JON KA AYAPUYU 6:11 - NITI GONTU N.T. (BSI)

¹¹ Jisu ho yatañ mi latii, ho payapacho lulala, mo mohlumi bitii duha tola ka dunii atañmi; hiichuli ngiiyyi mitrḛ, niimkane mohlu diinado bitii.

JON KA AYAPUYU 6:11 ပူးပေါင်းရင်းမြစ်များ

JON KA AYAPUYU 6:23

Hojalo, Tiberias hokiika hulu hii hiika kiiddi ho ahchi tiiku nohna mohlu yatañ diitiinii Attoh ka payapacho hiila luku lala.

1 TESOLONIA 5:18

niihtañ siijalo payapacho luto; niimpalukoda siikasi Pinii ka heniiñ Kristo Jisu ko nunupa.

ROM MIKA POL KA SIITI KENIIÑ 14:6

Hii huna allo lohe mi khiiniiñ yapa hendonii, hiimi khiike nento Attoh mi khiibii dola. Hii huna diidonii, diito Attoh mi khiibii dola, niimpalukoda mo Pinii mi payapacho ludo; hii hutiina diima nii, Attoh mi khiibii dola miito ho Pinii mi payapacho hiila luto.

METHU 15:36

mo yatañ pekkanuhemi la ngiiyyi mi tulala, ho payapacho lulala mo petutii ho henjeajiñ atañmi bitii, ho henjeajiñ atañ miyu atañmi bitii.

LUK KA AYAPUYU 24:30

Mo mo anye agiñho diitananii ho dukele, mo yatañ mi lala la ho lyantii, ho hiimi petutii, ho mo anye mi bitii.

1 KORINTIA 10:31

Hopa, nunu diichiha malo tanchiha, malo niijalo nunu miichi, miito hikha rumi Pinii mika assañ giina naniiñpa.

MIINIIÑ 27:35

Ho mo hiimi luku lala, mo yatañ mi lala la, ho Pinii mi payapacho hiila miilañ ruka kado pa lula la mo hiimi petu biido ho diiritii.

JON KA AYAPUYU 6:9

Inkasi himme koneda hukiina yatañ pyarngohe ho ngiiyyi sonye biidonii; hojalo hiimi niimiichi mohlu hiimkane abu da?

JON KA AYAPUYU 21:9

Mohlu kiiddi ho linku lala, mohlu hiiko yamu miiri kappatii, hiiko ngiiyyi dopa, ho yatañ miilañ.

JON KA AYAPUYU 21:10

Jisu mohlumi lutii, “Ngiiyyi iche biilii siisi ka nunuka labii nii hokii.”

JON KA AYAPUYU 21:13

Jisu ahtii ho yatañ mi tula la ho mohlumi hiimi bitii, ho hiichulipa ngiiyyi mitrḛ