JON KA AYAPUYU 17:26 - NITI GONTU N.T. (BSI)

²⁶ Ngo mohlumi niika armyañ mi chindopa miitii, ho ngo siimi chindo miipa talyi, niimpalukoda niika ngiimika heniiñ chulipa mohluko hotiirḛ doke nendupa, ho ngo mohluko ho dodupa.”

JON KA AYAPUYU 17:26 ပူးပေါင်းရင်းမြစ်များ

JON KA AYAPUYU 17:23

Ngo mohluko ho no ngiiko, niimpalukoda mohlumi ayaloda konepa lyike nendupa, niimpalukoda dohadolo mi chinke nendupa no ngiimi kiiniñtii hiila ho mohlumi hento niihtañpa ngiimi no hendu.

JON KA AYAPUYU 17:6

“Ngo niika armyañ mi miyu atañmi chindopa miitii niika ngiimika dohadolo hokiika biniiñmi; mohlu niikii, ho no mohlumi ngiimi bitii, ho mohlu niika aguñmi talii biinyane.

JON KA AYAPUYU 15:9

Niihtañpa ngiika Aba ngiimi hendu, hiichuli ngo nunumi hendu; ngiika hennii ho giige tola duto.

HIBRU 2:12

lubiidola, “Ngo gyuko talyi niika armyañ mi ngiika anubarmii atañko, miyu apurho ngo niimi assañ talyi.”

JON KA AYAPUYU 15:15

Ngo nunumi miira hiila gyote kuma, niimpalukoda miira hii chima mohka atoh nii miido hiila; hojalo ngo nunumi ngiika ajiñ hiila gyodu, niimpalukoda hikha ngo niihna ngiika Aba kokii tapa tiinii hiimi nunumi chindopa miitii.

JON KA AYAPUYU 14:20

Hiika allo ho nunu chinkiñdo ngo Aba ko da hiila, ho nunu ngiiko, ho ngo nunuko da hiila.

JON KA AYAPUYU 15:4

Ngiiko giigela duto, ho ngo nunuko. Niihtañ pa halloh hii attohpa ahee hisu lama, nii dahepa hii rosannii ho giigela dutema, nunu tiirḛ hiila kema, nii dahepa nunu ngiiko giigela dutema.

IPISIA 5:32

Siika michilamaniisi khiiniiñ koneke, ho ngo hiila lulyi siikasi Kristo la gyoliñkonii mike luko donii;

IPISIA 5:30

niimpalukoda ngunu apo koneka uru ahiñ.

JON KA AYAPUYU 14:23

Jisu mohmi lusitii, Miyu matiirḛ ngiimi hendo koda, mo ngiika aguñmi atii biikiñdo, ho ngiika Aba mohmi henkiñdo, ho ngunu mohko ahkiñdo ho ngunuka ude mi mohko penkiñdo.

JON KA AYAPUYU 8:50

Hojalo ngo attohmi assañ kodupa mema; Kone du huna siimi medonii ho mo ayakacho kanii bopa dukiñdo.

1 JON 3:24

Hikha hutiina mohka lujubiniiñ atii biidonii hii mohko giigedo, ho mo mohlukoho. Ho siika silo ngunu chindo mo ngunuko giigela do hiila, Yajiyallo nii mina ngunumi bitii nii.

2 TESOLONIA 2:16

Siisi ngunuka Attoh Jisu Kristo mo atoh loda, ho Pinii ngunuka Aba, huna ngunumi hendonii ho ayudahe paka hembyuñ mi ngunumi bitiinii ho aya hentiñ aroh-aya lo,

KOLOSIA 3:11

So Grik ho Jew hiila lyila kema, mitupikonii ho mitupikomanii, moreymiyu, dimpiirapii, miira, dasḛrmiyu, hojalo Kristoke hikharu, ho hikharuko hoke.

KOLOSIA 2:10

ho nunuka sango hii pote doku mohko, huna hikha sangiinii ho otority ka akhojanii.

KOLOSIA 1:27

Mohlumi Pinii kahetii chinke nendupa Midomiyu atañka punkoho niimkane kahe na siika mingo tatukatu michimaniisi, niihna Kristo nunuko donii, hentiñ naniiñ ka tatukatu.

IPISIA 3:17

ho hiika Kristo nunuka ahha ura ho dukiñcho nunuka henje kiilo; niimpalukoda nunumi, liima tugela ho hensuniiho sampola dokenendupa,

IPISIA 1:6

mohka tatukatu aroh-aya mika assañ naniipa nii mina mo danyo loda pa ngunumi bitii nii heniiñjapa.

GELESIA 2:20

Ngo Kristo agiñho leda kotiiku; siikasi ngomake huna sando nii, hojalo Kristo huna ngiiko sando kunii; ho sango ngiika asiialyo loka saniiñsi ngo henje loke sandunii Pinii ka Oho mi, huna ngiimi hendo nii ho ngiipa atohmi bisu tiinii.

1 KORINTIA 12:12

Niitañpa apo konesii ho abuje hakhu giidu, hikha hakhu atañ apokii, abuje dosu dojalopa, hii apo konesii, hopa hii chuli Kristo kotrḛ.

1 KORINTIA 1:30

Mohke nunuka sango sanginanii Kristo Jisu ko, humina Pinii ngunuka chilananiiñ pa miitiinii, ngunu mika denkigiiko ho dardḛkunii ho tupyabiniiñ ho;

ROM MIKA POL KA SIITI KENIIÑ 8:10

Hojalo Kristo matiirḛ nunuko dukoda, nunuka apo ingyamiigya kopa shiido jalo, nunuka yajiyallo turla doke denki kopa.

JON KA AYAPUYU 6:56

Huna ngiika apomi diidonii ho ngiika ai mi tandonii hii ngiiko da, ho ngo mohko.

JON KA AYAPUYU 17:8

niimpalukoda ngo mohlumi niika ngiimika aguñ biniiñ mi bitii, ho mohlu hiimi larii biine ho jije mi chindoku ngo niiko hokii ahdo hiila; ho mohlu henjedo no ngiimi kiiniñtii.