JON KA AYAPUYU 16:33 - NITI GONTU N.T. (BSI)

³³ Ngo siika simi nunumi lubii lyike, ngiikoho nunupa chimie hii dodopa. Dohadolo so nunuko hentḛrkanyi dolyi diike; hojalo ngarka jilya datolya, ngo dohadolo mi pamiñ tiike.”

JON KA AYAPUYU 16:33 ပူးပေါင်းရင်းမြစ်များ

JON KA AYAPUYU 14:27

Chimie mi ngo nunuko atii bibii lyike; ngiika chimie mi nunumi bibii lyike; dohadolo ka bichañ ho ngo nunumi bima lyike. Nunuka ahha heru yo, malo hiimi biiso kiine yo.

1 JON 5:4

Niimpalukoda niijalopa Pinii lo bukodu dohadolo mi miimiñdu; ho siikasi pamiñniike dohadolo mika miimiñlyi ho, ngunuka henje lo.

2 TESOLONIA 3:16

Siisi chimie ka Attoh mo atoh loda nunumi kiirañ chimie bikiñcho hikha lembo ho. Attoh nunu miilañ ruka agiñho dabo kencho.

1 JON 4:4

Himme atu atañ, nunu Pinii kokii ke, ho hiika atañmi pamiñ tiiku; niimpalukoda mo huna nunuka ura ho dunii hii siika dohadolo daka doniimi kaye yake.

PILIPIA 4:7

Ho Pinii ka chimie, niihna hikha chila mi kayeyadonii, nunuka ahha ho nunuka henju mi atii kendo Kristo Jisu ko.

1 PITAR 5:9

Miitḛr siito mohmi, alḛrpa nunuka henje ho dato, chimbii dola siika ahiñ heru mi nunuka anubarmii atañ miilañ hela da hiila hikha dohadolo so.

JON KA AYAPUYU 14:1

“Nunu ahha heru yo; Pinii mi henjeto, ngiimi miilañ henjeto.

2 TIMOTI 3:12

Jije lusu dokoda huna piniihenju giitola sango sannañ donii Kristo Jisu ko miihimiire kokiñdo,

MIINIIÑ 14:22

henjeajiñ atañka yallo mi alḛr lupa lala, mohlumi henje mi haro lupatii, ho lubiido abuje hentḛrkanyi loke ngunu Pinii ka raddeganda ho ahkiñ donii.

MIHUKAKIÑNIIÑ 3:21

Hii huna pamiñdonii, ngo mohmi ngiika agiñho raddeduko ho dugii talyi, niihtañpa ngo atoh tiirḛ pamiñtii ho ngiika Aba ka raddeduko ho dubo du.

HIBRU 11:25

miihimiire khiimapama miiko niimi ya kahetii Pinii ka miyuatañ agiñho hempyo paka ingyamiigya hoka sobo saniimi hentola.

MIHUKAKIÑNIIÑ 7:14

Ngo mohmi lutii, “Tonsḛrbo, no chindo.” Ho mo ngiimi luhii, Siika atañsi mohlu hutiina hempḛr kahe hentḛrkanyi hokii lintii kunii; mohlu mohluka tarii mi ase tiiku ho hiika atañmi puloo dopa miitiiku Siibuñ ka ai lo.

1 TESOLONIA 3:7

niimpalukoda siika piigopa, anubarmii atañ, hikha ngunuka hengahenkha ho pamyotakho ho ngunumi nunu hembyuñtii nunuka henjelo;

MIHUKAKIÑNIIÑ 12:11

Ho mohlu mohmi pamiñtii Subuñ ka ai lo ho mohluka aguñ pyako niilo, niimpalukoda mohlu mohluka sangomi abyo siimatii shiihi lyihepa.

KOLOSIA 1:20

ho mohkiilo hikha drih atañmi mohko yardiñ liigii dupa, dariiganda malo kiiddiapiñ hoka dunii mi, mohka pogyañ daka ai lo chimie dopa miido.

2 KORINTIA 1:3

Payapacho Pinii ho ngunuka Attoh Jisu Kristo ka Aba mi, aroh ka Aba ho hikha hembyuñ niika Pinii,

2 KORINTIA 13:11

Kamijapa anubarmii atañ, hempyo tolya. nunuka lembo mi miilyañ siitolya, ngiika tonsḛr niimi henge giitolya, kone anyañ mi talii siitolya, chimie pa duhiñ tolya, ho Pinii ka hensunii ho chimie nunuka agiñho dobo kencho.

