JON KA AYAPUYU 4:14 - NITI GONTU N.T. (BSI)

¹⁴ hojalo hujalopa ngiika yasie biniiñ hokii tanchi hii ronge hetḛr hangḛr keñku ma, ngiika yasie biniiñ hii mohko shoo huliñnii yasie pa lyikiñdo santḛrlamanii sango pa huliñla dokiñdo.”

JON KA AYAPUYU 4:14 ပူးပေါင်းရင်းမြစ်များ

METHU 25:46

Ho mohlu mungu mapa ka miikhiiñ ko gandaho inkiñdo, hojalo denki atañ santḛrlamanii sango dokoho.

METHU 5:6

Lyanko kendo hiika atañ huna denki drihpa haya la hangḛr nyadonii, niimpalukoda mohlumi pote dopa bikiñdo.

JON KA AYAPUYU 10:10

Diipyonii ahdu diipyo pa kontiisii ho mempa ho pyadu lopasii; ngo ahdu niimpalukoda mohlumi sango kapa kiine dupa, ho hiimi poteje giike nendupa.

JON KA AYAPUYU 11:26

ho hujalopa sando ho ngiimi henjedo hii iche hetrḛ shiikiñma. Nunu siimi taje doha?”

JON KA AYAPUYU 4:10

Jisu mohmi lutii, No matiirḛ Pinii ka ahmiñayiñ mi chintii koda, ho huna si niimi lula donii hiila, ngiimi yasie gonge bipe, no ya mohmi kududo, ho mo niimi turnii yasie bitiido

JON KA AYAPUYU 4:11

Annii akha mohmi lutii, Tonsḛrbo, no hang hana naniiñ biimapa, ho sukuñ si urañdo; nohkii no hiika turnii yasie mi hakiñdo?

JON KA AYAPUYU 4:13

Jisu mohmi lutii, “Kone abi huna siika yasie sokii tandonii hiira hangḛr kendo,

JON KA AYAPUYU 4:36

Hii huna pidonii ajho injomi larii kendo, ho santḛrlamanii sango ka ahee mi tukuñ biikiñdo, niimpalukoda liloniila ho pinii nyi hempyo hehiñdupa hiila.

JON KA AYAPUYU 6:27

Lyusanii diigo pa kontii miigo miiyo, hojalo hiika diigo pa miito santḛrlamanii sango giigii saniimi, nii mina miyu ka Oho nunumi bikiñ donii; niimpalukoda mohmi Pinii Aba mohka miihonaniilo miihotola doku.”

JON KA AYAPUYU 6:35

Jisu mohlumi lutii, “Ngo sango ka yatañ ke; huna ngiiko ahdonii hii haya kemake, ho huna ngiimi henje talyinii hii iche tiirḛ hangḛr kema.

JON KA AYAPUYU 6:58

Siika sike yatañ niihna dariiganda hokii totiinii, aba atañka diila lalaka shiiniiñ chuli ma; huna siika yatañ siimi diichinii ayu dahepa turkiñdo.”

JON KA AYAPUYU 7:37

Dituñ soniiñ ka kamija allo ho, hempḛr kahe allo, Jisu guri biila ho gyutii, “Mi kone matiirḛ hangḛr domilo, mohmi ngiiko ahke nento ho tanke nento.

ROM MIKA POL KA SIITI KENIIÑ 5:21

hopa, ingyamiigya hii shiiniiñ mi dogiitii, aroh-aya hiitiirḛ dogii kendo denkilo santḛrlamanii sango mi Jisu Kristo ngunuka Attoh kiilo.

ROM MIKA POL KA SIITI KENIIÑ 6:23

Niimpalukoda ingyamiigya ka miijo shiigo ke, hojalo Pinii ka binyo paka ahmiñayiñ biniiñ hii santḛrlamanii sango ke Kristo Jisu ngunuka Attoh.

2 KORINTIA 1:22

mo mohka tiihonanii lo ngunumi tiihotii ho ngunumi mohka Yajiyallo mi bitii ngunuka ahha ho hentiñ naniiñpa.

IPISIA 4:30

Ho Pinii ka Darii Yajiyallo mi heru miipa lyayo, huko hona nunumi tiiho tola dokunii tupyabiniiñ allo hopa.

1 PITAR 1:22

Nunuka yallomi darii miibii dola nunuka luniiñ talii niilo jijemi, jijeka anubarmii hensu niilo, kone anyañmi hempḛr uropa hensu tolya ahha lo.

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

MIHUKAKIÑNIIÑ 7:16

Mohlu haya keñkuma, yasie tiirḛ hangḛr keñkuma; danyi hii mohlumi benkhii kema, malo hang gubu paka beniiñ.

MIHUKAKIÑNIIÑ 7:17

Niimpalukoda Siibuñ raddeduko punko hoka daniibo mohlumika siibuñsorniibo, ho mo mohlumi lembo pagiikendo turnii yasie ka shoo huliñ ko lohe; ho Pinii tipa kendo kone abika mila mi mohluka amee hokii.