JON KA AYAPUYU 15:16 - NITI GONTU N.T. (BSI)

¹⁶ Nunu ngiimi kahe make, hojalo ngoke nunumi kahe tiinii ho bibiilyinii ingela ho ahee hidopa ho nunuka ahee mi giigela dopa; niimpalukoda niijalo nunu Aba mi ngiika armyañ pa kuchi, mohmi nunumi bike nendupa.

JON KA AYAPUYU 15:16 ပူးပေါင်းရင်းမြစ်များ

JON KA AYAPUYU 15:19

Nunu matiirḛ dohadolo kiikoda, dohadolo hii henkiñdo mo attoh kiimi; hojalo nunu dohadolo kiima, ngo nunumi kahe tiiku dohadolo hokii, hopa dohadolo hii nunumi kanamapa miido.

IPISIA 2:10

Niimpalukoda ngunu mohka miigomiinii miyu, Kristo Jisu ko ayamiigo miinii paka puliñnii, nii mina Pinii kapyopa miimyo tiinii, hiiko ngunumi inke nendupa hiila.

LUK KA AYAPUYU 6:13

Ho allo kukele, mo mohka henjeajiñ atañmi gyotii, ho hiika hokii alyañlenye mi kahetii, humina mo kiiniñkonii hiila myantiinii;

GELESIA 1:15

Hojalo mo huna ngiimi kahe kapyo tiikunii ngiimika biima rampa, ho mohka aroh-aya lo ngiimi gyotii nii,

1 JON 4:19

Ngunu hendu, niimpalukoda mo ngunumi hempyotii.

MIINIIÑ 22:14

Ho mo lutii, ‘Ngunu ka aba atañka Pinii niimi kahe tii mohka henju mi chinke nendupa, Denki kone mi kapa kiine dupa ho mohka aguñ hokii mohka luniiñ tapa kiine dupa;

2 TIMOTI 2:2

ho niihna no ngiiko hokii tapa tiinii abuje tapaniika hata hoka luniiñmi, lotii miyu atañmi khelii tolya huna khiibemiyu mi tonsḛr tonsi lakiñ donii.

JON KA AYAPUYU 13:18

Ngo nunu miilañ rumi luma ke; ngo chindo ngo humina kahe tiinii hiila; siikasi piniipota mi miipe kiinedupa, ‘Huna ngiika yatañ mi diitiinii mohka ludu lo ngiimi nyoje biido.’

JON KA AYAPUYU 6:70

Jisu mohlumi lusitii, “Ngo nunumi kahe masuha ehna?, alyañlenye, ho nunuka punkoho kone igii ke.”

1 PITAR 3:15

hojalo nunuka ahha ho Kristo mi Attoh hiila khiito. Kiirañ hemmyo giila dato lya lupya siina naniipa huna nunumi gyola lala nunu koka hentiñ giiniimi taka donii, hojalo hiimi ahhakeyiñ lo ho khiibiidola miito;

1 JON 4:10

Siika sike hensu nii, hiila ma ngunu Pinii mi hentola hiila hojalo mo ngunumi hentii ho mohka Oho mi kiiniñtii ngunuka ingyamiigya niipa bili bidupa hiila.

MIINIIÑ 1:24

Ho mohlu kutii ho lutii, “Attoh, hikha miyu ka ahha mika chiniiñ, kakiñpe siika anye sokii humina no kahe tiinii

1 PITAR 3:2

niida mohlu nunuka khiiniiñmi ho addah henju hembyo mi kapa talyi.

ROM MIKA POL KA SIITI KENIIÑ 15:4

Niimpalukoda bilo allo hoka keniiñ hii ngunu mika tonsḛr naniiñ pake ketiinii, hiilo ranttiniiñ ho piniipota loka haro lupa niilo ngunu ko hentiñ naniiñ doke nendupa.

MIINIIÑ 9:15

Hojalo Attoh mohmi lutii, “Inge, niimpalukoda mo ngiika kahenii miinananii ke ngiika armyañ mi Midomiyu ho radde atañka hataho ho Isrel ka oho atañ ko luko kendoke;

METHU 21:22

Ho nunuka kuniiñ ho nii jalo kuchi, nunu hiimi pakiñ doke, nunu matiirḛ henje dokoda.”

