JON KA AYAPUYU 20:26 - NITI GONTU N.T. (BSI)

²⁶ Allo lopinye daku lala, mohka henjeajiñ atañ hiira ude ho dutii, ho Tomas tiirḛ mohluka agiñho dubo montii. Alyeh hii giipiñ tola dotii, hojalo Jisu ahtii ho mohluka agiñho datii, ho lutii, “Chimie nunu agiñho dokiñcho.”

JON KA AYAPUYU 20:26 ပူးပေါင်းရင်းမြစ်များ

JON KA AYAPUYU 20:19

Hiika allo ka alyiñho, kanualo ka kapyoja allo ho, alyeh hii giipiñ tola dotii nohna henjeajiñ atañ dutiinii, Jew atañ mika biisomi, Jisu ahtii ho mohluka punkoho datii ho mohlumi lutii, “Chimie nunu agiñho dokiñcho.”

JON KA AYAPUYU 20:21

Jisu hiira mohlumi lutii, “Chimie nunu agiñho dokiñcho. Niihtañpa Aba ngiimi kiiniñtii, hiichulipa ngo nunumi kiiniñ biilyi ke.”

JON KA AYAPUYU 14:27

Chimie mi ngo nunuko atii bibii lyike; ngiika chimie mi nunumi bibii lyike; dohadolo ka bichañ ho ngo nunumi bima lyike. Nunuka ahha heru yo, malo hiimi biiso kiine yo.

LUK KA AYAPUYU 9:28

Siisi siika kolobiisie sokii allo lopinye hepa dakulala mo Pitar mi ho Jon mi ho Jems mi mo agiñho ingiitii, ho putoo ho chagiitii kudupa.

METHU 17:1

Ho allo lokhe daku lala Jisu mo agiñho Pitar ho Jems ho mohka anu Jon mi ingiitii, ho mohlumi hempḛr putoo ayoh ho chagiitii.

MAK KA AYAPUYU 16:14

Hiikahiiba ho mo alyañlenkuñ he henjeajiñ atañka punkoho ahtii mohluka diigo diiko hoka duho; ho mo mohluka henje paponiimi ho tajemala hiila gabii do, niimpalukoda mohlu taje matii mohka turi kunii mika kappa niimi.

LUK KA AYAPUYU 24:36

Mohlu siimi lula dokele, Jisu mohluka apurho datii.

JON KA AYAPUYU 11:16

Tomas, bupyuñ siiniiñ luniibo, mohka henjeajiñ ahiñ mi lutii, “Kiije ngunu miilañ insa, niimpalukoda ngunu miilañ mo agiñho shiibo dupa.”

JON KA AYAPUYU 21:1

Siika hiibaho hiira Jisu attoh mi kakiñ siitii henjeajiñ atañmi Tiberias ka siimie ho; ho mo attoh mi sitañpa kakiñ siitii.

JON KA AYAPUYU 21:14

Siikasi rohiñniipa Jisu kakiñ siitii henjeajiñ atañmi mohka shiite hela turiturku bii hokii.

MIINIIÑ 1:3

Mohlumi mo attohmi turdopa kakiñ siitii mo shiitii hekula abuje kakiñ kengiñ naniiñlo, mohluka agiñho allo loalyañpiilye dabotii, ho Pinii ka raddeganda mi lukotii.