JON KA AYAPUYU 16:3 - NITI GONTU N.T. (BSI)

³ Ho mohlu siika simi miikiñdo niimpalukoda mohlu Aba mi chima, malo ngiimi tiirḛ.

JON KA AYAPUYU 16:3 ပူးပေါင်းရင်းမြစ်များ

LUK KA AYAPUYU 10:22

Hikha drih atañmi ngiika Aba ngiimi bitii; ho kone hetḛr chima hu Oho hiila Aba kontiisii, malo hu Aba hiila Oho kontiisii ho hutii mina Oho kahe tiinii mohmi kakiñ dupa.”

JON KA AYAPUYU 15:21

Hojalo hikha siika atañ siimi mohlu ngiika piigo pake nunumi miikiñ donii, niimpalukoda mohlu mohmi chima huna ngiimi kiiniñ tiinii.

JON KA AYAPUYU 15:23

Huna ngiimi kanamadonii ngiika Aba mitrḛ kanamapa miido.

JON KA AYAPUYU 17:25

O denki Aba, dohadolo niimi chima, hojalo ngo niimi chindu; ho siika atañ chindo no ngiimi kiiniñtii hiila.

JON KA AYAPUYU 17:3

Ho siikasi santḛrlamanii sango, mohlu hiila chindokoda no kontiisii jije Pinii, ho Jisu Kristo humina no kiiniñ tiinii.

JON KA AYAPUYU 8:19

Hopa mohlu mohmi lutii, “No niika Aba?” Jisu lusitii, “Nunu ngiimi tiirḛ malo ngiika Aba mitrḛ chima; nunu matiirḛ ngiimi chintii koda, nunu ngiika Aba mitrḛ chintiido.”

JON KA AYAPUYU 8:55

Hojalo nunu mohmi chimake; Ngo mohmi chindu. Ngo matiirḛ ludo koda, ngo mohmi chima, ngotiirḛ nunu chuli gollu kendo; hojalo ngo mohmi chindu ho ngo mohka aguñmi atiibiidu.

MIINIIÑ 3:17

Ho siisi, anubarmii atañ, ngo chindo nunu chima pa miitii, nunu mika sangii botrḛ.

1 KORINTIA 2:8

Kone hetrḛ siika santuñ soka sangii nii atañ siimi chima; niimpalukoda mohlu matiirḛ chintii koda, mohlu leda diimmah tatukatu ka Attoh mi.

2 TESOLONIA 1:8

herudopa miisi kendo hutiina Pinii mi chimanii ho huna ngunu Attoh Jisu Kristo ka ayapuyu mi taliila miimanii.

1 TIMOTI 1:13

kapyo ho ngo mohmi nipakoya la ho miihimiire la ho nyapakoya la miisutiijalo; hojalo ngo aroh mi patiiku niimpalukoda ngo chimapa miito henje mapa,

1 JON 2:23

Kone kotrḛ huna Oho mi mapa donii Aba nyima. Hii huna Oho mi khako donii hiiko Aba tiirḛ du.

1 JON 3:1

Kato niihtañ hensunii Aba ngunumi bitii, ngunumi Pinii ka wiinga hiila gyoko dopa; ho hiila ngunu, niimpa dohadolo ngunumi chima lukoda siika atañsi mohmi chima kopa.

1 JON 4:8

Hii huna hensu manii Pinii mi chima; niimpalukoda Pinii hensu niike.

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.