1 TESOLONIA 3:4

Niimpalukoda niido ngunu nunu agiñho dato, ngunu nunumi luko lumyoto ngunu pamyotakho bakiñ doke hiila; niihtañpa lyine, ho nunu chiniiñ hiilyañ.

GELESIA 6:14

Hojalo ngo koda Jisu Kristo ka dapo mika assañ niimi sii talii siichinii, niilona dohadolo mi ngiimi leda bitii kunii, ho ngo dohadolopa.

2 KORINTIA 7:4

Ngo nunumi hempḛr hentiñdo; ngo nunumi hempḛr hentii nandu; ngiimi hembyuñtii. Hikha ngunuka pamyotakho bako hotiirḛ, ngo ano hempyo siido.

MIINIIÑ 27:25

Hopa haroto, miyuatañ, niimpalukoda ngiiko Pinii ka henje do sichuli lyikiñ doke ngiika lukonii chuli.

GELESIA 1:4

huna atohmi ngunuka ingyamiigya kopa bisu tiinii ngunumi tupya dupa siilobiilyo ka diimmah myodu sokii, ngunuka Pinii ho Aba ka henju jaho;

MIINIIÑ 9:31

Hopa gyoliñkonii hikha Judia ho Galili ho Samaria ho chimie dotii ho tonge pa sanchatii; ho Attoh mi biiso biidola intii ho Darii Yajiyallo ka hembyuñ kopa hiiko hii abu yaya tii.

JON KA AYAPUYU 12:31

Siisi ke siika dohadolo mika ayakacho kadu, siisi siika dohadolo mika sangii bomi mompa kendo;

LUK KA AYAPUYU 2:14

“Pinii mi uro japa assañto, ho kiiddiapiñ so Chimie hii miyu ko dokiñ doke humina mo hempyo biidunii!”

MIINIIÑ 27:22

Siisi ngo nunumi haro to luchi; niimpalukoda nunu punko hokii atoh ka sango mi alyu siikiñ make, hojalo yasiejaji kontii misu.

LUK KA AYAPUYU 19:38

lubiidola, “Lyanko kendo Radde huna Attoh ka armyañ pa ahdonii! Chimie hii dariiganda ho dokiñcho ho kahejapa assañdu!”

MIINIIÑ 23:11

Ayoh yohe yaho Attoh mohka aruñho datii ho lutii, “Haroto, niimpalukoda no ngiika piigo mi Jerusalem ho pyakotii, hiichulipa no Rom hotiirḛ haki bikiñ doke.”

HIBRU 7:2

ho mohmi Abraham bibiido kapane hokii hakhualyañ hemi. Mo kapyo ja, mohka armyañ mika luko lusinii, denki ka radde, ho mo hiira Salem ka radde, hiika hii, chimie ka radde.

JON KA AYAPUYU 16:11

ayakacho kaniiñ ka piigomi, niimpalukoda siika dohadolo mika sangiibo halii kotii.

METHU 9:2

Ho kato, mohlu lukuñnii kone Jisu mi jolii bitii, mohka dotananii ho giila dopa; ho Jisu mohluka henje mi kappa lala mo lutii lukuñ bomi, “Haroto, ngiika oho; niika ingyamiigya atañmi hello bitiike.”

2 KORINTIA 2:14

Hojalo Pinii mi payapacho lulyi, huna kiirañ ngunumi Kristo kiilo pamiñ giidonii, ho ngunu kiilo mohmika chiniiñ ka riso mi kapakohe sutii kiine donii.

2 KORINTIA 4:7

Hojalo ngunu ko siika alḛrdrih si dekiñ piichañ ho do, hiila kakiñ naniiñpa luchilamanii harchichike hii Pinii kiike ho ngunu kiimake.

2 KORINTIA 6:4

hojalo Pinii ka miira siilyinii ngunu kapakohe lembo ho lusudu: uropa pigii biidola, herumyanka ho, henkhiimilyiñ ho, hachesiire ho,

1 JON 2:13

Ngo nunumi kebiilyi, aba atañ, niimpalukoda nunu chindo huna lotuja hokii tiinii. Ngo nunumi kebii lyike, nyimuyapa atañ, niimpalukoda nunu diimmah kone mi pamiñ tiiku. Ngo nunumi kebii lyike, himme atañ, niimpalukoda nunu Aba mi chindo.