JON KA AYAPUYU 6:30 - NITI GONTU N.T. (BSI)

³⁰ Hopa mohlu mohmi lutii, “Hokoda no nii kagiñnanii miikiñtalyi, ngunumi kake nendupa, ho niimi henje dopa? Nii miigo no miichi?

JON KA AYAPUYU 6:30 ပူးပေါင်းရင်းမြစ်များ

JON KA AYAPUYU 12:37

Mo abuje kagiñnanii mohluka hataho miibii siine, hojalo mohlu mohmi henje nyama;

1 KORINTIA 1:22

Niimpalukoda Jew atañ kagiñnanii kunya da ho Grik atañ chila mi menyada,

JON KA AYAPUYU 10:38

hojalo ngo matiirḛ hiimi miido milo, nunu ngiimi henje majalo, miigomiiniiñ mi henje to, niimpalukoda nunu chindupa ho chila kendoke Aba ngiiko du ho ngo Aba ko du hiila.

JON KA AYAPUYU 6:36

Hojalo ngo nunumi ludu nunu ngiimi kapa siido ho hojalo henje nyama.

JON KA AYAPUYU 2:18

Jew atañ ho mohmi lutii, Nii kagi nanii no ngunumi kakiñpa siimi miibii dola?

HIBRU 2:4

Pinii tiirḛ haki bitii kagiñnanii ho kahotamo ho abuje miimalyanii lo ho Darii Yajiyallo ka ahmiñayiñ mi mohka atoh henko jaho khetii.

MIINIIÑ 4:30

hojalo niika alah mi lyuliñto miipya dupa, ho kagiñnanii ho kahotamo atañmi miidopa niika darii miira Jisu ka armyañ pa.

MAK KA AYAPUYU 15:32

Kristo, Isrel ka Radde mi, siisi dapo hokii akañ so toka keneto, niimpalukoda hiimi ngunu kalala ho henje talyila.” Mo agiñho dapo hoka leda lehiñ konii miilañ mohmi nyapa koyatii.

MAK KA AYAPUYU 8:11

Parisi atañ ahtii ho mohmi cherii ritii, mohmi dariiganda hokii kagiñnanii kakiñpe hiila lutii, mohmi tenkala.

JON KA AYAPUYU 4:8

Niimpalukoda mohka henjeajiñ atañ citi ho diigo riite pa intii.

JON KA AYAPUYU 6:2

Ho miyuabuje mohmi imbomontii, niimpalukoda mohlu mohka kagiñnanii miiniiñmi kappatii hutiina achih nyatiinii.

JON KA AYAPUYU 6:14

Miyu atañ mohka kagiñnanii miiniiñmi kappa lala, mohlu lutii, “Siikasi jije nyibuhenii ke huna dohadolo so ahkiñ nenii!”