JON KA AYAPUYU 17:11 - NITI GONTU N.T. (BSI)

¹¹ Ho siisi ngo dohadolo so daku malyike, hojalo mohlu dohadolo so dalyi ke, ho ngo niiko ahlyi kuke. Darii Aba, mohlumi niika armyañ pa atii tokulya, humina no ngiimi bitiinii, niimpalukoda mohlumi konepa lyidopa, ngiinyi ka kone paka lyichañho.

JON KA AYAPUYU 17:11 ပူးပေါင်းရင်းမြစ်များ

METHU 6:9

Si chulipa kuto: Dariiganda hoka duniibo ngunuka Aba, Niika armyañ mi kaye kiinesa.

HIBRU 9:24

Niimpalukoda Kristo ahtii, alah loka dariinenchañ peniiñ homa, jije kapu kone ako, hojalo dariiganda loda ho, siisi Pinii ka dako ho ahtii ngunuka ahsa niipa.

IPISIA 4:4

Apo kone siike dosudonii ho Yajiyallo kone siike, niihtañpa nunumi hentiñ naniiñ kone ho gyotii hiika gyoniiñ hii nunukiike,

PILIPIA 2:9

Hopa Pinii mohmi assañtii ho myantii mohka armyañ mi koneabi armyañ mi kahe yadopa,

JON KA AYAPUYU 17:25

O denki Aba, dohadolo niimi chima, hojalo ngo niimi chindu; ho siika atañ chindo no ngiimi kiiniñtii hiila.

JON KA AYAPUYU 13:1

Siisi Impobiiniiñ dituñ soma rampa, Jisu chintii mohka myodu ahdoku siika dohadolo simi apa tekula Aba ko indu kupa, mohka attoh miyu atañmi hentii hutiina dohadolo so danii, mo henkañ kendo kamikalo lohepa.

HIBRU 1:3

Mo Pinii ka tatukatu mi byokur lingiido ho mohka tiihoniiñ henjujami giido, siichañmiido mi mohka aguñka harchichikelo gatu biitola. Mo ingyamiigyanii atañmi darii miite hekula, mo Pinii kahejaka lahbi alah ho duku.

JON KA AYAPUYU 16:33

Ngo siika simi nunumi lubii lyike, ngiikoho nunupa chimie hii dodopa. Dohadolo so nunuko hentḛrkanyi dolyi diike; hojalo ngarka jilya datolya, ngo dohadolo mi pamiñ tiike.”

JON KA AYAPUYU 14:20

Hiika allo ho nunu chinkiñdo ngo Aba ko da hiila, ho nunu ngiiko, ho ngo nunuko da hiila.

JUD KA SIITI KENIIÑ 1:1

Jud, Jisu Kristo ka Miira ho Jems ka anu, Humina gyotiinii, Pinii Aba ko heniiñjapa ho Jisu Kristo pa atii tiinii:

1 JON 5:19

Ngunu chindo ngunu Pinii kii hiila, ho hikha dohadolo si igii koneka harchichike ka ura ho do hiila.

JEMS 4:4

Lotiimanii pukonii atañ! Nunu chimapo dohadolo mika ajiñ niisi Pinii ka ahha-banii pa lyido hiila? Hopa hu jalopa dohadolo mi ajiñ talyi hii atohmi Pinii ka ahha-banii pa miisu do.

MIINIIÑ 3:21

mohmi dariiganda ho atiibiikiñ do hikha miipe menda hemi Pinii ka darii nyibuhenii atañ mika lugiñ nala luniiñmi kolyuñkolo hoka.

JON KA AYAPUYU 13:3

Jisu, Aba hikha drih atañmi mo alah ho bitii hiila chimbii tola, ho mo Pinii kokii ahdo ho Pinii ko inkiñdo hiila,

MIHUKAKIÑNIIÑ 4:8

Ho piilyeru turnii achu-amyo hii, kone abikii ale lekhe giitola, poteje amee giitola gokḛrpala ho ura ho, ho allo ayoh mi mohlu pema biisie singuma, “Darii, darii, darii, Attoh Pinii Tamoja, huna dutiinii ho du ho ahkiñ donii!”

