JON KA AYAPUYU 5:19 - NITI GONTU N.T. (BSI)

¹⁹ Jisu mohlumi lutii, “Jijeloda, jijeloda, ngo nunumi lukosa, Oho mo attoh pa hang miila kema, hojalo Aba niihna miidonii hiimi kala lala kontiisii; niimpalukoda niijalo mo miido, hiimisii Oho miisu danii hii chulipa.

JON KA AYAPUYU 5:19 ပူးပေါင်းရင်းမြစ်များ

METHU 26:39

Ho ichuche ahhila mo kiiddi ho chukila ho kutii, “Ngiika Aba, miila kendo milo, siika turla siimi ngiimi impo biike nentope, hojalopa, ngiika hengko homapa, niika hengko hotiika.”

LUK KA AYAPUYU 21:15

niimpalukoda ngo nunumi aguñ ho chila bichi ke, nii mina nunuka ahha banii chekhola dala kemanii malo cherii lakiñ manii.

JON KA AYAPUYU 10:18

Kone hetḛr hiimi ngiiko hokii labii lakiñma, hojalo ngo ngiika henko ho hiimi hempa bikiñdo. Ngiiko hiimi hempa bina naniipa harchichike giido, ho ngiiko hiimi ka lakur nanii patḛr harchichike giido; siika miisaniimi ngo ngiika Aba kokii labii.”

JON KA AYAPUYU 12:49

Niimpalukoda ngo ngiika attoh otority la lusuma; Aba ngiimika kiiniñbo mo loda ngiimi lujubiniiñ mi bitii nii lusanii ho nii lukiñdo.

JON KA AYAPUYU 12:50

Ho ngo chindo siika lujubiniiñ so santḛrlamanii sango do. Ngo nii luchi, hopa, ngo ludu Aba ka ngiimika lunge luniiñmi.”

JON KA AYAPUYU 14:10

No hiila henjema ha Ngo Aba ko da ho Aba Ngiiko da hiila? Ngiika aguñ niimi ka lurii niisi ngo ngiika atoh otority lo luma; hojalo Aba ngiika ura hoka duniibo mo mohka miigo atañmi miido.

JON KA AYAPUYU 2:19

Jisu mohlumi lusitii, “Pyadu loto siika piniiude mi, ho allo lohiñ heho ngo siimi pencha talyike,”

JON KA AYAPUYU 3:3

Jisu mohmi lusitii, “Jijeloda, jijeloda, ngo niimi lukoso, nii dahepa konehii buti kotema, mo Pinii ka raddeganda mi kappa kema.”

JON KA AYAPUYU 5:21

Niimpalukoda niihtañpa Aba shiinii mi turdopa miido ho mohlumi sango bido, hiichulipa Oho tiirḛ sango bido humina mo bina donii.

JON KA AYAPUYU 6:38

Niimpalukoda ngo dariiganda hokii todu, ngiika henko miipama, hojalo mohka henko huna ngiimi kiiniñ tiinii;

JON KA AYAPUYU 8:28

Hopa Jisu lutii, “Nunu miyu ka Oho mi yucha kulala, ho nunu chinkiñdo ngo hii hiila, ho ngo ngiika attoh otority la hang miima hojalo hiimi sii lusu dunii Aba ka ngiimika tonsḛr niimi.

JON KA AYAPUYU 9:4

Ngunu mohka miigomi miikiñdo huna ngiimi kiiniñ tiinii, allo dorañpa; ayoh hii ahlyi, kone hetḛr miigo miila ma.

MIINIIÑ 2:24

Hojalo Pinii mohmi seritii, shiinii hokii tupya kula la, niimpalukoda mohmi latu biitola biila matii hiilo.

ROM MIKA POL KA SIITI KENIIÑ 6:4

Ngunu mi alie tiiku mohka agiñho shiiniiñ hoka baptisma laniiñ ho, hopa niihtañpa Kristo shiiniiñ hokii turi tiiku Aba ka tatukatu lo, ngunu mitrḛ imbo ladopa niti sango ho.

ROM MIKA POL KA SIITI KENIIÑ 8:11

Hiika Yajiyallo matiirḛ nunuko giido koda huna Jisu mi shiinii hokii turdo miibii nenii, mo huna Kristo Jisu mi turdo pa miitiinii hii bikiñ doke sango niika shiinii apo ho mohka Yajiyallo niihna nunuko giidonii

1 KORINTIA 15:12

Siisi Kristo mi shiinii hokii turikunii hiila tonsḛr khenyo dokoda, niihtañpa nunu tonge lula kendo shiinii atañ turiturku kema hiila?

2 KORINTIA 4:14

chimbiitola huna Attoh Jisu mi seri tiinii hii ngunu mitrḛ Jisu ka agiñho seri kendo ho ngunumi nunuka agiñho mohka dako ho ahgii kendo.

2 KORINTIA 5:10

Niimpalukoda ngunu miilañru Kristo ka ayakacho kako duko ho ahkiñdo loda, niimpalukoda kone abimi aya malo ayamanii mi larii kiine dupa, niihtañ pana mo miitiinii mohka apo ho.

IPISIA 2:5

ngunuka shiila ka doho ho ngunuka pallenii hokii, ngunumi turdo miitii Kristo ka agiñho (aroh-aya loke nunumi lyangur tiinii),

IPISIA 3:16

niimpalukoda mohka mingo tatukatulo mo nunumi alḛrnaniiñ mi bikiñcho mohka Yajiyallo lo miyu ka ura ho,

PILIPIA 3:21

huna ngunumi miigu kendonii khiima nii ahuapo hokii mo chuli tatukatu apopa, hiika harchichike lo nii lona mohmi hikha drih atañmi mohka ura ho dopa miilii giidonii.

PILIPIA 4:13

Ngo hikha drih atañ mi mohko miila kendo huna ngiimi alḛr giidonii.

KOLOSIA 1:11

Nunumi hikha harchichike ka alḛr naniiñmi bikiñcho, mohka tatukatu harchichikelo, hikha pigiinaniiñlo ho yanu hempyo ka agiñho,

KOLOSIA 1:16

niimpalukoda mohko hikha drih atañmi puliñtii, dariiganda la kiiddiapiñ nyiho, kapalaniiñho ho kapalama niiho, raddeduko malo domiñ biiniibo malo sangiinii malo otority atañ-hikha drih atañ mi puliñtii mohpa ho mohkiilo.

1 TESOLONIA 4:14

Niimpalukoda ngunu henjedu Jisu shiite hela ho hiira turiku, hii chulipa, Jisu kiilo, Pinii ahgii kendo mo agiñho hutiina imi lyado kunii.

1 PITAR 3:18

Niimpalukoda Kristo tiirḛ shiibitii ingyamiigyanii kiipa rongepada miilañ rupa, denki mi ingyamiigya kiipa, niimpalukoda mo ngunumi Pinii ko ahgii dupa, asiialyo mi shiike nela la hojalo yajiyallo ho turke nentii;

MIHUKAKIÑNIIÑ 2:23

ho ngo mohka wiinga mi shiidopa miichi. Ho hikha gyoliñkonii atañ chinkiñdo ngoke hii huna punyu la ahha nyimi mechi ladunii, ho ngo kone abimi bichi nunuka miigo miijo atañmi.