2 TIMOTI 1:11

Niimpalukoda siika ayapuyu pa ngiimi kahetii tonsḛrkhenyo ho kiiniñkonii ho sariipa,

1 KORINTIA 10:11

Siisi siika drih atañsi lyitii mohlumi ka luluñ naniiñpa, hojalo hiika atañmi ketola do ngunu mika kakiñ naniipa, huko hona santuñ ka sanja sanii hii ahkiñ donii.

ROM MIKA POL KA SIITI KENIIÑ 9:21

Piichañ puniibo niihtañpa miinañdo miila kema peha dekiñmi, dekiñ ahiñ hokiila kone mi kapyo dopa ho konemi dumiñ miita naniiñpa?

JEMS 3:18

Ho denki ka amoolasa niimi chimie ho alie tii hutiina chimie dopa miigiidonii.

HIBRU 11:4

Henjelo Abel Pinii mi bitii khiiniiñya membinii Ken mi hentola, hiilo mo denki do hiila khiikotii, Pinii haki bido mohka ahmiñayiñ biniiñ mi larii biidola; mo shiitii, hojalo mohka henje lo mo siisi jalo ludorañ.

TAITAS 1:5

Siika sipa niihna ngo niimi Kret ho apa tenii, niimpalukoda niimi miilyañ kiine dupa niihna ayamanii, ho amiabañ kahe kiine dupa taun kone abi ho ngiika niimi ka luko luchañ ho,

KOLOSIA 1:6

niihna nunuko ahtii nii, jijelusu dokoda hikha dohadolo ho siikasi ahee hila do ho sancha la do-hiichuli nunuka punko hotiirḛ, nunuka tapabii allo hokii ho Pinii ka aroh-aya mi chindo jije ho,

ROM MIKA POL KA SIITI KENIIÑ 1:5

hukiilona ngunu aroh-aya la kiiniñkonii ka miigomi kapa tiinii henjelaka luniiñ tako hopa, niimpalukoda mohka armyañ ka piigo kiipa hikha ganda siiko ho,

MIINIIÑ 10:41

hikha miyuatañ mima hojalo ngunumi humina Pinii kahe tiinii hakipa, huna diibo tambo tiinii mo agiñho mohka shiiniiñ hokiika turiturku lyikuho.

1 TIMOTI 2:7

Niimpalukoda siika sipa ngiimi kahetii tonsḛrkhenyo niipa ho kiiniñkonii pa (Ngo jije mike lukodunii, Ngo gollu make), Midomiyu atañka tonsḛrbo pa henje la jije nyiho.

KOLOSIA 1:23

nunumi henjeho dakañ kiine dupa, abyumapa bilo henju ho henkañdopa, ayapuyu ka hentiñ nii hokii hengu madopa nii mina nunu tapa tiinii, nii mina pukonii kone abimi tonsḛr khenyo tiinii dariiganda ka ura hoka daniimi, ho niihpana, ngo, Pol miihoniipa lyitiinii.

ROM MIKA POL KA SIITI KENIIÑ 1:13

Ngo nunumi chinke nenado, anubarmii atañ, ngo kiirañ nunuko ahnañto (hojalo siisilohe pa atiñ tola done), niimpalukoda ngo amoo iche ladupa nunuka punkoho ho hiika agiñho khiibe Midomiyu atañka punko hokii tiirḛ.

MIINIIÑ 1:8

Hojalo nunu harchichike mi larii kendoke Darii Yajiyallo ka nunukoka ahlyi ho; ho nunu ngiika haki pa dukiñdo Jerusalem ho, hikha Judia ho, ho Samaria ho, ho hikha kiiddi dotḛrso.”

METHU 7:7

Kuto, ho nunumi bikiñ doke; meto, ho nunu mepa kendoke, padiñto, ho alyeh miiko bikiñ doke.

JON KA AYAPUYU 15:5

Ngo rosannii ke, nunu halloh atañ ke. Hu ngiiko giigela du, ho ngo mohko, hiika hii mo ahee abuje hikiñdo, niimpalukoda ngiiko hokii giisa tola nunu hang miila kemake.