JON KA AYAPUYU 16:7 - NITI GONTU N.T. (BSI)

⁷ Hojalo ngo nunumi jije mi lukoso: siikasi nunuka aya kiipa ke ngo ile lyiniiñ, niimpalukoda ngo matiirḛ ima koda, Hembyuñnii nunuko ahkiñma; hojalo ngo matiirḛ indo koda, ngo mohmi nunuko kiiniñ bichi.

JON KA AYAPUYU 16:7 ပူးပေါင်းရင်းမြစ်များ

JON KA AYAPUYU 14:26

Hojalo hembyuñnii, Darii Yajiyallo, humina Aba ngiika armyañ pa kiiniñ tiinii, mo nunumi hikha drih atañmi tonsḛr kendoke, ho nunumi hempa dopa miilyi diike hikha ngiika nunu mika luniiñmi.

JON KA AYAPUYU 15:26

Hojalo niidana Hembyuñnii ahchinii, humina ngo nunuko Aba kokii kiiniñ talyinii, jije ka Yajiyallo mitrḛ, huna Aba kokii lindonii, mo ngiipa haki lyibi kendo;

ROM MIKA POL KA SIITI KENIIÑ 8:28

Ngunu chindo kapane drih hii Pinii aya kiipa sii miidunii hiipa huna mohmi hendonii, humina mohka miigo pa gyotiinii.

MIINIIÑ 2:33

Hopa Pinii ka lahbi alah ho jocha kotola, ho Aba kokii hemme nii Darii Yajiyallo mi larii lala, nii mina nunu kapa do ho tapa donii mo hiimi biliñtii.

JON KA AYAPUYU 7:39

Siisi siikasi Yajiyallo ka piigo mi mo lutii, huna mohmi henje talyi nii hii larii kendo; niimpalukoda siisilohepa Yajiyallo mi bima tiirañ, niimpalukoda Jisu mi siisi lohe pa assañ matii rañ.

LUK KA AYAPUYU 24:49

Ho kato, ngo ngiika Aba ka hemme niimi nunuko kiiniñ biilyi ke; hojalo citi ho dutolya, niidayepa nunumi haho hokii harchichike mi agiitama.”

MIINIIÑ 10:34

Ho Pitar mohka aguñmi gonko rila luritii ho lutii: “Jijeloda ngo helatii Pinii ko khiingu khiire nyima ke,

JON KA AYAPUYU 14:28

Nunu ngiika nunumika luniiñmi tapa biilyi, Ngo ilyi kuke, ho ngo nunuko ahchi ke. Nunu matiirḛ ngiimi hendo koda, nunu hempyo kendoke, niimpalukoda ngo Aba ko ilyi ke; niimpalukoda Aba ngiimi kahe yake.

JON KA AYAPUYU 14:3

Ho ngo ila ho nunupa duko miimyo tela, Ngo hiira ahkur talyi ho ngo nunumi ingii talyi, niimpalukoda noh ngo da ho nunu miilañmi dagii dupa.

LUK KA AYAPUYU 9:27

Hojalo Ngo nunumi jijeloda lukoso, so tange danyada nii dahepa mohlu Pinii ka raddeganda mi kappa tama mohlu shiiniiñ mi hempa kemake.

LUK KA AYAPUYU 4:25

Hojalopa jije mi Ngo nunumi lukoso, Elija ka myodu ho Isrel ho hiimie abuje dutii, yapuñ ka danyi nyahiñhe la piilo barkhe ngepiñ lyiho, hikha kiiddi hoka hempḛr uro diime ahlyi ho;

2 KORINTIA 4:17

Niimpalukoda siika attahepa ka herumyanka hii ngunupa lyula samanii tatukatu mi miimyo bido hiika hii hang khiitiñ lasa manii,

JON KA AYAPUYU 16:8

Ho niida mo ahchi, mo dohadolo mi lyarkiñdo ingyamiigya ho denki ho ayakacho kanii ka piigo ho: