JON KA AYAPUYU 5:42 - NITI GONTU N.T. (BSI)

⁴² Hojalo ngo chindo nunuko Pinii ka heniiñ hii nunuka ura ho nyima.

JON KA AYAPUYU 5:42 ပူးပေါင်းရင်းမြစ်များ

1 JON 4:20

Mihkone matiirḛ ludo koda, “Ngo Pinii mi hendu,” ho mohka atoh anubarmii mi hema dokoda, mo gollunii; niimpalukoda hii huna atoh anubarmii mi hemanii humina kapa la danii, hela kema Pinii mi humina mo kapa manii.

1 JON 3:17

Hojalo mihkone matiirḛ dohadolo ka drihpachi biido koda ho mohka anubarmii hiimi anna do hiila kapa dokoda, hojalo mohka ahha mohmi hiimi bina mapa hendo koda, niihtañpa Pinii ka heniiñ hii mohko do hiila luchi?

1 JON 2:15

Dohadolo mi hembyo yo malo dohadolo hoka drih donii atañmi. Hu kone jalopa dohadolo mi hembyo talyi, Aba paka heniiñ hii mohko nyimake.

JON KA AYAPUYU 2:25

niimpalukoda mo hikha miyu atañmi chintii ho kone mitrḛ miyukii dalyi hokii hakipa anna matii; niimpalukoda mo atoh loda chintii miyu ko nii giido hiila.

MIHUKAKIÑNIIÑ 2:23

ho ngo mohka wiinga mi shiidopa miichi. Ho hikha gyoliñkonii atañ chinkiñdo ngoke hii huna punyu la ahha nyimi mechi ladunii, ho ngo kone abimi bichi nunuka miigo miijo atañmi.

ROM MIKA POL KA SIITI KENIIÑ 8:7

Niimpalukoda ahha mi asiialyo kii dalyi henga dopa miiniiñsi Pinii mika ahha-banii ke; hiika hii Pinii ka dapo ho tiilii siibima, jijeloda tiilii lakiñma;

JON KA AYAPUYU 21:17

Mo rohiñniipa mohmi lutii, “Saimon, Jon ka oho, no ngiimi hendu ha?” Pitar herutii niimpalukoda mo mohmi rohiñniipa lutii, “No ngiimi hendu ha hiila?” Ho mo mohmi lutii, “Attoh, no amanehemi chindo ke; no chindo ngo niimi hendo hiila.” Jisu mohmi lutii, “Ngiika subuñ mi diigo bitolya.

JON KA AYAPUYU 8:55

Hojalo nunu mohmi chimake; Ngo mohmi chindu. Ngo matiirḛ ludo koda, ngo mohmi chima, ngotiirḛ nunu chuli gollu kendo; hojalo ngo mohmi chindu ho ngo mohka aguñmi atiibiidu.

JON KA AYAPUYU 8:47

Mo huna Pinii kokiinii hii Pinii ka aguñmi tadu; niimpa nunu hiimi tama lukoda nunu Pinii kokiima.”

JON KA AYAPUYU 8:42

Jisu mohlumi lutii, “Pinii matiirḛ nunuka Aba koda, nunu ngiimi henkiñdo, niimpalukoda ngo irito ho ahdu Pinii kokii; ngo attoh pa ahsuma, hojalo mo ngiimi kiiniñtii.

JON KA AYAPUYU 5:44

Niihtañpa nunu henje lakiñdo, huna kone anyañ ka assañ niimi larii siila ho Pinii kokiika assañdiilañ ahnii miya menya mapa?

LUK KA AYAPUYU 16:15

Hojalo mo mohlumi lutii, “Nunuke hiika atañ hutiina atoh mi miyu atañka hataho denki kakiñ siidanii, hojalo Pinii nunuka ahha mi chindo ke; nii mina miyu ka hataho assañ siidonii hii Pinii ka kata ho khiimake.

JON KA AYAPUYU 5:41

Ngo miyu atañka assañdiilañ mi larii make.

JON KA AYAPUYU 5:43

Ngo ahdu ngiika Aba ka armyañ pa. ho nunu ngiimi larii nyama; koneya matiirḛ mo attoh armyañ pa ahdo koda, mohmi nunu larii kendo.