JON KA AYAPUYU 15:5 - NITI GONTU N.T. (BSI)

⁵ Ngo rosannii ke, nunu halloh atañ ke. Hu ngiiko giigela du, ho ngo mohko, hiika hii mo ahee abuje hikiñdo, niimpalukoda ngiiko hokii giisa tola nunu hang miila kemake.

JON KA AYAPUYU 15:5 ပူးပေါင်းရင်းမြစ်များ

PILIPIA 4:13

Ngo hikha drih atañ mi mohko miila kendo huna ngiimi alḛr giidonii.

KOLOSIA 1:10

sango mi Attoh lo khiiko dopa sankiñ cho hiila, mohmi hempyo miipa dopa, kapane aya miigo ho ahee hibi dopa ho Pinii ka drih mi abu yapa chila dopa.

JON KA AYAPUYU 15:16

Nunu ngiimi kahe make, hojalo ngoke nunumi kahe tiinii ho bibiilyinii ingela ho ahee hidopa ho nunuka ahee mi giigela dopa; niimpalukoda niijalo nunu Aba mi ngiika armyañ pa kuchi, mohmi nunumi bike nendupa.

GELESIA 5:22

Hojalo Yajiyallo ka ahee hii hensu nii, hempyo, chimie, pigiinii, helakala, aya, lotii,

2 KORINTIA 13:8

Niimpalukoda ngunu jije mi miikho la mudu hiila miila kema, hojalo jije pa kontiisii.

JON KA AYAPUYU 5:19

Jisu mohlumi lutii, “Jijeloda, jijeloda, ngo nunumi lukosa, Oho mo attoh pa hang miila kema, hojalo Aba niihna miidonii hiimi kala lala kontiisii; niimpalukoda niijalo mo miido, hiimisii Oho miisu danii hii chulipa.

JEMS 1:17

Kapane aya peniiñhii ho kapane digoabiaya ahmiñayiñ hii ayoh hokii ke, hutoh ka Aba kokii todo hukohona hang lyiguhmanii malo yallobyotiñnii nyimanii lyiguhkopa.

2 PITAR 3:18

Hojalo santo Attoh la Lyangur bo Jisu Kristo ka aroh-aya la chiniiñ ho. Mohmi assañ kencho siisi ho ayudahe ka allo lohepa. Amen.

JON KA AYAPUYU 12:24

Jijeloda, jijeloda, ngo nunumi lukoso, nii dahepa emmo elyañ kiiddi ho liihi tama ho shiitema, hii kontiisii dokañ siidunii; hojalo hii matiirḛ shiido koda, hiika hii abuje ahee hidu.

ROM MIKA POL KA SIITI KENIIÑ 7:4

Hiichulipa, ngiika anubarmii atañ, nunu shiitii ku dapo pa Kristo ka apo kiilo, hopa nunu khiibe koneyakii kuke, hiikii humina shiiniiñ hokii turiturku kiine tiikunii niimpalukoda ngunumi Pinii pa ahee hibi kiine dupa.

PILIPIA 1:11

denki ka ahee atañmi hinyato niihna Jisu Kristo kokii ahdonii, tatukatu ho Pinii mi assañ naniiñpa.

JON KA AYAPUYU 9:33

Siika miyu si matiirḛ Pinii kokii makoda, mo hang miila diima.”

PILIPIA 4:17

Hiilamaje ngo ahmiñayiñ medu hiila; hojalo ngo ahee mi medu niihna nunuko abuyapa dori kendo nii.

ROM MIKA POL KA SIITI KENIIÑ 6:22

Hojalo siisi nunumi tupya biilyi ke ingyamiigya hokii ho Pinii ka miira pa lyido ku, nunuka ahkur kuniisi dardḛkunii ho hiika hii dotḛr kuke, santḛrlamanii sango.

MIINIIÑ 4:12

Ho kone kotrḛ sangopyako hii nyima, niimpalukoda hikha dariiganda ho koneya armyañ bima miyu atañka punkoho nii lona ngunu lyangur kokiñ donii.”

1 KORINTIA 12:12

Niitañpa apo konesii ho abuje hakhu giidu, hikha hakhu atañ apokii, abuje dosu dojalopa, hii apo konesii, hopa hii chuli Kristo kotrḛ.

1 PITAR 2:4

Mohko ahto, hiika turnii yalañ ho, miyu ka khiipa kuniiñ hojalo Pinii ka kata hoka kahenii ho khiiniiñ;

1 KORINTIA 12:27

Siisi nunu Kristo ka apo ke ho kone abi nunu hiika hakhu ke.

IPISIA 5:9

(niimpalukoda hutoh ka ahee mi hikha aya ho miidiko ho jije hoke kapa donii),

2 KORINTIA 9:10

Huna alikormo mi ali niimi bidonii ho yatañ mi diisa niipa bidonii ho bikiñ doke nunuka anna niimi ho niika denki ka amoopigo mi abuyapa miibi kendoke.

KOLOSIA 1:6

niihna nunuko ahtii nii, jijelusu dokoda hikha dohadolo ho siikasi ahee hila do ho sancha la do-hiichuli nunuka punko hotiirḛ, nunuka tapabii allo hokii ho Pinii ka aroh-aya mi chindo jije ho,

ROM MIKA POL KA SIITI KENIIÑ 12:5

Hopa ngunu, abuje dasuda, apo kone ke Kristo ko, ho kone kone ngunu ako anya ko giidiñ siido.

1 KORINTIA 10:16

Lyaniiñ ka turla si nii mina ngunu lyantii kunii, siikasi miibo kuma siipeha Kristo ka ai ho? Yatañ nii mina ngunu petu donii, siikasi miibo kuma siipeha Kristo ka apo ho?

METHU 13:21

hojalo mohluko liima giimatii, hojalopa iche kontii pigii lala, ho hentḛrkanyi malo miihimiire ahdalyi aguñ ka piigo pa, ohe pada mohlu giiyi dadu.