JON KA AYAPUYU 3:15 - NITI GONTU N.T. (BSI)

¹⁵ niimpalukoda hujalo henje talyi hiimi santḛrlamanii sango bidupa.”

JON KA AYAPUYU 3:15 ပူးပေါင်းရင်းမြစ်များ

JON KA AYAPUYU 3:16

Niimpalukoda Pinii dohadolo mi ano hela mohka Oho konekontii mi bitii, hujalopa mohmi henje talyi hii lyukiñma hojalo santḛrlamanii sango giikiñdo.

JON KA AYAPUYU 6:40

Niimpalukoda siikasi ngiika Aba ka heniiñ, koneabi huna Oho mi kapa lala ho mohmi henje talyi nii hiiko santḛrlamanii sango dopa; ho ngo hiimi kami allo ho seri talyiku.”

JON KA AYAPUYU 3:36

Hii huna Oho mi henje donii hiiko santḛrlamanii sango hii doku; hii huna Oho ka luniiñmi tamanii hii sango mi kappa kema, hojalo Pinii ka hadii hii mohko dokañ doku.

JON KA AYAPUYU 20:31

hojalo siika atañ siimi ka keniiñsi nunumi Jisu hii Kristo hiila henje kiine dupa, Pinii ka Oho, ho henje biidola nunumi sango kapa kiine dupa mohka armyañ pa.

1 JON 5:1

Kone abi huna henje donii Jisu mi Kristo hiila hii Pinii ka wiinga, ho kone abi huna annii-aba mi hendonii hii wiinga mitrḛ hendo.

HIBRU 7:25

Hiiko hopa mo hikha myodu ho mohlumi lyangur latii hutiina Pinii ka aruñho ahde tiinii mohko ahbiila, niimpalukoda mo kiirañ turla da mohlupa kubi dupa.

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

JON KA AYAPUYU 6:47

Jijeloda, jijeloda, ngo nunumi lukoso, huna henjedonii hiiko santḛrlamanii sango doke.

JON KA AYAPUYU 1:12

Hojalo hikha hutiina mohmi lariitiinii, hutiina mohka armyañ mi tajetiinii, mo harchichike mi bitii Pinii ka oho pa lyidopa;

JON KA AYAPUYU 5:24

Jijeloda, jijeloda, ngo nunumi lukoso, hii huna ngiika aguñmi tadonii ho mohmi henje donii ngiimika kiiniñ bomi, mohko santḛrlamanii sango do; mo ayakacho kako ahkiñma, hojalo shiigo mi impo biila sango ho daku.

LUK KA AYAPUYU 19:10

Niimpalukoda miyu ka Oho hii ahtii lyunii mi medupa ho lyangur dupa.”

GELESIA 2:16

hojalo huna chindonii miyu hii ludḛrkoma dapo ka miiniiñlo hojalo Jisu Kristo mika henje niilo, ngunu tiirḛ Kristo Jisu mi henje tiiku, Kristo mika henje niilo ludḛrkodu kupa, ho dapo loka miigo miiniiñ loma, niimpalukoda dapo loka miigo miiniiñ hii kone mitrḛ ludḛr bikiñma.

1 JON 2:25

Ho siikasi niihna mo hemme bitii nii ngunupa, santḛrlamanii sango.

HIBRU 10:39

Hojalo ngunu hiika atañ make huna inkuñ nyado kunii ho pyadu loko tiinii, hojalo hiika atañke huko hona henje giidonii ho mohluka yallo mi atii biinya donii.

MIINIIÑ 8:36

Ho mo anye lembo ila dokele mo anye yasie aruñho ahtii, ho eunuch lutii, “Kato, si yasie! Nii ngiika baptisma lasa niimi lutiñ lakiñ kendo?”

MAK KA AYAPUYU 16:16

Huna henje talyinii ho baptisma lachinii hii lyangur kokiñ doke; hojalo huna henje tamanii hii khiipa kokiñ doke.

GELESIA 2:20

Ngo Kristo agiñho leda kotiiku; siikasi ngomake huna sando nii, hojalo Kristo huna ngiiko sando kunii; ho sango ngiika asiialyo loka saniiñsi ngo henje loke sandunii Pinii ka Oho mi, huna ngiimi hendo nii ho ngiipa atohmi bisu tiinii.

2 KORINTIA 4:3

Ho ngunuka ayapuyu mi matiirḛ byoke byotiñ biido koda, siikasi hiika atañ misu byotiñ biisu donii huna lyunya danii.

1 KORINTIA 1:18

Niimpalukoda pogyañ ka aguñ si piigoama hiipa hutiina lyunya donii, hojalo ngunupa hutiina lyangur kotii kunii siikasi Pinii ka harchichike pa lyido.

ROM MIKA POL KA SIITI KENIIÑ 5:21

hopa, ingyamiigya hii shiiniiñ mi dogiitii, aroh-aya hiitiirḛ dogii kendo denkilo santḛrlamanii sango mi Jisu Kristo ngunuka Attoh kiilo.

MIINIIÑ 13:41

Kato, nunu chekhonii atañ, ho kahotamo nii, ho lyunii; niimpalukoda ngo nunuka myodu ho miigo miida, miigo nunu henje kemake, kone matiirḛ nunumi lukoda.

METHU 18:10

Henditolya no siika atu kone mitrḛ khiima pama miilyayo; niimpalukoda ngo nunumi lukoso dariiganda daka mohluka miidopopi atañ kiirañ dariiganda hoka dunii boka Aba ka nyimo mi kalada.

JON KA AYAPUYU 16:33

Ngo siika simi nunumi lubii lyike, ngiikoho nunupa chimie hii dodopa. Dohadolo so nunuko hentḛrkanyi dolyi diike; hojalo ngarka jilya datolya, ngo dohadolo mi pamiñ tiike.”

METHU 25:46

Ho mohlu mungu mapa ka miikhiiñ ko gandaho inkiñdo, hojalo denki atañ santḛrlamanii sango dokoho.

JON KA AYAPUYU 6:27

Lyusanii diigo pa kontii miigo miiyo, hojalo hiika diigo pa miito santḛrlamanii sango giigii saniimi, nii mina miyu ka Oho nunumi bikiñ donii; niimpalukoda mohmi Pinii Aba mohka miihonaniilo miihotola doku.”