JON KA AYAPUYU 17:18 - NITI GONTU N.T. (BSI)

¹⁸ Niihtañpa no ngiimi dohadolo so kiiniñtii, hii chulipa ngo mohlumi dohadolo so kiiniñ biilyi ke.

JON KA AYAPUYU 17:18 ပူးပေါင်းရင်းမြစ်များ

JON KA AYAPUYU 20:21

Jisu hiira mohlumi lutii, “Chimie nunu agiñho dokiñcho. Niihtañpa Aba ngiimi kiiniñtii, hiichulipa ngo nunumi kiiniñ biilyi ke.”

2 KORINTIA 5:20

Hopa ngunu Kristo ka puyu mika bako binii, Pinii ngunu kiilo mohka yarniiñ mi yardo. Ngunu nunumi yarlyi ke Kristo kii dalyi pa, Pinii ko ahdiñ nyato ku.

JON KA AYAPUYU 17:3

Ho siikasi santḛrlamanii sango, mohlu hiila chindokoda no kontiisii jije Pinii, ho Jisu Kristo humina no kiiniñ tiinii.

JON KA AYAPUYU 4:38

Ngo nunumi kiiniñ biilyi piniipa nii mina nunu miimanii; khiibe miitii, ho nunu mohluka miiko hoke ahdonii.”

METHU 10:5

Siika alyañlenye mi Jisu kiiniñtii, mohlumi luliibiido, Midomiyu ka apurho ilyayo, ho Samaritan atañka taunho ahlyayo,

IPISIA 3:7

Siika ayapuyu silo ngiimi miitii miihoniipa Pinii ka aroh-aya laka ahmiñayiñ lo nii mina ngiimi miigomiiniipa bitiinii mohka harchichikelo.

JON KA AYAPUYU 17:23

Ngo mohluko ho no ngiiko, niimpalukoda mohlumi ayaloda konepa lyike nendupa, niimpalukoda dohadolo mi chinke nendupa no ngiimi kiiniñtii hiila ho mohlumi hento niihtañpa ngiimi no hendu.

JON KA AYAPUYU 17:21

mohlu miilañ rumi konepa lyike nendupa; niihtañpa no, Aba, ngiiko do, ho ngo niikii ho, hiichulipa mohlumi tiirḛ ngiinyi ko doke nento, niimpalukoda dohadolo mi henje kiine dupa no ngiimi kiiniñtii hiila.

JON KA AYAPUYU 17:8

niimpalukoda ngo mohlumi niika ngiimika aguñ biniiñ mi bitii, ho mohlu hiimi larii biine ho jije mi chindoku ngo niiko hokii ahdo hiila; ho mohlu henjedo no ngiimi kiiniñtii.

METHU 23:34

Hopa Ngo nunumi nyibuhenii ho chilamiyu ho pagenii atañmi kiiniñ bito, nunu tange mi menkiñdo ho leda kendo, ho tangemi nunu sinagog ho higya pakiñdo ho miihimiire kendo ganda siiko kone abi,

JON KA AYAPUYU 17:25

O denki Aba, dohadolo niimi chima, hojalo ngo niimi chindu; ho siika atañ chindo no ngiimi kiiniñtii hiila.

JON KA AYAPUYU 3:17

Niimpalukoda Pinii Oho mi dohadolo ho kiiniñtii, dohadolo mi khiipa dupa ma, hojalo dohadolo mi lyangur dupa mo kiilo.