JON KA AYAPUYU 16:19 - NITI GONTU N.T. (BSI)

¹⁹ Jisu chintii mohlu mohmi taka nando hiila; hopa mo mohlumi lutii, “Hiila nunuka punkoho taka siinya danii, nii lusa niimi pe ngiika luniiñsi, ‘Ichuche dahi damo lala, ho nunu ngiimi kapa kema, ho hiira ichuche dala la, ho nunu ngiimi kapa kendo’?

JON KA AYAPUYU 16:19 ပူးပေါင်းရင်းမြစ်များ

JON KA AYAPUYU 16:30

Siisi ngunu chindo no hikha drih atañmi chindo hiila, ho kone hetrḛ taka dopa lyima; sokii ngunu henjedo no Pinii kokii ahdo hiila.”

JON KA AYAPUYU 16:16

“Ichuche dahi damolala, ho nunu ngiimi kapa keñkuma; hiira ichuche dala la, ho nunu ngiimi kapa kendo.”

JON KA AYAPUYU 14:19

Hojalo ichuche dahidamo lala, ho dohadolo atañ ngiimi kapa keñku ma, hojalo nunu ngiimi kapa kendo; niimpalukoda ngo turla dakiñdo, ho nunu tiirḛ turla dakiñdo.

JON KA AYAPUYU 13:33

Himme atu atañ, hojalo ichuche ngo nunu agiñho date hela. Nunu ngiimi mekiñdo; ho niihtañpa ngo Jew atañmi luto hii chulipa siisi ngo nunumi ludu, ‘Ngiika inko ho nunu ahla kemake.’

JON KA AYAPUYU 7:33

Jisu ho lutii, “Ngo nunuka agiñho ichuche dakiñ dorañke, ho ngo inchi ku mohko huna ngiimi kiiniñ tiinii;

MIHUKAKIÑNIIÑ 2:23

ho ngo mohka wiinga mi shiidopa miichi. Ho hikha gyoliñkonii atañ chinkiñdo ngoke hii huna punyu la ahha nyimi mechi ladunii, ho ngo kone abimi bichi nunuka miigo miijo atañmi.

HIBRU 4:13

Ho mohka hataho hikha pukonii kone tiirḛ achugiila kema, hojalo hikha rumi miiko tola arapa do mohka amee kata ho huka agiñ hona ngunu luko siido pa lyikiñ donii.

JON KA AYAPUYU 21:17

Mo rohiñniipa mohmi lutii, “Saimon, Jon ka oho, no ngiimi hendu ha?” Pitar herutii niimpalukoda mo mohmi rohiñniipa lutii, “No ngiimi hendu ha hiila?” Ho mo mohmi lutii, “Attoh, no amanehemi chindo ke; no chindo ngo niimi hendo hiila.” Jisu mohmi lutii, “Ngiika subuñ mi diigo bitolya.

METHU 9:4

Hojalo Jisu, chimbii tola mohluka heniiñmi lutii, “niimpa nunu ayamanii drih hendu nunuka ahha ho?

METHU 6:8

Mohlu chulipa lyiyo, niimpalukoda nunuka Aba nunuka kuma rampa nunuka anna niimi chindoke.

MAK KA AYAPUYU 9:32

Hojalopa mohlu tadḛrlama tii luniiñmi, ho mohmi taka dupa tiirḛ biiso nyatii.

JON KA AYAPUYU 6:61

Hojalo Jisu, mo chimbii tola mohka henjeajiñ atañ simika budubudu luniiñmi, mohlumi lutii, “Nunu siika siimi takho duha?

JON KA AYAPUYU 16:18

Mohlu lutii, “Nii hiila mo lusa niimi pe ‘ichuche dahidamo lala’? Ngunu chima mo nii hiila lusa niimi.”

JON KA AYAPUYU 16:23

Hiika allo ho nunu ngiimi hang kukiñ kuma. Jijeloda, jijeloda, ngo nunumi lukoso, nunu matiirḛ niijalo Aba kokii kuchi, mo nunumi hiimi bikiñ doke ngiika armyañ pa.

JON KA AYAPUYU 16:26

Hiika allo ho nunu ngiika armyañ pa kukiñdo; ho ngo nunumi hiila lutema ngo Aba mi nunupa kutoso;