JON KA AYAPUYU 20:1 - NITI GONTU N.T. (BSI)

¹ Siisi kanualo ka kapyo ja allo ho Mary Magdalen arokonchi ho byuh ho ahtii, kamo dorañpa, ho byuh hokii yalañ mi giipa tola dopa kappatii.

JON KA AYAPUYU 20:1 ပူးပေါင်းရင်းမြစ်များ

METHU 27:56

hoka danii atañ Mary Magdalen, ho Mary Jems Josep nyika annii, ho Zebedi ka oho atañka annii.

METHU 27:60

ho mohka atoh paka niti byuh ho atiitii, hiikahii yalañ ura hoka byuh heniiñ; ho mo byuh ka hagya ho yalañ puro puhe giipiñ tola atiitii ho intiiku.

METHU 27:64

Hopa lutii byuh mi allo lohiñ lohepa ayapa dagur biike nento, hiilamakoda mohka henjeajiñ atañ ahla ho mohmi diipyo biikiñ doke, ho miyu atañmi luko kendoke mo shiite hela turiturku neku, ho kami hoka gollumisu hii kapyo dakii mitrḛ ayamaya pa lyikiñ doke.”

METHU 27:66

Hopa mohlu intii ho byuh mi hempḛr ayapa yalañ giitiñ niimi miitiñtii ho dagur biinii mi kalya biike nentii.

METHU 28:1

Dumoalo ahku lala, allo lotuka aro konchiho, Mary Magdalen la akoya Mary nyi byuh ho katepa intii.

METHU 28:2

Ho kato, hiiko hempḛr uro myobu hutii; niimpalukoda dariiganda hokii Pinii ka miidopopi totii ho ahtii ho yalañ mi giipa biido, ho hiiko dutii.

MAK KA AYAPUYU 15:46

Ho Josep tiipya pulye bere riila lala, ho shiima mi jolo lala, tiipya pulye ho apu biido, ho yalañ ura hoka byuh heniiñ ho joliitii. Mo byuh ka hagya ho yalañ puhe giipiñ tola atiitii.

MAK KA AYAPUYU 16:9

Ho mo kapyoja allo ho turi kula, mo Mary Magdalen ka agiñho ahtu japa ahtii, huko hokiina mo igii midiñ kanuhe mompa tiinii.

JON KA AYAPUYU 11:38

Ho Jisu, hiira hempḛr heru biidola, byuh ho ahtii; hii lampii tii, ho hiika agoho yalañ giipiñ tola dotii.

JON KA AYAPUYU 11:41

Hopa mohlu yalañ mi giipa biido. Ho Jisu mohka amee mi kadu chalala ho lutii, “Aba, ngo niimi payapacho ludu niika ngiimika tage kopa.

JON KA AYAPUYU 19:25

Hopa sipahi atañ simi miitii. Hojalo Jisu ka pogyañ aruñho mohka annii, ho mohka annii ka anuami, Mary Klopas ka mihie, ho Mary Magdalen datii.

JON KA AYAPUYU 20:26

Allo lopinye daku lala, mohka henjeajiñ atañ hiira ude ho dutii, ho Tomas tiirḛ mohluka agiñho dubo montii. Alyeh hii giipiñ tola dotii, hojalo Jisu ahtii ho mohluka agiñho datii, ho lutii, “Chimie nunu agiñho dokiñcho.”

MIINIIÑ 20:7

Kanualo ka kapyoja allo ho, ngunu tonge pa dakuñla yatañ mi petu dupa miikele, Pol mohlumi luriitii, allo loyeyaho indu kupa hiila; ho mo mohka luniiñmi ayoh liipa lohe lukañtii.

1 KORINTIA 16:2

Kanualo karmyañ ka kapyoja allo ho, kone abi nunu hang drih kone lakhu linto la atiito ho hiimi atii tiikuñto, mohka donii hokii, niimpalukoda bibyuñ bitiñ dopa lyikiñ make ngiika ahlyi ho.

MIHUKAKIÑNIIÑ 1:10

Ngo Yajiyallo ho dato Attoh ka allo ho, ho ngo tapato ngiika kiiliñho hempḛr goropa siirii muniiñ hiilyañ