JON KA AYAPUYU 14:6 - NITI GONTU N.T. (BSI)

⁶ Jisu mohmi lutii, “Ngoke lembo, ho jije, ho sango; kone hetḛr Aba ko ahla kema, hojalo ngiiko hopasii.

JON KA AYAPUYU 14:6 ပူးပေါင်းရင်းမြစ်များ

METHU 11:27

Kapane drih atañhii Aba ka ngiimi biniiñke, ho kone hetḛr chima Oho mi Aba kontiisii, ho kone hetḛr chima Aba mi Oho kontiisii ho humina Oho kahetiinii hiimi mo kakiñ du.

JON KA AYAPUYU 1:14

Ho Aguñ hii asiialyo pa lyitii ho ngunuka punkoho duhatii, aroh-aya la jije poteje giitola; ngunu ko mohka tatukatu hii do, hiila ka tatu katu mo Aba ka hiiro kone kontii.

JON KA AYAPUYU 1:17

Niimpalukoda dapo hii Mose kokiila bitii; aroh-aya la jije hii Jisu Kristo kokiila ahtii.

JON KA AYAPUYU 1:4

Mohko sango hii dotii, ho sangohii miyu atañka hutoh.

JON KA AYAPUYU 10:28

ho ngo mohlumi santḛrlamanii sango bidu, ho mohlu iche hetḛr lyukiñma, ho kone hetḛr mohlumi ngiika alah hokii robii lakiñma.

JON KA AYAPUYU 10:7

Hopa Jisu hiira mohlumi lutii, “Jijeloda, jijeloda, ngo nunumi lukoso, ngo subuñ ka hagya ke.

JON KA AYAPUYU 10:9

Ngo hagya ke; hujalo matiirḛ ngiiko hopa ahchi, mo lyangur kokiñdo, ho ahkiñdo ho linkiñdo ho hiisañhiima diiko kapa kendo.

JON KA AYAPUYU 14:19

Hojalo ichuche dahidamo lala, ho dohadolo atañ ngiimi kapa keñku ma, hojalo nunu ngiimi kapa kendo; niimpalukoda ngo turla dakiñdo, ho nunu tiirḛ turla dakiñdo.

JON KA AYAPUYU 15:1

Ngo jije rosannii ke, ho ngiika Aba rosannii mika miini niike.

JON KA AYAPUYU 18:37

Pailet mohmi lutii, “Hokoda no radde ha?” Jisu lusitii, “No ludo ngo radde hiila. Sipa ngo bukotii, ho sipa ngo siika dohadolo so ahdu, jije mi haki bidu pa hiila. Kone abi huna jije hokii nii hiika hii ngiika aguñmi tadu.”

JON KA AYAPUYU 5:21

Niimpalukoda niihtañpa Aba shiinii mi turdopa miido ho mohlumi sango bido, hiichulipa Oho tiirḛ sango bido humina mo bina donii.

JON KA AYAPUYU 6:33

Niimpalukoda Pinii ka yatañ hiike dariiganda hokii todonii, ho sango bido dohadolo mi.”

JON KA AYAPUYU 6:51

Ngo turnii yatañke dariiganda hokiika tonii; hujalo siika yatañ siimi matiirḛ diichi, hii ayu dahepa sankiñdo; ho yatañ nii mina ngo bichi nii dohadolo ka sangopa hii ngiika apoke

JON KA AYAPUYU 6:57

Niitañpa turnii Aba ngiimi kiiniñtii, ho ngo turdo niimpalukoda Aba kiipa, hopa huna ngiimi diichinii hii turkiñdo niimpalukoda ngiikiipa

JON KA AYAPUYU 6:68

Saimon Pitar mohmi lusitii, “Attoh, huko ngunu inchi? Niiko santḛrlamanii sango ka aguñ hii do;

JON KA AYAPUYU 8:32

ho nunu jije mi chinkiñ do, ho jije hii nunumi tupya kendoke.”

