JON KA AYAPUYU 5:24 - NITI GONTU N.T. (BSI)

²⁴ Jijeloda, jijeloda, ngo nunumi lukoso, hii huna ngiika aguñmi tadonii ho mohmi henje donii ngiimika kiiniñ bomi, mohko santḛrlamanii sango do; mo ayakacho kako ahkiñma, hojalo shiigo mi impo biila sango ho daku.

JON KA AYAPUYU 5:24 ပူးပေါင်းရင်းမြစ်များ

JON KA AYAPUYU 3:36

Hii huna Oho mi henje donii hiiko santḛrlamanii sango hii doku; hii huna Oho ka luniiñmi tamanii hii sango mi kappa kema, hojalo Pinii ka hadii hii mohko dokañ doku.

JON KA AYAPUYU 3:18

Huna henje talyinii hiimi khiipa kema; huna henje manii hiimi khiipa tola doku, niimpalukoda mo henje matii Pinii ka Oho kone kontii ka armyañ mi.

JON KA AYAPUYU 6:40

Niimpalukoda siikasi ngiika Aba ka heniiñ, koneabi huna Oho mi kapa lala ho mohmi henje talyi nii hiiko santḛrlamanii sango dopa; ho ngo hiimi kami allo ho seri talyiku.”

ROM MIKA POL KA SIITI KENIIÑ 8:1

Hiiko hopa siisi hang khiiliisaniiñ nyima hiipa hutiina Kristo Jisu ko danii.

JON KA AYAPUYU 6:47

Jijeloda, jijeloda, ngo nunumi lukoso, huna henjedonii hiiko santḛrlamanii sango doke.

JON KA AYAPUYU 3:16

Niimpalukoda Pinii dohadolo mi ano hela mohka Oho konekontii mi bitii, hujalopa mohmi henje talyi hii lyukiñma hojalo santḛrlamanii sango giikiñdo.

JON KA AYAPUYU 11:26

ho hujalopa sando ho ngiimi henjedo hii iche hetrḛ shiikiñma. Nunu siimi taje doha?”

JON KA AYAPUYU 20:31

hojalo siika atañ siimi ka keniiñsi nunumi Jisu hii Kristo hiila henje kiine dupa, Pinii ka Oho, ho henje biidola nunumi sango kapa kiine dupa mohka armyañ pa.

JON KA AYAPUYU 8:51

Jijeloda, jijeloda, ngo nunumi lukoso, hujalopa matiirḛ ngiika aguñmi atiibiichi, mo shiigo mi kapa kema.”

1 TESOLONIA 5:9

Niimpalukoda Pinii ngunumi urohadii kiipa bardiñ kiine make, hojalo sangopyako mi labiikiine dupa ngunuka Attoh Jisu Kristo kiilo,

1 JON 5:1

Kone abi huna henje donii Jisu mi Kristo hiila hii Pinii ka wiinga, ho kone abi huna annii-aba mi hendonii hii wiinga mitrḛ hendo.

MAK KA AYAPUYU 16:16

Huna henje talyinii ho baptisma lachinii hii lyangur kokiñ doke; hojalo huna henje tamanii hii khiipa kokiñ doke.

1 JON 3:14

Ngunu chindo ngunu shiiniiñ hokii impo biila sango ho daku, niimpalukoda ngunu anubarmii mi hendu. Mo huna hensu manii shiinii ho giige tola do.

JON KA AYAPUYU 12:44

Ho Jisu gyuritii ho lutii, “Huna ngiimi henje nyadonii, ngiimi henje make hojalo hiimi ke huna ngiimi kiiniñ tiinii.

1 PITAR 1:21

Mohkiilo nunuko hentiñnanii do Pinii ko, huna mohmi shiinii hokii turdopa miitiinii ho tatukatu mi bitii nii, niimpalukoda nunuka henje ho hentiñ nanii hii Pinii ko dopa.

1 PITAR 1:5

hutiina Pinii ka harchichike lo henje kiilo dagur kobiidonii sangopyako pa kamikalo myodu ho kakiñ dupa hiila henju tokula dokuniimi.

METHU 25:46

Ho mohlu mungu mapa ka miikhiiñ ko gandaho inkiñdo, hojalo denki atañ santḛrlamanii sango dokoho.

JON KA AYAPUYU 4:36

Hii huna pidonii ajho injomi larii kendo, ho santḛrlamanii sango ka ahee mi tukuñ biikiñdo, niimpalukoda liloniila ho pinii nyi hempyo hehiñdupa hiila.

JON KA AYAPUYU 6:50

Siika yatañ si dariiganda hokiika toniike, miyu atañmi siimi diike nendupa ho shiima yapa.

JON KA AYAPUYU 6:51

Ngo turnii yatañke dariiganda hokiika tonii; hujalo siika yatañ siimi matiirḛ diichi, hii ayu dahepa sankiñdo; ho yatañ nii mina ngo bichi nii dohadolo ka sangopa hii ngiika apoke

JON KA AYAPUYU 6:58

Siika sike yatañ niihna dariiganda hokii totiinii, aba atañka diila lalaka shiiniiñ chuli ma; huna siika yatañ siimi diichinii ayu dahepa turkiñdo.”