JON KA AYAPUYU 17:19 - NITI GONTU N.T. (BSI)

¹⁹ Ho mohlu kiipa ke ngo atohmi tiilii siitiinii, niimpalukoda mohlumi tiirḛ jije ho tiiliisiike nendupa.

JON KA AYAPUYU 17:19 ပူးပေါင်းရင်းမြစ်များ

HIBRU 2:11

Niimpalukoda huna darii miidonii ho hutiina dariimiiko tiikunii hikha kone hokii ke lindonii. Hopa niihna mo hiinyañ manii mohlumi anubarmii hiila gyodupa,

TAITAS 2:14

huna mo atohmi ngunupa bisu tiinii ngunumi tupya dukupa hikha kacho hokii ho darii miidupa mohpa mohka atoh miyupa miidupa huna aya miigo atañmi miinala hendo nii.

JON KA AYAPUYU 17:17

Dariimiito mohlumi jijeho; niika aguñ hii jije.

1 KORINTIA 1:2

Pinii ka gyoliñkonii Korint hoka donii, hiika atañmi hutiina Jisu Kristo ko dardḛtiiku nii, piniimiyu hiila tonge paka gyokonii hikha hiika atañ agiñho kapakohe ganda siiko ho Attoh Jisu ka armyañ mika gyoko ho, anye ruka Attoh ngunukii ho mohlukii:

2 TIMOTI 2:10

Hopa ngo kapane drih mi pigiidu kahe koniikiipa, niimpalukoda mohlumi tiirḛ sangopyako mi pake nendupa Kristo Jisu ko lyulasamanii tatukatu ka agiñho:

1 TESOLONIA 4:7

Niimpalukoda Pinii ngunumi kachotaniipa gyomake, hojalo darii pake.

2 KORINTIA 8:9

Niimpalukoda no chindo Attoh Jisu ka aroh-aya mi, mo mingo siitii tiirḛ, hojalo ngunu kiipa mo aroh pa lyitii, mohka aroh kopa ngunumi mingo kiine dupa.

2 KORINTIA 4:15

Niimpalukoda siikasi hikha nunu kiipa ke, aroh-aya mi abu yaya miyu ko doke nendupa payapacho luniiñmi, Pinii ka tatukatu pa.

HIBRU 9:26

niimpalukoda hopa mo hiimi heru hentiñ hentiñ hendo pa lyitii dohadolo mika liidi rabii jaho hokii. Hojalo hii hiila siila, mo ronge pada hikha rupa ahtii kamikalo ka santuñho ingyamiigya mi lapa bidupa hiila mo atohmi membi shiibii dola.

HIBRU 10:29

Niimkane heruyapa pamyokenko kendo nunu henka duha hiika miyu mi huna Pinii ka Oho mi khiipa donii, ho khiimapama miidonii hemmesiiniiñ ka ai mi niilona mo darii miitiikunii, ho hadii dopa miitiinii aroh-aya ka Yajiyallo mi?

HIBRU 9:13

Niimpalukoda miibḛrnii miyu mika pyappu nii matiirḛ siibiñ la hiibo nyika ai lo ho siih hiiniiñ byamu naniika mubulo dardḛ dokoda asiialyo darii miila,

HIBRU 9:18

Hopa kapyo daka hemmesiiniiñ hiitiirḛ ai nyimapa miila matii.

JON KA AYAPUYU 10:36

nunu mohmiha ludu nii Aba ka dariimiila lala ho dohadolo hoka kiiniñ niimi, No nipadake, niimpalukoda ngo lutii, Ngo Pinii ka Oho hiila?”

JON KA AYAPUYU 15:3

Nunumi darii miito kula dokuke ngiika nunumika aguñ luniiñlo.

JON KA AYAPUYU 15:13

Simi kayeya miyu hennii nyikiñma, miyu attoh ka sango mi mohka ajiñ atañ paka hempa biniiñ.

JON KA AYAPUYU 17:20

“Ngo siika atañpa kontii kuma lyike, hojalo hiika atañ patrḛ hutiina henje talyi nii mohluka aguñmi tala la,

2 KORINTIA 7:14

Niimpalukoda ngo matiirḛ mohmi luko dokoda nunu paka hentii niimi, ngo hiinyañ miipyu ma; hojalo kapane ngunuka nunumika luniiñ hii jije, hopa ngunuka Taitas ka hata hoka hentii nii hii jije hiila kakiñ tiiku.

KOLOSIA 1:6

niihna nunuko ahtii nii, jijelusu dokoda hikha dohadolo ho siikasi ahee hila do ho sancha la do-hiichuli nunuka punko hotiirḛ, nunuka tapabii allo hokii ho Pinii ka aroh-aya mi chindo jije ho,

1 JON 3:3

Ho kone abi huna mohko hentiñ mi atii donii atohmi darii miisudu niimpalukoda mo darii.

1 JON 3:18

Himme atu atañ, kiije ngunu hensu masa aguñlo kontii malo luniiñlo kontii hojalo miibii dola ho jije lo.