JON KA AYAPUYU 6:27 - NITI GONTU N.T. (BSI)

²⁷ Lyusanii diigo pa kontii miigo miiyo, hojalo hiika diigo pa miito santḛrlamanii sango giigii saniimi, nii mina miyu ka Oho nunumi bikiñ donii; niimpalukoda mohmi Pinii Aba mohka miihonaniilo miihotola doku.”

JON KA AYAPUYU 6:27 ပူးပေါင်းရင်းမြစ်များ

KOLOSIA 3:2

Nunuka henju mi haho hoka drih atañ ho hengato, kiiddiapiñ hoka drih donii atañ mimapa.

JON KA AYAPUYU 6:54

hii huna ngiika apomi diidonii ho ngiika ai mi tandonii hiiko santḛrlamanii sango do, ho ngo mohmi kami allo ho seri talyi.

2 TIMOTI 2:19

Hojalo Pinii ka alḛr paka liidi ranii hii dukañdu, siika tiiho niimi giitola: “Attoh chindo ke huna mohkiinii,” ho, “kone abi huna Attoh ka armyañ mi myandonii ingyamiigyanii hokii dasa toku.”

JON KA AYAPUYU 6:40

Niimpalukoda siikasi ngiika Aba ka heniiñ, koneabi huna Oho mi kapa lala ho mohmi henje talyi nii hiiko santḛrlamanii sango dopa; ho ngo hiimi kami allo ho seri talyiku.”

ROM MIKA POL KA SIITI KENIIÑ 6:23

Niimpalukoda ingyamiigya ka miijo shiigo ke, hojalo Pinii ka binyo paka ahmiñayiñ biniiñ hii santḛrlamanii sango ke Kristo Jisu ngunuka Attoh.

JON KA AYAPUYU 10:28

ho ngo mohlumi santḛrlamanii sango bidu, ho mohlu iche hetḛr lyukiñma, ho kone hetḛr mohlumi ngiika alah hokii robii lakiñma.

JON KA AYAPUYU 6:51

Ngo turnii yatañke dariiganda hokiika tonii; hujalo siika yatañ siimi matiirḛ diichi, hii ayu dahepa sankiñdo; ho yatañ nii mina ngo bichi nii dohadolo ka sangopa hii ngiika apoke

MIINIIÑ 10:38

niihtañpa Pinii Nazaret daka Jisu mi arrḛyartiiku Darii Yajiyallo agiñho ho harchichikelo; niihtañpa mo aya miigo miijola ho miipya la miilañrumi hutiina hensḛrkadu la igii ko dotiinii, niimpalukoda Pinii mo agiñho dabo montii.

JON KA AYAPUYU 17:2

niimpalukoda no mohmi hikha miyu atañmi diimiñlumiñ ladopa harchichike bitii, santḛrlamanii sango bidopa humina no mohmi bitiinii.

METHU 6:19

Siika kiiddiapiñ so nunu alḛrdrih atii tiikuñ biiyo, nohna harti ahla ho tachi pudonii ho nohna diipyonii ahla ho diipyo donii,

JON KA AYAPUYU 6:58

Siika sike yatañ niihna dariiganda hokii totiinii, aba atañka diila lalaka shiiniiñ chuli ma; huna siika yatañ siimi diichinii ayu dahepa turkiñdo.”

2 PITAR 1:17

Niimpalukoda mohka khiiniiñ la tatukatu nyimi Pinii Aba kokii ka larii lyiho ho luliñnii mohmika lulyi ho Kayeja tatukatulo, “Siikasi ngiika heniiñja Oho ke, humina ngo ano hempyo biidunii,”

PILIPIA 2:13

niimpalukoda Pinii nunuko miigo miila doke, anyeruho heladopa ho mohka hempyo kiipa miigo miidopa.

1 PITAR 1:24

niimpalukoda “Hikha asiialyo hii tammi chuli ke ho hikha siika tatukatu hii tammi apoo chuli siike. Tammi hii sendu, ho apoo hii liidu,

LUK KA AYAPUYU 3:22

ho Darii Yajiyallo mohko apopa totii, pakoo chulipa, ho aguñ gonge yapuñ hokii luliñdo, “No ngiika heniiñja Oho; humina ngo ano hempyo biidunii.”

1 TESOLONIA 1:3

hempadu ngunuka Pinii la Aba nyika hataho nunuka henje ka miigo miiniiñmi ho hensu laka miiniiñmi ho ranttiniiñ hentiñ giiniimi ngunuka Attoh Jisu Kristo ko.

KOLOSIA 1:29

Siika sipa ngo khendu, hikha ngiika harchichikelo niilona mo ngiika ura ho tamoloda miila donii.

JON KA AYAPUYU 3:33

huna mohka pyakoniimi talii donii mohko hiimi miiho tola doku, Pinii jije hiila.

MIINIIÑ 2:22

Isrel daka miyuatañ, siika aguñ simi tato: Nazaret daka Jisu, siika miyu nunu agiñ hoka dabo monii si Pinii kokii ke kahe miigo ho kahotamo ho kagiñnanii Pinii mohmi miigiñ lala nunuka punkoho miitii, nunu atoh chindo

JON KA AYAPUYU 6:68

Saimon Pitar mohmi lusitii, “Attoh, huko ngunu inchi? Niiko santḛrlamanii sango ka aguñ hii do;

LUK KA AYAPUYU 9:35

Ho aguñ gonge hempḛr goropa jomii hokii luliñtii, lubiidola, “Siikasi ngiika Oho ke, ngiika kahenii; mo luniiñtatolya!”

