JON KA AYAPUYU 21:17 - NITI GONTU N.T. (BSI)

¹⁷ Mo rohiñniipa mohmi lutii, “Saimon, Jon ka oho, no ngiimi hendu ha?” Pitar herutii niimpalukoda mo mohmi rohiñniipa lutii, “No ngiimi hendu ha hiila?” Ho mo mohmi lutii, “Attoh, no amanehemi chindo ke; no chindo ngo niimi hendo hiila.” Jisu mohmi lutii, “Ngiika subuñ mi diigo bitolya.

JON KA AYAPUYU 21:17 ပူးပေါင်းရင်းမြစ်များ

JON KA AYAPUYU 13:38

Jisu lusitii, “No niika sango mi ngiipa hempa bichi ha? Jijeloda, jijeloda, ngo niimi lukoso, paro khokiñ make, nii dahepa no ngiimi rohiñhe mapah tama.

MAK KA AYAPUYU 14:72

Ho ohepada paro ronye niipa khoritii. Ho Pitar hempa ritii Jisu ka mohmika luniiñmi, “Paro ronye khoma rampa, no ngiimi rohiñhe gollu kendoke.” Ho mo heru kula ho kheritii.

JON KA AYAPUYU 16:30

Siisi ngunu chindo no hikha drih atañmi chindo hiila, ho kone hetrḛ taka dopa lyima; sokii ngunu henjedo no Pinii kokii ahdo hiila.”

MIHUKAKIÑNIIÑ 2:23

ho ngo mohka wiinga mi shiidopa miichi. Ho hikha gyoliñkonii atañ chinkiñdo ngoke hii huna punyu la ahha nyimi mechi ladunii, ho ngo kone abimi bichi nunuka miigo miijo atañmi.

IPISIA 4:30

Ho Pinii ka Darii Yajiyallo mi heru miipa lyayo, huko hona nunumi tiiho tola dokunii tupyabiniiñ allo hopa.

MIINIIÑ 15:8

Ho Pinii huna ahha mi chidonii mohlupa haki bitii, Darii Yajiyallo bibii dola ngunu mika bichañ ho;

JON KA AYAPUYU 15:10

Nunu matiirḛ ngiika lujubiniiñ mi atii dokoda, nunu ngiika heniiñ ho giigela dokiñdo, niihtañpa ngo ngiika Aba ka lujubiniiñ mi atii biidu ho mohka heniiñ ho giigedu.

JON KA AYAPUYU 14:15

“Nunu matiirḛ ngiimi hendo koda, nunu ngiika lujubiniiñ atañmi atii kendo.

2 PITAR 3:1

Siikasi siiti tanye niipa ke ngo nunumi kebii lyinii, heniiñja, ho tanye ruho ngo nunu denki henjumi hiira herila hempa dopa miitii;

1 PITAR 1:6

Siika sipa nunu hempyoto, siisi ichuche myodu hepa nunu abuje tenka kosu dojalo,

2 KORINTIA 1:12

Ngunu ka hentii hii sike, ngunu henju ka pyakonii hiilake niihtañ pana ngunu dohadolo ho datiinii, ho abuyaya nunuka hataho, darii ho pinii henju jaho, kiiddiapiñ ka chila lomapa hojalo Pinii ka aroh-aya lo.

MIINIIÑ 1:24

Ho mohlu kutii ho lutii, “Attoh, hikha miyu ka ahha mika chiniiñ, kakiñpe siika anye sokii humina no kahe tiinii

JON KA AYAPUYU 18:27

Pitar hiira hiimi mapah siibiido; ho ohepada paro khodatii.

JON KA AYAPUYU 18:4

Ho Jisu, hikha mohkoka lyisa niimi chimbii tola, lingila ho mohlumi lutii, “Humi nunu medu?”

JON KA AYAPUYU 12:8

Arro miyu kiirañ nunuka agiñ ho dalyi diike, hojalo nunu kiirañ ngiimi dagii kemake.”

METHU 25:40

Ho Radde mohlumi luko lusi kendo, Jijeloda, Ngo nunumi lukoso, nunuka siika khiima janii ngiika anubarmii atañ mika kalyañ nii hii, nunu ngiimi ke kalyañ donii.

MIHUKAKIÑNIIÑ 3:19

Hiika atañ hutii mina ngo hendu nii, ngo gadu ho miikhiiñdu; hopa hendinyato ho henkur nyato.

JON KA AYAPUYU 21:18

Jijeloda, jijeloda, ngo niimi lukoso, niika yapa doho, no atoh atoh abitarii giila ho no inado inne; hojalo niika akha lyikuho, no niika alah mi lyuliñ bikiñdo, ho koneya niimi agii kendo ho no noh inama ho niimi ingii kendo.”

JON KA AYAPUYU 4:16

Jisu mohmi lutii, “Ingeku, niika millo mi gyobii, ho so ahgii.”

MIINIIÑ 11:10

Siikasi rohiñhe lyine, ho hikha rumi yapuñ ho joku chabii neku.