JON KA AYAPUYU 16:14 - NITI GONTU N.T. (BSI)

¹⁴ Mo ngiimi assañdiilañ kendo, niimpalukoda mo niihna ngiikii hiimi labii kendo ho hiimi nunumi luko kendo.

JON KA AYAPUYU 16:14 ပူးပေါင်းရင်းမြစ်များ

JON KA AYAPUYU 15:26

Hojalo niidana Hembyuñnii ahchinii, humina ngo nunuko Aba kokii kiiniñ talyinii, jije ka Yajiyallo mitrḛ, huna Aba kokii lindonii, mo ngiipa haki lyibi kendo;

MIHUKAKIÑNIIÑ 19:10

Ho ngo mohka alih ho giihi to mohmi herii dupa, hojalo mo ngiimi lune, “No hiila miiyo! ngo nochitañ miira ahiñke ho niika anubarmii hiilyañ hutiina Jisu mika pyako niimi badonii. Pinii mi heriito.” Niimpalukoda Jisu mika pyako niisi nyibuheniiñ ka yajiyallo ke.

GELESIA 5:5

Niimpalukoda Yajiyallo kiilo, henje biidola, ngunu kalyatii denki ka hentiñmi.

2 KORINTIA 4:6

Niimpalukoda siikasi Pinii ke lunenii, “Hutoh mi kamo hokii byoliñ kiineto,” huna ngunuka ahha ho kakiñ tiinii chiniiñ ka hutoh Pinii ka tatukatu mi Kristo ka nyimo ho byoke nentii nii.

1 KORINTIA 12:3

Hopa ngo nunumi hiila chinke nenado kone hetrḛ Pinii ka Yajiyallo lo lunii bo lukiñma, “Jisu mi beto!” ho kone hetrḛ lula kema “Jisu Attoh” Yajiyallo lo lumapa.

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

1 JON 5:6

Siikasi hiike huna yasie la ai nyi hokii lintii nii, Jisu Kristo, yasie lo kontii ma hojalo yasie la ai nyi hokii.

1 JON 3:23

Ho siikasi mohka lujubiniiñ, hiikahii ngunu henje kendo mohka Oho Jisu Kristo ka armyañ mi ho kone anyañmi hensu kendo, mohka ngunumika lujubiniiñ hiilyañ.

JON KA AYAPUYU 7:39

Siisi siikasi Yajiyallo ka piigo mi mo lutii, huna mohmi henje talyi nii hii larii kendo; niimpalukoda siisilohepa Yajiyallo mi bima tiirañ, niimpalukoda Jisu mi siisi lohe pa assañ matii rañ.

1 PITAR 2:7

Nunupa hiikohopa hutiina henje nyadonii, mo khiiniiñ ke, hojalo hutiina henje nyamanii, “Hiika yalañ jahii nii mina udepeniibo khiipa tiikunii hiikahii khonchañ daka rali japa lyido,”

JON KA AYAPUYU 14:21

Hii huko hona ngiika lujubiniiñ donii ho hiimi atii biido nii, hiike huna ngiimi hendo nii; ho hii huna ngiimi hendo nii ngiika Aba lo henko kendo, ho mohmi henchi ho ngo atohmi kakiñ siichi mohmi.”