HIBRU 12:16

kone mitrḛ kalyikabyo malo Isau kii hiilyañ piniihenju mi heriimanii pa dake neyo, huna apiñ purepa pyudo siibii donii mohka oho abañ hiila khiiko saniiñmi.

GELESIA 5:6

Niimpalukoda Kristo Jisu ko mitupipa koniiñ malo mitupipa komanii hang ponsa siima, hojalo henje hiike miigo miidonii hensu niilo.

HIBRU 4:11

Kiije ngunu hopa uropa miisa mohka dumoko ahdupa, kone hetrḛ mohlu hiilyañ luniiñtamapa nyila huhimaduha.

KOLOSIA 2:22

(hiika drih atañmi ludo niihna hikha lyukiñ donii mohluka miitananii si), miyumima ka henjumiiju ho tonsḛr nii?

1 KORINTIA 9:2

Ngo matiirḛ mipa kiiniñkonii pa lyima siijalo, oha nunupa ngo lyisu dokeha; niimpalukoda nunu Attoh ko ngiika kiiniñkonii ka tiihonanii pa lyido.

1 KORINTIA 6:13

“Diigo si erre pake ho erre si diigo pake” ho Pinii anye rumi mudu lokiñdo kone ma ho konemiilañ mi. Apo si ingyamiigya henju kiipa make, hojalo Attoh kiipake, ho Attoh si apo pake.

ROM MIKA POL KA SIITI KENIIÑ 4:11

Mo mitupikonii mi kagiñnaniipa lariitii malo denki ke hiila tiiho kotii, nii mina mo henjelo giitiinii mohka mitupipakoma rampa. Hiilaka lyiniiñsi mohmi hikha dadoka aba pa miidupa hutiina henje nyadonii mitupipakoma siitrḛ ho huna mohlumi denki hiila khiidonii,

JON KA AYAPUYU 15:24

Ngo matiirḛ mohluka punkoho mih kone katrḛ miimanii miigomi miima tiikoda, mohlu ingyamiigya diimmah; hojalo siisi mohlu kapa biineku ho ngiimi ho ngiika Aba ngiinyimi kanañ mapa miido.

JON KA AYAPUYU 14:6

Jisu mohmi lutii, “Ngoke lembo, ho jije, ho sango; kone hetḛr Aba ko ahla kema, hojalo ngiiko hopasii.

JON KA AYAPUYU 11:42

Ngo chindo no kiirañ ngiimi tage du hiila, hojalo ngo siimi ludo siika miyu danii atañpa, niimpalukoda mohlumi henje kiine dupa no ngiimi kiiniñtii hiila.”

JON KA AYAPUYU 8:18

Ngo atoh mi haki bisutii, ho Aba ngiimika kiiniñ bo ngiipa haki lyibido.”

MAK KA AYAPUYU 9:7

Ho mohlumi jomii harpu habiitii, ho jomii hokii aguñgonge luliñtii, “Si ngiika heniiñja Oho ke; mo luniiñ tato.”

MAK KA AYAPUYU 1:11

Ho aguñ gonge yapuñ hokii luliñdo, “No ngiika heniiñja Oho; humina ngo ano hempyo biidunii.”

METHU 17:5

Mo luriila datiirañ, kato, hempḛr puloo jomii mohlumi hipu biitii, ho jomii hokii aguñ gonge lutii, “Siikasi ngiika heniiñja Oho ke, humina ngo ano hempyo biidunii; mo luniiñ tatolya.”

METHU 3:17

ho kato, aguñ gonge yapuñ hokii luliñdo, lubiidola, “Siikasi ngiika heniiñja oho, humina ngo ano hempyo biidunii.”

JEMS 1:11

Niimpalukoda danyi chalyiho hiika uropaka benniiñlo tammi mi benkhii kendo; hiika apoo hii pusi kendo, ho hiika kapyo hii lyudu. Hiichulipa mingo miyu tiirḛ lyukiñdo mohka kiiri miiniiñ ka punko hokii.

2 KORINTIA 4:18

niimpalukoda ngunu nii mina kapa donii hiimi kama ke hojalo drih nii mina kapa manii; niimpalukoda kapa laka donii drih hii lyusa niike, hojalo kapamanii drih hii lyula masanii.

METHU 8:20

Ho Jisu mohmi lutii, “Yali pa ubu dodu, ho piita patḛr asi; hojalo miyu ka Oho pa dinta dingi kotrḛ nyima.”

METHU 25:46

Ho mohlu mungu mapa ka miikhiiñ ko gandaho inkiñdo, hojalo denki atañ santḛrlamanii sango dokoho.

JON KA AYAPUYU 3:15

niimpalukoda hujalo henje talyi hiimi santḛrlamanii sango bidupa.”

JON KA AYAPUYU 6:47

Jijeloda, jijeloda, ngo nunumi lukoso, huna henjedonii hiiko santḛrlamanii sango doke.

JON KA AYAPUYU 6:53

Hopa Jisu mohlumi lutii, “Jijeloda, jijeloda, ngo nunumi lukoso, nii dahepa nunu miyu ka Oho ka apomi diitema ho mohka ai mi tantema, nunuko sango giimake;

JON KA AYAPUYU 6:62

Hokoda nunu matiirḛ miyu ka Oho mi mohka kapyo duko ho chala dopa kappa doko dano?