JON KA AYAPUYU 16:17 - NITI GONTU N.T. (BSI)

¹⁷ Mohka henjeajiñ atañ tange kone anya mi lusutii, “Niihpe siikasi mohka ngunumika luniiñsi, ‘Ichuche dahidamo lala, ho nunu ngiimi kapa keñkuma, ho hiira ichuche dala la, ho nunu ngiimi kapa kendo’; ho, ‘niimpalukoda ngo Aba ko ilyi ke’?”

JON KA AYAPUYU 16:17 ပူးပေါင်းရင်းမြစ်များ

JON KA AYAPUYU 16:16

“Ichuche dahi damolala, ho nunu ngiimi kapa keñkuma; hiira ichuche dala la, ho nunu ngiimi kapa kendo.”

JON KA AYAPUYU 16:5

Hojalo siisi ngo ilyi ku mohko huna ngiimi kiiniñ tiinii; hojalo kone hetrḛ nunu ngiimi takama, ‘No noh impa?’

MAK KA AYAPUYU 9:32

Hojalopa mohlu tadḛrlama tii luniiñmi, ho mohmi taka dupa tiirḛ biiso nyatii.

JON KA AYAPUYU 16:19

Jisu chintii mohlu mohmi taka nando hiila; hopa mo mohlumi lutii, “Hiila nunuka punkoho taka siinya danii, nii lusa niimi pe ngiika luniiñsi, ‘Ichuche dahi damo lala, ho nunu ngiimi kapa kema, ho hiira ichuche dala la, ho nunu ngiimi kapa kendo’?

JON KA AYAPUYU 14:5

Tomas mohmi lutii, “Attoh, ngunu chima no noh ilyi hiila; niihtañpa ngunu chila kendo lembomi?”

JON KA AYAPUYU 12:16

Mohka henjeajiñ atañ kapyoho siimi tadḛrlama tii; hojalo Jisu mi assañdiilañ kukele, ho mohlu hemparido siika keniiñ si mohmi ketii ho mohpa miitii.

LUK KA AYAPUYU 18:34

Hojalo mohlu gonge hetḛr tachiñ matii siika drih atañ siimi; siika kolobiisie si mohluko hokii achuñ tola dotii, ho mohlu tachiñ matii nii hiila lutii.

MAK KA AYAPUYU 9:10

Hopa mohlu siika drih mi mohluka pungko ho doke nentii, taka siinyatii shiiniiñ hokiika turiturku kuniisi nii hiisa niimiyu.

JON KA AYAPUYU 16:1

“Ngo hikha siika simi nunumi ludu niisi nunumi giiyi kiine diila hiila.

JON KA AYAPUYU 14:22

Judas (Iskariot mapa) mohmi lutii, “Attoh, niihtañpa hii no atohmi ngunumi kakiñ siikiñ do, ho dohadolo mima pa?”

LUK KA AYAPUYU 9:45

Hojalo mohlu siika luniiñmi tachiñ matii, ho siika siimi mohluko hokii achuñ tola dotii; siimi mohlumi tachiñ madopa; ho mohlu siika luniiñ piigo siimi taka dupa biisonyatii.

JON KA AYAPUYU 16:18

Mohlu lutii, “Nii hiila mo lusa niimi pe ‘ichuche dahidamo lala’? Ngunu chima mo nii hiila lusa niimi.”