JON KA AYAPUYU 17:6 - NITI GONTU N.T. (BSI)

⁶ “Ngo niika armyañ mi miyu atañmi chindopa miitii niika ngiimika dohadolo hokiika biniiñmi; mohlu niikii, ho no mohlumi ngiimi bitii, ho mohlu niika aguñmi talii biinyane.

JON KA AYAPUYU 17:6 ပူးပေါင်းရင်းမြစ်များ

JON KA AYAPUYU 1:18

Kone hetḛr Pinii mi kapama; Oho kontiisii, huna Aba ka harbiilapyo ho dunii, mo mohmi chindopa miitii.

JON KA AYAPUYU 12:28

Aba, niika armyañ mi assañ diilañto. Ho dariiganda hokii aguñ gonge luliñtii, “Ngo hiimi assañdiilañ tiikuke, ho hiira ngo hiimi assañdiilañ talyi.”

JON KA AYAPUYU 15:19

Nunu matiirḛ dohadolo kiikoda, dohadolo hii henkiñdo mo attoh kiimi; hojalo nunu dohadolo kiima, ngo nunumi kahe tiiku dohadolo hokii, hopa dohadolo hii nunumi kanamapa miido.

JON KA AYAPUYU 15:3

Nunumi darii miito kula dokuke ngiika nunumika aguñ luniiñlo.

JON KA AYAPUYU 15:7

Nunu matiirḛ ngiiko giige dokoda, ho ngiika aguñ nunuko giido koda, kuto niijalo nunuka heniiñmi, ho hiimi nunupa miibi kendoke.

JON KA AYAPUYU 17:12

Ngiika mohluka agiñ hoka daho, ngo mohlumi niika armyañ pa atiito, humina no ngiimi bitiinii; ngo mohlumi dagur biito, ho kone hetrḛ lyuma hojalo lyusa boka oho kontii, piniipota mi lyipe kiine dupa.

JON KA AYAPUYU 17:14

Ngo mohlumi niika aguñmi bibii lyike; ho dohadolo si mohlumi kana malyike niimpalukoda mohlu dohadolo hokiima, niihtañpa ngo tiirḛ dohadolo hokiima.

JON KA AYAPUYU 17:16

Mohlu dohadolo hokii make, niihtañpa ngo tiirḛ dohadolo hokii ma.

JON KA AYAPUYU 17:2

niimpalukoda no mohmi hikha miyu atañmi diimiñlumiñ ladopa harchichike bitii, santḛrlamanii sango bidopa humina no mohmi bitiinii.

JON KA AYAPUYU 17:24

Aba, ngo hendo mohlutrḛ, humina no ngiimi bitiinii, ngiika agiñho dado koda nohna ngo danii, ngiika tatukatu mi kapa dopa niika ngiimika biniiñmi niika heniiñ ho dohadolo mika pumarampa.

JON KA AYAPUYU 17:26

Ngo mohlumi niika armyañ mi chindopa miitii, ho ngo siimi chindo miipa talyi, niimpalukoda niika ngiimika heniiñ chulipa mohluko hotiirḛ doke nendupa, ho ngo mohluko ho dodupa.”

JON KA AYAPUYU 17:7

Siisi mohlu chindo amane drih niika ngiimika biniiñ hii niiko hokii hiila;

JON KA AYAPUYU 18:9

Siikasi mohka aguñ luniiñmi lyipe kiine dupa lyitii, “Niika binii hokii kone mitrḛ ngo alyu make.”

JON KA AYAPUYU 6:37

Hikha Aba ka ngiimika biniiñhii ngiiko ahkiñdo; ho huna ngiiko ahdonii ngo hiimi mompa tama.

JON KA AYAPUYU 6:39

ho siikasi mohka heniiñ huna ngiimi kiiniñ tiinii, ngiimi hang kone mitrḛ hikha mo biniiñ mi alyu mado koda hiila, hojalo kami kalo ho mohmi seri kiine dupa.

JON KA AYAPUYU 8:51

Jijeloda, jijeloda, ngo nunumi lukoso, hujalopa matiirḛ ngiika aguñmi atiibiichi, mo shiigo mi kapa kema.”

JON KA AYAPUYU 8:52

Jew atañ mohmi lutii, “Siisi ngunu chindo niiko igii giido hiila. Abraham shiine, hii chulipa nyibuhenii atañ tiirḛ; ho no luda, ‘hujalopa matiirḛ ngiika aguñmi atii biichi, mo shiiniiñ mi kapa kema.’

MIINIIÑ 13:48

Ho Midomiyu atañ siimi tapa lala, mohlu hempyotii ho Pinii ka aguñmi assañtii; ho hempḛr abuje kahekola lyitii henjeniiatañ mi santḛrlamanii sango mi.

ROM MIKA POL KA SIITI KENIIÑ 11:2

Pinii mohka miyu mi khiipama humina mo kapyo hokii chintii kunii. Nunu chimapo niihna piniipota hii Elija piigo mi ludonii, niihtañpa mo Pinii mi kutii Isrel mi chekhola?

2 KORINTIA 4:6

Niimpalukoda siikasi Pinii ke lunenii, “Hutoh mi kamo hokii byoliñ kiineto,” huna ngunuka ahha ho kakiñ tiinii chiniiñ ka hutoh Pinii ka tatukatu mi Kristo ka nyimo ho byoke nentii nii.

KOLOSIA 3:16

Kristo ka aguñmi uropa nunuko doha kiineto, tonsḛrsiito ho lulyañ luda siito kone anyañ mi hikha chilalo, ho assañbiisie mi sito ho bariebiisie mi ho yajiyallo ka biisie atañmi payapacho hiila nunu ahha ho lubii dola Pinii mi.

2 TIMOTI 1:13

Imbo monto jije aguñ luniiñho nii mina no ngiiko hokii tapatiinii, henjeho ho hensuho niihna Kristo Jisu ko donii;

HIBRU 2:12

lubiidola, “Ngo gyuko talyi niika armyañ mi ngiika anubarmii atañko, miyu apurho ngo niimi assañ talyi.”

HIBRU 3:6

hojalo Kristo lotii tii Pinii ka ude ho oho pa lyila. Ho ngunu mohka ude ngunu matiirḛ ngunuka hatii la hentii nyimi biitola dukoda ngunuka hentiñho.

1 PITAR 1:1

Pitar, Jisu Kristo Ka kiiniñkonii kone, Mompa koto laka impe inse siinii atañ Pontus ho, Gelesia, Kapadosia, Asia, ho Bitinia ho,

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

MIHUKAKIÑNIIÑ 2:13

“‘Ngo chindo nohna nunu dunii, nohna saitan ka raddeduko hii; nunu lotiido ngiika armyañ pa ho nunu mapa ma ngiipa ka henje niimi Antipas ngiimika haki biniika allo lohe pa, ngiika lotii kone, humina membii nenii nunuka punkoho, nohna saitan dunii.

MIHUKAKIÑNIIÑ 3:10

Niimpalukoda nunu ngiika yanupa pigiito hiiniiñmi atiibiido, ngo nunumi tenka nii myodu hokii lapya talyi niihna hikha dohadolo so ahla donii, hiika atañmi tenka dupa hutiina kiiddiapiñ so dunii.

MIHUKAKIÑNIIÑ 3:8

“‘Ngo chindo nunuka miigo atañmi. Kato, Ngo nunupa alyeh mi miiko tola atii bibii lyike, nii mina kone hetrḛ miitiñ lakiñ manii; ngo chindo nunuko harchichike hii do hojalo lama pasu, ho nunu ngiika luniiñmi tado ho ngiika armyañ mi mapa ma.