa hengi naniiñpa.”

JON KA AYAPUYU 6:33

Niimpalukoda Pinii ka yatañ hiike dariiganda hokii todonii, ho sango bido dohadolo mi.”

JON KA AYAPUYU 3:13

Kone hetḛr dariiganda ho chama hojalo mo kontiisii huna dariiganda hokii totiinii, miyu ka Oho.

TAITAS 2:14

huna mo atohmi ngunupa bisu tiinii ngunumi tupya dukupa hikha kacho hokii ho darii miidupa mohpa mohka atoh miyupa miidupa huna aya miigo atañmi miinala hendo nii.

METHU 20:28

sichuli miyu ka Oho tiirḛ miiho kopa ahmake miiho dupake ahnii, ho mohka sango mi abuje miyu mi tupya naniipa.”

HIBRU 10:20

niti ho turnii lembolo nii mina mo ngunupa miiko bitiinii pulye tonkhu niilo, hiika hii, mohka apo lo,

2 KORINTIA 5:21

Niimpalukoda ngunu kiipa mohmi ingyamiigya niipa miitii huna ingyamiigya luniiñ mika chima niimi, niimpalukoda ngunumi Pinii ko denki hiila miidupa hiila.

1 PITAR 2:4

Mohko ahto, hiika turnii yalañ ho, miyu ka khiipa kuniiñ hojalo Pinii ka kata hoka kahenii ho khiiniiñ;

IPISIA 5:2

Ho hensu niiho into, Kristo ka ngunumika henchañho ho atohmi ngunupa bipa siitii, narunempyo binii ho Pinii mi membila.

JON KA AYAPUYU 3:16

Niimpalukoda Pinii dohadolo mi ano hela mohka Oho konekontii mi bitii, hujalopa mohmi henje talyi hii lyukiñma hojalo santḛrlamanii sango giikiñdo.

JON KA AYAPUYU 1:29

Allo lohe yaho mo Jisu mi mohkii dalyi ahla dopa kappatii, ho lutii, kato, Pinii ka subuñ atu, huna dohadolo ka ingyamiigya niimi bapa bidonii!

1 JON 4:14

Ho ngunu kapa tiiku ho pyakodu Aba mohka atoh Oho mi kiiniñtii dohadolo mika lyangur niipa.

1 JON 4:10

Siika sike hensu nii, hiila ma ngunu Pinii mi hentola hiila hojalo mo ngunumi hentii ho mohka Oho mi kiiniñtii ngunuka ingyamiigya niipa bili bidupa hiila.

1 JON 2:2

ho mo ngunuka ingyamiigyanii atañpa atohmi bisutii, ho ngunupa kontiima hojalo hikha dohadolo ka ingyamiigyanii atañpa.

JON KA AYAPUYU 1:14

Ho Aguñ hii asiialyo pa lyitii ho ngunuka punkoho duhatii, aroh-aya la jije poteje giitola; ngunu ko mohka tatukatu hii do, hiila ka tatu katu mo Aba ka hiiro kone kontii.

IPISIA 5:25

Millo atañ, nunuka mihie atañmi hento, niihtañpa Kristo gyoliñkonii mi hendu ho atohmi mohlupa hempa siibitii,

2 KORINTIA 5:19

hiika hii, Kristo ko Pinii mi yardiñ tiiku dohadolo mi mohko, mohluka ilemiile niimi khiiku mapa, ho ngunumi yardiñbiniiñ ka puyu mi luko tote hiila lutii.

JON KA AYAPUYU 7:38

Huna ngiimi henje talyi nii, piniipota ka lunii chulipa, Mohka ahha hokii turnii yasie biliñ kendo.”

JON KA AYAPUYU 3:14

Ho niihtañpa Mose tabumi zabyo ho lyuchatii, hiichuli pa miyu ka Oho mitrḛ lyucha kendo,

JON KA AYAPUYU 3:36

Hii huna Oho mi henje donii hiiko santḛrlamanii sango hii doku; hii huna Oho ka luniiñmi tamanii hii sango mi kappa kema, hojalo Pinii ka hadii hii mohko dokañ doku.

JON KA AYAPUYU 5:24

Jijeloda, jijeloda, ngo nunumi lukoso, hii huna ngiika aguñmi tadonii ho mohmi henje donii ngiimika kiiniñ bomi, mohko santḛrlamanii sango do; mo ayakacho kako ahkiñma, hojalo shiigo mi impo biila sango ho daku.

JON KA AYAPUYU 6:35

Jisu mohlumi lutii, “Ngo sango ka yatañ ke; huna ngiiko ahdonii hii haya kemake, ho huna ngiimi henje talyinii hii iche tiirḛ hangḛr kema.

JON KA AYAPUYU 6:41

Ho Jew atañ mohmi budubudu lunyatii, niimpalukoda mo lutii, “Ngo yatañ dariiganda hokiika tonii.”

JON KA AYAPUYU 6:47

Jijeloda, jijeloda, ngo nunumi lukoso, huna henjedonii hiiko santḛrlamanii sango doke.

JON KA AYAPUYU 6:48

Ngo sango ka yatañ ke.

JON KA AYAPUYU 6:50

Siika yatañ si dariiganda hokiika toniike, miyu atañmi siimi diike nendupa ho shiima yapa.

JON KA AYAPUYU 11:26

ho hujalopa sando ho ngiimi henjedo hii iche hetrḛ shiikiñma. Nunu siimi taje doha?”