JON KA AYAPUYU 20:9 - NITI GONTU N.T. (BSI)

⁹ hojalopa siisi jalo mohlu piniipota mi chimarantii, mo shiite hela turiturku kendo loda hiila.

JON KA AYAPUYU 20:9 ပူးပေါင်းရင်းမြစ်များ

1 KORINTIA 15:4

mohmi alie tiiku hiila, lohiñnii allo ho mohmi seri tiiku piniipota ka keniiñ chulipa,

LUK KA AYAPUYU 24:26

Hiila lyidopa lyimaneha Kristo siika drih atañmi heru hela la ho mohka tatukatu ho ahdupa?”

METHU 22:29

Hojalo Jisu mohlumi lusitii, Nunu lukha doke, niimpalukoda nunu piniipota mitrḛ chima, ho Pinii ka harchichike mitrḛ.

JON KA AYAPUYU 2:22

Mohka shiiniiñ hokiika turilyikuho, mohka henjeajiñ atañ hempatii mo siika siimi lune hiila; ho mohlu piniipota mi tajetii ho Jisu ka aguñ luniiñ atañmi.

LUK KA AYAPUYU 9:45

Hojalo mohlu siika luniiñmi tachiñ matii, ho siika siimi mohluko hokii achuñ tola dotii; siimi mohlumi tachiñ madopa; ho mohlu siika luniiñ piigo siimi taka dupa biisonyatii.

MIINIIÑ 2:24

Hojalo Pinii mohmi seritii, shiinii hokii tupya kula la, niimpalukoda mohmi latu biitola biila matii hiilo.

MIINIIÑ 17:3

lukola ho jijeke Kristo heru hembi dopa lyineke ho shiiniiñ hokii turiturku dopa, ho lubiidola, “Siika Jisu, humina ngo nunumi gyuko donii, hii Kristo ke.”