JON KA AYAPUYU 14:9 - NITI GONTU N.T. (BSI)

⁹ Jisu mohmi lutii, “Hiimkane diirii ngo nunu agiñho dabii lyiku, ho siisi lohepa no ngiimi chima rañ, Pilip? Huna ngiimi kapa tiinii hii Aba mi kappatii; niihtañpa no ludu, ‘Ngunumi Aba mi kakiñpe hiila’?

JON KA AYAPUYU 14:9 ပူးပေါင်းရင်းမြစ်များ

KOLOSIA 1:15

Mo Kapalamanii Pinii mika kagiñnanii, butu japa ka bukonii hikha puliñnii atañ hokii;

JON KA AYAPUYU 12:45

Ho huna ngiimi kado nii mohmi kado huna ngiimi kiiniñ tiinii.

JON KA AYAPUYU 14:7

No matiirḛ ngiimi chintii koda, no ngiika Aba mitrḛ chintii do; siisikiila no mohmi chindo ho mohmi kapa tiiku.”

HIBRU 1:3

Mo Pinii ka tatukatu mi byokur lingiido ho mohka tiihoniiñ henjujami giido, siichañmiido mi mohka aguñka harchichikelo gatu biitola. Mo ingyamiigyanii atañmi darii miite hekula, mo Pinii kahejaka lahbi alah ho duku.

JON KA AYAPUYU 10:30

Ngo la ho Aba nyi konesii.”

JON KA AYAPUYU 1:14

Ho Aguñ hii asiialyo pa lyitii ho ngunuka punkoho duhatii, aroh-aya la jije poteje giitola; ngunu ko mohka tatukatu hii do, hiila ka tatu katu mo Aba ka hiiro kone kontii.

PILIPIA 2:6

huna, mo Pinii chulipa lyisu dotrḛ, Pinii kalyañpa khiisuma drih khiisu saniiñmi,

JON KA AYAPUYU 14:20

Hiika allo ho nunu chinkiñdo ngo Aba ko da hiila, ho nunu ngiiko, ho ngo nunuko da hiila.

MAK KA AYAPUYU 9:19

Ho mo mohlumi lukobiido, “Nunu henje giimanii santuñ atañ, nii dahepa Ngo nunu agiñho dabo talyi? Nii dahepa ngo nunu agiñho hembo mola dachi? Mohmi ngiiko ahgii.”

LUK KA AYAPUYU 12:56

Nunu apukahi atañ! Nunu lulado yapuñ la kiiddi nyimi kalala nii lyikiñdo; hojalo niihtañpa nunu lulama siisi ka myodu myolo mi?

1 KORINTIA 15:12

Siisi Kristo mi shiinii hokii turikunii hiila tonsḛr khenyo dokoda, niihtañpa nunu tonge lula kendo shiinii atañ turiturku kema hiila?

JON KA AYAPUYU 8:19

Hopa mohlu mohmi lutii, “No niika Aba?” Jisu lusitii, “Nunu ngiimi tiirḛ malo ngiika Aba mitrḛ chima; nunu matiirḛ ngiimi chintii koda, nunu ngiika Aba mitrḛ chintiido.”

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.