1 PITAR 1:5

hutiina Pinii ka harchichike lo henje kiilo dagur kobiidonii sangopyako pa kamikalo myodu ho kakiñ dupa hiila henju tokula dokuniimi.

GELESIA 3:28

Hopa Jew malo Grik hiila khiisu kema, miira malo dasḛr hiila tiirḛ khiisu kema, milobo malo nyimii hiila tiirḛ khiisu kema, niimpalukoda nunu miilañru Kristo Jisu ko kone ke.

1 KORINTIA 1:10

Ngo nunumi lyarlyi ke, anubarmii atañ, ngunuka Attoh Jisu Kristo ka armyañ pa, hikha nunu taliito ho nunuka punkoho chekho siiyo, hojalo nunu tongepa ahha puhe pa giito ho ahiñpa ayakacho mi kato.

ROM MIKA POL KA SIITI KENIIÑ 12:5

Hopa ngunu, abuje dasuda, apo kone ke Kristo ko, ho kone kone ngunu ako anya ko giidiñ siido.

ROM MIKA POL KA SIITI KENIIÑ 9:17

Niimpalukoda piniipota ho Paraoh mi ludo, “Ngo niimi miichatii niimpalukoda piigo kone lodapa ngiika harchichike mi niiko kakiñ dupa, niimpalukoda ngiika armyañ mi hikha kiiddiapiñ so gyuko kiine dupa.”

JON KA AYAPUYU 16:28

Ngo Aba kokii ahdu ho dohadolo so ahdu; hiira, ngo dohadolo mi apatela inchi ku ho Aba ko inchi.”

JON KA AYAPUYU 7:33

Jisu ho lutii, “Ngo nunuka agiñho ichuche dakiñ dorañke, ho ngo inchi ku mohko huna ngiimi kiiniñ tiinii;

METHU 10:16

Kato, Ngo nunumi subuñ hiilyañ pake siipya ka punkoho kiiniñ biilyinii; hopa tabu chitañ piibi tolya ho pakoo chitañ yanu tolya.

METHU 5:48

Nunu, hopa, digoabiayato, niihtañpa niika dariiganda daka Aba tiirḛ digoabiaya ke.

MIHUKAKIÑNIIÑ 19:12

Mohka amee hii yamu miilyo hiilyañne, ho mohka adiñho abuje tahiñbyopa giine; ho mohko armyañ ketola giine nii mina mi kone hetrḛ chimanii hojalo mo atohsii.

MIHUKAKIÑNIIÑ 15:4

Hu biiso kema ho niika armyañ mi assañ kema, O Attoh? Niimpalukoda no kontiisii darii. Hikha ganda atañ ahbiila ho niimi herii kendo, niimpalukoda niika ayakacho kaniiñmi kakiñ tiiku.”

JUD KA SIITI KENIIÑ 1:24

Siisi mohmi huna nunumi huhi saniiñ hokii latu lakiñdonii ho huna nunumi kakiñ lakiñ donii mohka tatukatu ka hataho hang pahañ hansa giima dopa hempyo ka agiñho,

1 JON 3:12

ho Ken chuli masa huna diimmah kokii nii ho atoh ka anu mi mensu tii. Ho niimpa mo mohmi membiine? Niimpalukoda mohka atoh miiniiñ hii diimmah ho mohka anu hii denki tii.

JON KA AYAPUYU 17:6

“Ngo niika armyañ mi miyu atañmi chindopa miitii niika ngiimika dohadolo hokiika biniiñmi; mohlu niikii, ho no mohlumi ngiimi bitii, ho mohlu niika aguñmi talii biinyane.

JON KA AYAPUYU 17:23

Ngo mohluko ho no ngiiko, niimpalukoda mohlumi ayaloda konepa lyike nendupa, niimpalukoda dohadolo mi chinke nendupa no ngiimi kiiniñtii hiila ho mohlumi hento niihtañpa ngiimi no hendu.