JON KA AYAPUYU 3:17 - NITI GONTU N.T. (BSI)

¹⁷ Niimpalukoda Pinii Oho mi dohadolo ho kiiniñtii, dohadolo mi khiipa dupa ma, hojalo dohadolo mi lyangur dupa mo kiilo.

JON KA AYAPUYU 3:17 ပူးပေါင်းရင်းမြစ်များ

1 JON 4:14

Ho ngunu kapa tiiku ho pyakodu Aba mohka atoh Oho mi kiiniñtii dohadolo mika lyangur niipa.

LUK KA AYAPUYU 19:10

Niimpalukoda miyu ka Oho hii ahtii lyunii mi medupa ho lyangur dupa.”

JON KA AYAPUYU 6:57

Niitañpa turnii Aba ngiimi kiiniñtii, ho ngo turdo niimpalukoda Aba kiipa, hopa huna ngiimi diichinii hii turkiñdo niimpalukoda ngiikiipa

JON KA AYAPUYU 6:40

Niimpalukoda siikasi ngiika Aba ka heniiñ, koneabi huna Oho mi kapa lala ho mohmi henje talyi nii hiiko santḛrlamanii sango dopa; ho ngo hiimi kami allo ho seri talyiku.”

JON KA AYAPUYU 6:29

Jisu mohlumi lusitii, “Siika sike Pinii ka miigo, nunuka mohmika henjenii hii humina mo kiiniñ tiinii.”

JON KA AYAPUYU 20:21

Jisu hiira mohlumi lutii, “Chimie nunu agiñho dokiñcho. Niihtañpa Aba ngiimi kiiniñtii, hiichulipa ngo nunumi kiiniñ biilyi ke.”

1 JON 2:2

ho mo ngunuka ingyamiigyanii atañpa atohmi bisutii, ho ngunupa kontiima hojalo hikha dohadolo ka ingyamiigyanii atañpa.

JON KA AYAPUYU 17:3

Ho siikasi santḛrlamanii sango, mohlu hiila chindokoda no kontiisii jije Pinii, ho Jisu Kristo humina no kiiniñ tiinii.

JON KA AYAPUYU 11:42

Ngo chindo no kiirañ ngiimi tage du hiila, hojalo ngo siimi ludo siika miyu danii atañpa, niimpalukoda mohlumi henje kiine dupa no ngiimi kiiniñtii hiila.”

JON KA AYAPUYU 7:29

Ngo mohmi chindo, niimpalukoda ngo mohkokii ahdu, ho mo ngiimi kiiniñtii.”

JON KA AYAPUYU 5:45

Hiila heyo ngo nunumi Aba ka agiñho haliido hiila; si Mose ke nunu mika haliibo, huko hona nunu nunuka hentiñ mi atii donii.

JON KA AYAPUYU 8:42

Jisu mohlumi lutii, “Pinii matiirḛ nunuka Aba koda, nunu ngiimi henkiñdo, niimpalukoda ngo irito ho ahdu Pinii kokii; ngo attoh pa ahsuma, hojalo mo ngiimi kiiniñtii.

JON KA AYAPUYU 1:29

Allo lohe yaho mo Jisu mi mohkii dalyi ahla dopa kappatii, ho lutii, kato, Pinii ka subuñ atu, huna dohadolo ka ingyamiigya niimi bapa bidonii!

JON KA AYAPUYU 17:8

niimpalukoda ngo mohlumi niika ngiimika aguñ biniiñ mi bitii, ho mohlu hiimi larii biine ho jije mi chindoku ngo niiko hokii ahdo hiila; ho mohlu henjedo no ngiimi kiiniñtii.

JON KA AYAPUYU 10:36

nunu mohmiha ludu nii Aba ka dariimiila lala ho dohadolo hoka kiiniñ niimi, No nipadake, niimpalukoda ngo lutii, Ngo Pinii ka Oho hiila?”

JON KA AYAPUYU 5:36

Hojalo ngiiko hoka pyakonii donii hii Jon kiimi hentola kahe yake; Aba ka ngiimika miigo miipe dopaka biniiñ hii, siika ngiika miigo miiniiñsi, ngiimi haki bido, ngo Aba loka kiiniñ koniiñ hiila.

JON KA AYAPUYU 17:21

mohlu miilañ rumi konepa lyike nendupa; niihtañpa no, Aba, ngiiko do, ho ngo niikii ho, hiichulipa mohlumi tiirḛ ngiinyi ko doke nento, niimpalukoda dohadolo mi henje kiine dupa no ngiimi kiiniñtii hiila.

JON KA AYAPUYU 5:38

ho nunu mohka aguñmi nunuko atiima, niimpalukoda nunu mohmi henjema humina mo kiiniñ tiinii.

METHU 1:23

“Kato, dokasanka manii kone wiinga giikiñ do ho milobo oho bukiñdo, ho mohka armyañ mi Emmanuel hiila gyokiñ do” (siika luniiñsi, Pinii ngunu agiñho daboda).

METHU 18:10

Henditolya no siika atu kone mitrḛ khiima pama miilyayo; niimpalukoda ngo nunumi lukoso dariiganda daka mohluka miidopopi atañ kiirañ dariiganda hoka dunii boka Aba ka nyimo mi kalada.

LUK KA AYAPUYU 9:56

Ho mohlu lemba ponge yaho intii.

JON KA AYAPUYU 3:34

Niimpalukoda humina Pinii kiiniñ tiinii Pinii aguñ luliñla doku, niimpalukoda khuka biidola mo yajiyallo mi bimake;

JON KA AYAPUYU 6:38

Niimpalukoda ngo dariiganda hokii todu, ngiika henko miipama, hojalo mohka henko huna ngiimi kiiniñ tiinii;

JON KA AYAPUYU 8:11

Mo lutii, “Ma Kone hetḛr khiilii ma, Attoh.” Ho Jisu lutii, “Ngotiirḛ niimi khiilii make; ingeku, ho hiira ingyamiigya kulyayo.”

JON KA AYAPUYU 17:18

Niihtañpa no ngiimi dohadolo so kiiniñtii, hii chulipa ngo mohlumi dohadolo so kiiniñ biilyi ke.

JON KA AYAPUYU 17:23

Ngo mohluko ho no ngiiko, niimpalukoda mohlumi ayaloda konepa lyike nendupa, niimpalukoda dohadolo mi chinke nendupa no ngiimi kiiniñtii hiila ho mohlumi hento niihtañpa ngiimi no hendu.

JON KA AYAPUYU 17:25

O denki Aba, dohadolo niimi chima, hojalo ngo niimi chindu; ho siika atañ chindo no ngiimi kiiniñtii hiila.

METHU 18:11

Niimpalukoda Miyu ka Oho lyunii mi lyangur dupake ahtiinii.