JON KA AYAPUYU 4:48 - NITI GONTU N.T. (BSI)

⁴⁸ Hopa Jisu mohmi lutii, “Nii dahepa nunu kagiñnanii la kahotamo kappa tama nunu henje kemake.”

JON KA AYAPUYU 4:48 ပူးပေါင်းရင်းမြစ်များ

JON KA AYAPUYU 20:29

Jisu mohmi lutii, “No henje dokuha niimpalukoda no ngiimi kapa tiiku? Lyanko kendo hiika atañ hutiina kapa masu hojalo henje nyadonii.”

HIBRU 2:4

Pinii tiirḛ haki bitii kagiñnanii ho kahotamo ho abuje miimalyanii lo ho Darii Yajiyallo ka ahmiñayiñ mi mohka atoh henko jaho khetii.

1 KORINTIA 1:22

Niimpalukoda Jew atañ kagiñnanii kunya da ho Grik atañ chila mi menyada,

MIINIIÑ 2:22

Isrel daka miyuatañ, siika aguñ simi tato: Nazaret daka Jisu, siika miyu nunu agiñ hoka dabo monii si Pinii kokii ke kahe miigo ho kahotamo ho kagiñnanii Pinii mohmi miigiñ lala nunuka punkoho miitii, nunu atoh chindo

JON KA AYAPUYU 12:37

Mo abuje kagiñnanii mohluka hataho miibii siine, hojalo mohlu mohmi henje nyama;

2 KORINTIA 12:12

Jije kiiniñkonii atañ hiila ka kagiñnanii mi nunuka punkoho miikiñtii pigiibiidola, kagiñnanii la kahotamo ho kahe miigo atañ agiñho.

ROM MIKA POL KA SIITI KENIIÑ 15:19

kagiñnanii la kahotamo nyika harchichikelo, Darii Yajiyallo ka harchichike lo, hiikohopa Jerusalem hokii luri biila hikha Illyrikum lohepa ngo hikha Kristo ka ayapuyu mi lutii,

MIINIIÑ 14:3

Hopa mohlu dakañtii myodu abuje, haropa Attohpa lubiidola, mohlu haki pa lyila miitii aroh-aya ka aguñpa, mohluka alah lo kagiñnanii ho kahotamo miigo miike nembii dola.

MAK KA AYAPUYU 13:22

Amuhpa Kristo ke ho amuhpa nyibuhenii ke hiila linkiñ doke ho kagiñnanii la kahotamo drih kakiñ kendo, ngogya giipa, miila dokoda kahenii atañmi miipa miido.

METHU 24:24

Niimpalukoda amuh Kristo ho amuh nyibuhenii hiila duri kendo ho kaye kagiñnanii la kahotamo miikiñ kendo, ngogya giidupa hiila, miila dokoda, kahenii atañmi.

MIINIIÑ 2:43

Ho biiso kone abika yallo ho ahtii; ho abuje kahotamo ho kagiñnanii kiiniñkonii atañ miitii.

JON KA AYAPUYU 2:18

Jew atañ ho mohmi lutii, Nii kagi nanii no ngunumi kakiñpa siimi miibii dola?

LUK KA AYAPUYU 16:31

Mo mohmi lutii, Mohlu matiirḛ Mose la Nyibuhenii atañka luniiñmi tama koda, mohlumi shiinii hokii kone chala tiirḛ lyala kemake.”

2 TESOLONIA 2:9

Diimmah koneka ahniiñhii saitan ka miigo miiniiñlo hikha harchichike ho amuhpaka kagiñnanii ho kahotamo agiñho,

MIINIIÑ 15:12

Ho hikha miyuatañ adu nyamatii; ho mohlu taladotii Barnabas la Pol nyika niihtañ kagiñnanii ho kahotamo Pinii miitii mohlumi miigiñ nala Midomiyu atañka punkoho.

MIINIIÑ 7:36

Mo mohlumi lingii tiiku, Egip ho kahotamo ho kagiñnanii miibii dola ho Lanchañ Siimie ho, ho jabyo ho nyang alyañpiilye anyañ.

MIINIIÑ 6:8

Ho Stepen, poteje aroh-aya ho harchichike giitii, abuje kahotamo ho kagiñnanii atañmi miitii miyu atañka punkoho.

MIINIIÑ 5:12

Siisi abuje kagiñnanii ho kahotamo atañ miitii miyu atañka punkoho kiiniñkonii atañka alah lo. Ho mohlu miilañru tongepa Solomon lengo ho datii.

MIINIIÑ 4:30

hojalo niika alah mi lyuliñto miipya dupa, ho kagiñnanii ho kahotamo atañmi miidopa niika darii miira Jisu ka armyañ pa.

MIINIIÑ 2:19

Ho ngo yapuñ ayoho kahotamo kakiñso ho kiiddi ho kagiñnanii, ai, ho yamu, ho yamu muku ka hapiñ;

JON KA AYAPUYU 15:24

Ngo matiirḛ mohluka punkoho mih kone katrḛ miimanii miigomi miima tiikoda, mohlu ingyamiigya diimmah; hojalo siisi mohlu kapa biineku ho ngiimi ho ngiika Aba ngiinyimi kanañ mapa miido.

LUK KA AYAPUYU 10:18

Ho mo mohlumi lutii, “Ngo Saitan mi yapuñ hokii yamu chitañ byohi dopa kapato.

METHU 27:42

Mo mihmi lyangur biine; mo atoh mi lyangur siila mayu ha. Mo Isrel ka Radde; mohmi siisi pogyañ hokii akañ so toke nento, ho ngunu mohmi henje talyi.

METHU 16:1

Ho Parisi atañ la Sadusi atañ ahtii, ho mohmi tenkadupa mohlu dariiganda hokii kagiñnanii kakiñpe lubiido.

JON KA AYAPUYU 4:49

Sabii mohmi lutii, “Tonsḛrbo, ngiika oho ka shiima rampa ahto.”