JON KA AYAPUYU 16:22 - NITI GONTU N.T. (BSI)

²² Hopa nunuko siisi heru hii do, hojalo ngo nunumi hiira kapa talyi ho nunuka ahha hii hempyo kendoke, ho kone hetrḛ nunuka hempyo mi nunu kokii lara biila kema.

JON KA AYAPUYU 16:22 ပူးပေါင်းရင်းမြစ်များ

1 PITAR 1:8

Hang kapa mapa mohmi nunu hendo; nunu siisi mohmi kapamasu nunu mohmi henjeda ho hempyo nyada hiimkane uro hempyo ka agiñho hiimi luko hetḛr luko lama.

MIINIIÑ 13:52

Ho henjeajiñ atañ hempyo nyatii ho Darii Yajiyallo agiñho.

JON KA AYAPUYU 16:6

Hojalo ngo nunumi siika drih atañmi luko biilyi, heru hii nunuka ahha ho poteje giido.

2 TESOLONIA 2:16

Siisi ngunuka Attoh Jisu Kristo mo atoh loda, ho Pinii ngunuka Aba, huna ngunumi hendonii ho ayudahe paka hembyuñ mi ngunumi bitiinii ho aya hentiñ aroh-aya lo,

MIINIIÑ 16:25

Hojalo ayoh liipa ho Pol la Silas nyi kula ho Pinii pa bariebiisie sila dotii, ho patiihude mika kabiibo mo anye mi tala dotii,

MIINIIÑ 2:46

Ho allo karmyañmi, tongepa piniiude ho ahtii ho mohluka ude ho yatañ mi petulala diitii, mohlu hempyo biidola ho kobya ahha giibii dola diigo diihiñ nyatii,

HIBRU 10:34

Niimpalukoda nunu arohtii patiihtunko nii atañmi, ho nunu hempyo biidola taliimontii nunuka gandanencha mika robii lyiho, niimpalukoda nunu chintii nunupa siimi ayaya gandanencha do ho ayudahe dokañ saniiñ.

HIBRU 6:18

niimpalukoda anye lyiguh lasamanii drih do, nii mina Pinii gollu lamanii, ngunu huna siitiñ giidupa hiila hargii donii uro yapa haro kendo gatu biidupa ngunu hata hoka hentiñnanii doniimi.

MIINIIÑ 5:41

Ho mohlu bulyañ kokii intiiku, hempyo biidola mohlumi khiitii hiila niimpalukoda khiimanii armyañ pa heru hembi dopa.

JON KA AYAPUYU 21:7

Henjeajiñ atañ hutiimina Jisu hentiinii Pitar mi lutii, “Siikasi Attoh ke!” Saimon Pitar siikasi Attoh hiila tapa lala, mo mohka pulye tarii mi giitiiku, niimpalukoda mo khepa tola datii miigo miidupa hiila, ho yasie ho beritii.

JON KA AYAPUYU 14:27

Chimie mi ngo nunuko atii bibii lyike; ngiika chimie mi nunumi bibii lyike; dohadolo ka bichañ ho ngo nunumi bima lyike. Nunuka ahha heru yo, malo hiimi biiso kiine yo.

JON KA AYAPUYU 14:1

“Nunu ahha heru yo; Pinii mi henjeto, ngiimi miilañ henjeto.

JON KA AYAPUYU 4:14

hojalo hujalopa ngiika yasie biniiñ hokii tanchi hii ronge hetḛr hangḛr keñku ma, ngiika yasie biniiñ hii mohko shoo huliñnii yasie pa lyikiñdo santḛrlamanii sango pa huliñla dokiñdo.”

LUK KA AYAPUYU 24:41

Ho mohluka hempyo niimi la hemurniimi, hemmola dorañpa, mo mohlumi lutii, “Nunuko so hang diisa doha?”

LUK KA AYAPUYU 16:25

Hojalo Abraham lutii, ‘Oho, hempato no niika sango ho aya drih adiñ kappatii, ho Lazaras hii chulipa ayamanii drih adiñ; hojalo siisi mohmi so hempyo pa biido kuke, ho no heruhela do.

LUK KA AYAPUYU 10:42

drih kone annaja dorañke. Mary chidiko chibii doke, hiika hiimi mohkokii lara biila kemake.”

METHU 28:8

Hopa mo anye nyibyaloda byuh hokii intiiku biiso biidola ho hempḛr hempyo biidola, ho hartii mohka henjeajiñ atañmi luko dupa.

JON KA AYAPUYU 16:20

Jijeloda, jijeloda, ngo nunumi lukoso, nunu khekiñdo ho heru kendo, hojalo dohadolo hempyo kendo; nunu heru kendo, hojalo nunuka heru hii hempyopa lyiguh rikiñdo.

LUK KA AYAPUYU 19:26

Ngo nunumi lukoso, kone abi hukiina donii hiimi abuyapa bikiñdo; hojalo hukiina nyimanii hiiko hokii, niihna mohko donii hiimi miilañ lara biikiñ doku.

JON KA AYAPUYU 16:16

“Ichuche dahi damolala, ho nunu ngiimi kapa keñkuma; hiira ichuche dala la, ho nunu ngiimi kapa kendo.”

JON KA AYAPUYU 14:19

Hojalo ichuche dahidamo lala, ho dohadolo atañ ngiimi kapa keñku ma, hojalo nunu ngiimi kapa kendo; niimpalukoda ngo turla dakiñdo, ho nunu tiirḛ turla dakiñdo.

2 KORINTIA 6:10

heru siido, hojalo kiirañ hempyodo; aroh siido, hojalo abujemi mingo dopa miitii; hang nyima siitrḛ, hojalo kapane hemi biidu.