JON KA AYAPUYU 2:19 - NITI GONTU N.T. (BSI)

¹⁹ Jisu mohlumi lusitii, “Pyadu loto siika piniiude mi, ho allo lohiñ heho ngo siimi pencha talyike,”

JON KA AYAPUYU 2:19 ပူးပေါင်းရင်းမြစ်များ

MAK KA AYAPUYU 14:58

“Ngunu tapato mohka luniiñmi, ‘Ngo siika piniiude mi pyadu lochi alah loka puniiñmi, ho allo lohiñ niiho Ngo koneya pucha talyi, alah puniiñ loma.’”

MAK KA AYAPUYU 15:29

Ho hoka impo biinii atañ mohmi ngarpa nyatii, mohluka adiñ mi dimpi biidola, ho lunyatii, “Ahe! No piniiude mi pyadu lolala ho allo lohiñ niiho miicha kendo hiibii lyila,

METHU 27:40

ho lubiidola, “No piniiude mi pyadu lolala ho allo lohiñ niiho pencha kendo hiibii lyila, atoh miya lyangur siito tiikiilo! No matiirḛ Pinii Oho milo, pogyañ hokii akañ so totoku.”

METHU 12:40

Niimpalukoda Jona ngiiyyi ka erre ho allo lohiñhe ho ayoh yohiñhe dotii, hii chulipa miyu ka Oho tiirḛ allo lohiñhe ho ayoh yohiñhe kiiddi uraho dokiñdo.

ROM MIKA POL KA SIITI KENIIÑ 8:11

Hiika Yajiyallo matiirḛ nunuko giido koda huna Jisu mi shiinii hokii turdo miibii nenii, mo huna Kristo Jisu mi turdo pa miitiinii hii bikiñ doke sango niika shiinii apo ho mohka Yajiyallo niihna nunuko giidonii

MIINIIÑ 3:15

ho sango mika Keniiñ bomi ya mentii, humina Pinii shiiniiñ hokii turidopa miitii. Siimi ke ngunu haki bidu nii.

MIINIIÑ 2:32

Siika Jisu mi Pinii seri tiiku, ho hiika hiimi hikha ngunu haki bitii.

MIINIIÑ 2:24

Hojalo Pinii mohmi seritii, shiinii hokii tupya kula la, niimpalukoda mohmi latu biitola biila matii hiilo.

1 PITAR 3:18

Niimpalukoda Kristo tiirḛ shiibitii ingyamiigyanii kiipa rongepada miilañ rupa, denki mi ingyamiigya kiipa, niimpalukoda mo ngunumi Pinii ko ahgii dupa, asiialyo mi shiike nela la hojalo yajiyallo ho turke nentii;

ROM MIKA POL KA SIITI KENIIÑ 6:4

Ngunu mi alie tiiku mohka agiñho shiiniiñ hoka baptisma laniiñ ho, hopa niihtañpa Kristo shiiniiñ hokii turi tiiku Aba ka tatukatu lo, ngunu mitrḛ imbo ladopa niti sango ho.

JON KA AYAPUYU 11:25

Jisu mohmi lutii, “Ngo turiturku kunii la sango ke; huna ngiimi henje talyi nii, mo shiijalo, hojalo mo sankiñdo,

MAK KA AYAPUYU 8:31

Ho mo tonsḛr ritii mohlumi Miyuka Oho hempḛr heru myanka henkiñdo, ho amiabañ atañlo khiipa kokiñdo ho nyibu burii ho pagenii atañlo, ho menko kendo, ho allo lohiñ niika hiiba ho hiira turku rikiñdo.

KOLOSIA 2:12

ho nunu mohka agiñho alie kotiiku baptisma lakoho, hukohona nunu turiturku tiikunii Pinii ka miigo miiniiñ mika henje agiñho, humina mo shiinii hokii turdo miitiinii.

1 KORINTIA 15:12

Siisi Kristo mi shiinii hokii turikunii hiila tonsḛr khenyo dokoda, niihtañpa nunu tonge lula kendo shiinii atañ turiturku kema hiila?

ROM MIKA POL KA SIITI KENIIÑ 4:24

hojalo ngunu patrḛ. Hiika hii ngunumi khiigii kendo huna mohmi henje donii shiiniiñ hokiika turi kunii Jisu ngunuka Attoh hiila,

MIINIIÑ 3:26

Pinii, mohka miira mi seritii, kapyopa nunuka kiiniñ bitii, nunumi lyandupa nunu kone abimi nunuka diimmah hokii henkur kiine dupa.”

JON KA AYAPUYU 5:19

Jisu mohlumi lutii, “Jijeloda, jijeloda, ngo nunumi lukosa, Oho mo attoh pa hang miila kema, hojalo Aba niihna miidonii hiimi kala lala kontiisii; niimpalukoda niijalo mo miido, hiimisii Oho miisu danii hii chulipa.

METHU 27:63

ho lutii, “Tonsḛrbo, ngunu hendḛrdo hiika golluboka luniiñmi, mohka turla daho, ‘Allo lohiñ niika hiibaho Ngo hiira turiturku talyi.’

METHU 16:21

Hiika myodu jaho hokii Jisu henjeajiñ atañmi kakiñtii mo Jerusalem ho inkiñdo lodake ho abuje heru henkiñdo amiabañ ho nyibu burii ho pagenii atañ kokii, ho menko kendo, ho allo lohiñ niika hiiba turikendo.

MIINIIÑ 6:14

niimpalukoda ngunu tapato mohka lunii mi siika Nazaret daka Jisu siika lengo siimi pyadu lokiñ do hiila, ho Mose ka ngunu mika muju lujju biniiñ mi miigu kendo hiila.”