JON KA AYAPUYU 6:14 - NITI GONTU N.T. (BSI)

¹⁴ Miyu atañ mohka kagiñnanii miiniiñmi kappa lala, mohlu lutii, “Siikasi jije nyibuhenii ke huna dohadolo so ahkiñ nenii!”

JON KA AYAPUYU 6:14 ပူးပေါင်းရင်းမြစ်များ

METHU 21:11

Ho miyuatañ lutii, “Siikasi nyibuhenii Jisu hiike Galili daka Nazaret hokii.”

MIINIIÑ 7:37

Siika sike Mose huna Isrel miyu atañmi lutiinii, Pinii nunupa nyibuhenii nunuka anubarmii hokii sucha bikiñdo niihtañpa ngiimi suchatii.

METHU 11:3

ho mohmi lutii, “No hiika ahsanii bopeha, malo ngunu koneyami kalya talyipeha?”

JON KA AYAPUYU 7:40

Mohlu siika aguñ atañmi tapa lala, miyu tange lutii, “Siikasi jije nyibuhenii.”

JON KA AYAPUYU 1:21

Ho mohlu mohmi takatii, “Hokoda nii? No Elija ha?” “No nyibuhenii ha?” Mo lutii, “Ma ngoma.” “No nyibuhenii ha?” mohlu tahiitii. mo lusitii, “Ma.”

JON KA AYAPUYU 4:19

Annii akha mohmi lutii, “Tonsḛrbo, ngo chimbiido no nyibuhenii hiila.

JON KA AYAPUYU 4:42

Mohlu annii akha mi lutii, “Siikasi niika luko hopa kontii ngunu henje make, niimpalukoda ngunu miilañ attohpa tapatii, ho ngunu chindo siikasi jijeloda dohadolo mika Lyangur nii hiila.”

JON KA AYAPUYU 4:25

Annii akha mohmi lutii, “Ngo chindo Masiah ahkiñdo hiila (humi na Kristo hiila gyokiñ donii); mohka ahlyi ho, mo hikha drih atañmi ngunumi kakiñ kendo.”

LUK KA AYAPUYU 24:19

Ho mo mo anye mi lutii, “Nii drih atañmi?” Ho mo anye mohmi lutii, Nazaret ka Jisu ka piigo micho, nyibuhenii, tamo miiniiñ luniiñ Pinii la hikha miyu atañka hataho,

LUK KA AYAPUYU 7:16

Miilañru biiso nyatii; ho mohlu Pinii mi assañtii, lubiidola, “Hempḛr kaye nyibuhenii kone ngunu agiñho ahdo!” ho “Pinii mohka miyu atañmi kahatii!”

JON KA AYAPUYU 2:11

Siikasi, mohka miipyoja kagiñnanii miiniiñ, Jisu Galili ka Kana ho miitii, ho mohka tatu katu mi kakiñtii; ho mohka henjeajiñ atañ mohmi henje nyatii.

JON KA AYAPUYU 6:2

Ho miyuabuje mohmi imbomontii, niimpalukoda mohlu mohka kagiñnanii miiniiñmi kappatii hutiina achih nyatiinii.

JON KA AYAPUYU 6:26

Jisu mohlumi lusitii, “Jijeloda, jijeloda, ngo nunumi lukoso, nunu ngiimi medo, nunu kagiñnanii kappa kopama, niimpalukoda nunu erre khedopa yatañ diibiine hopa.

JON KA AYAPUYU 6:30

Hopa mohlu mohmi lutii, “Hokoda no nii kagiñnanii miikiñtalyi, ngunumi kake nendupa, ho niimi henje dopa? Nii miigo no miichi?

JON KA AYAPUYU 11:27

Mo mohmi lutii, “ḛh, Attoh; ngo henjedo no Kristo hiila, Pinii ka Oho, mo huna siika dohadolo so ahkiñ neniiñ.”