JON KA AYAPUYU 19:17 - NITI GONTU N.T. (BSI)

¹⁷ Hopa mohlu Jisu mi ingiitii, ho mo intii, mohka atoh pogyañ mi jobii tola, hiika gandaho dinkhu ganda lukoho, nii mina Hebrew ho Golgota lutii nii.

JON KA AYAPUYU 19:17 ပူးပေါင်းရင်းမြစ်များ

LUK KA AYAPUYU 23:33

Ho mohlu Dhinkhu hiila luniiñ gandaho ahchi tiiku, hiiko mohlu mohmi ledatii, ho demaroma anye mita, konemi lahbidalyiho ho konemi lahchi dalyiho.

LUK KA AYAPUYU 14:27

Hujalopa atoh ka pogyañ mi bagiimapa ho ngiika kiiliñ ho ahbotalyi, ngiika henjeajiñ pa lyila kema.

LUK KA AYAPUYU 23:26

Ho mohlu mohmi ingiila dokele, mohlu Sairene hoka Saimon mi setutii, ganda ka ago hokii ahku laka doniimi, ho pogyañ mi mohmi jobitii, Jisu ka kiiliñ ho jobii tola inke nendupa.

MIINIIÑ 7:58

Ho mohlu mohmi citi ka agoho jopa limbiido ho mohmi yalañ kubiido; ho haki atañ mohka abitarii atañmi yapa atu koneka alih ho atiitii Sol hiiniiñboko.

MAK KA AYAPUYU 15:32

Kristo, Isrel ka Radde mi, siisi dapo hokii akañ so toka keneto, niimpalukoda hiimi ngunu kalala ho henje talyila.” Mo agiñho dapo hoka leda lehiñ konii miilañ mohmi nyapa koyatii.

LUK KA AYAPUYU 23:38

Hiiko pagetola miilañ mohka ayoh ho giitii, “Siikasi Jew atañka Radde.”

LUK KA AYAPUYU 9:23

Ho mo lutii miilañ rumi, Hujalo ngiika kiiliñ ho matiirḛ ahbo monchi, atoh mi hempa siike nentorañ ho allo karmyañmi mohka pogyañ mi jobii kiineto ho ngiimi imboto.

MAK KA AYAPUYU 15:26

Mohmika halii laka keniiñ hii hiila ketola dotii, “Jew atañka Radde.”

MAK KA AYAPUYU 10:21

Ho Jisu mohmi kadi biidola mohmi hentii, ho mohmi lutii, “No ngoya kone miichi make; inge, pyunge niiko hoka donii atañmi, ho arroatu atañmi binge, ho niika mingo hii dariiganda hoke dokiñ donii; ho ahla, ngiika kiiliñ ho imboto.”

MAK KA AYAPUYU 8:34

Ho mo miyu abujemi mohka henjeajiñ atañka agiñho gyola lala, ho mohlumi lutii, “Huna ngiika kiiliñ ho matiirḛ imbo talyinii, atoh mi hempa siike nento ho mohka pogyañ mi jobiila ho ngiimi imbo monto.

METHU 27:37

Ho mohka dinta ayoho mohlu mohmika halii laka keniiñhii, hiila ketola dotii, “Siikasi Jisu Jew atañka Radde.”

METHU 16:24

Ho Jisu henjeajiñ atañmi lukotii, Hujalo matiirḛ ngiika kiiliñho ahbo nando koda, mohmi atoh mi hempa siike nento ho mohka sangya mi jobiila ho ngiimi imbo monke nento.

METHU 10:38

ho huna atoh ka pogyañ mi jobiila ho ngiimi imbo tamanii hii ngiipa khiiniiñpa lyima.

JON KA AYAPUYU 5:2

Siisi Jerusalem ho siipḛr kone dotii Siibuñ Hagya luniiñ aruñho, Hebrew ho hiimi Betzata ludu, hiika hii liirii liingohe giitii.

JON KA AYAPUYU 19:13

Pailet siika aguñmi tapa lala, mo Jisu mi agoho lingiitii ho duhatii ayakacho kako duko ho dutii Pavement luniiñ gandaho, ho Hebrew aguñ pa, Gabbatha hiila.