JON KA AYAPUYU 8:51

Jijeloda, jijeloda, ngo nunumi lukoso, hujalopa matiirḛ ngiika aguñmi atiibiichi, mo shiigo mi kapa kema.”

MIINIIÑ 3:15

ho sango mika Keniiñ bomi ya mentii, humina Pinii shiiniiñ hokii turidopa miitii. Siimi ke ngunu haki bidu nii.

MIINIIÑ 4:12

Ho kone kotrḛ sangopyako hii nyima, niimpalukoda hikha dariiganda ho koneya armyañ bima miyu atañka punkoho nii lona ngunu lyangur kokiñ donii.”

MIINIIÑ 9:2

ho mohmi siitipota kutii Damaskas daka sinagog pa, niimpalukoda lembo ho humijalo kapa talyi, milobojalo malo nyimii jalo, mo mohlumi Jerusalem ho selii biidupa.

ROM MIKA POL KA SIITI KENIIÑ 15:16

Jisu Kristo ka miira pa lyila Midomiyu atañ ko nyibu ka miigomi Pinii ka aya puyu mi ludupa, niimpalukoda Midomiyu atañka biniiñ mi larii ladopa, Darii Yajiyallo lo darii miibiidola.

ROM MIKA POL KA SIITI KENIIÑ 5:2

Mo kiilo ngunu ahla dopa lyido siika aroh-aya ho nii hona ngunu danii, ho ngunu hempyodo ngunuka hentiñho Pinii ka tatukatu mi ngunu hembo kendo hiila.

ROM MIKA POL KA SIITI KENIIÑ 5:21

hopa, ingyamiigya hii shiiniiñ mi dogiitii, aroh-aya hiitiirḛ dogii kendo denkilo santḛrlamanii sango mi Jisu Kristo ngunuka Attoh kiilo.

1 KORINTIA 15:45

Hopa hiila ketola do, “Kapyo ja miyu Adam turnii miyu pa lyitii”; kami Adam yajiyallo ka sango binii.

IPISIA 2:18

niimpalukoda mo kiilo ngunu anyeru ahlado Yajiyallo konepa Aba ko.

KOLOSIA 2:17

Siika atañsi yallo kontii siike niihna ahkiñdonii; hojalo drih atañ Kristo kiisu ke.

KOLOSIA 2:9

Niimpalukoda mohko hikha poteje piniiaju hii apopa lyila dohado,

KOLOSIA 3:4

Niida Kristo huna ngunuka sango ahchinii, hiiko nunu tiirḛ ahbo mokiñdo mo agiñho tatukatu ka ho.

HIBRU 7:25

Hiiko hopa mo hikha myodu ho mohlumi lyangur latii hutiina Pinii ka aruñho ahde tiinii mohko ahbiila, niimpalukoda mo kiirañ turla da mohlupa kubi dupa.

HIBRU 9:8

Siika silo Darii Yajiyallo kakiñdo dariinenchañ ka lembo hii siisi lohe pa miiko marañ nii dahepa ago daka tabyoude hii dochirañ

1 PITAR 1:21

Mohkiilo nunuko hentiñnanii do Pinii ko, huna mohmi shiinii hokii turdopa miitiinii ho tatukatu mi bitii nii, niimpalukoda nunuka henje ho hentiñ nanii hii Pinii ko dopa.

1 PITAR 2:4

Mohko ahto, hiika turnii yalañ ho, miyu ka khiipa kuniiñ hojalo Pinii ka kata hoka kahenii ho khiiniiñ;

1 PITAR 3:18

Niimpalukoda Kristo tiirḛ shiibitii ingyamiigyanii kiipa rongepada miilañ rupa, denki mi ingyamiigya kiipa, niimpalukoda mo ngunumi Pinii ko ahgii dupa, asiialyo mi shiike nela la hojalo yajiyallo ho turke nentii;

1 JON 1:8

Ngunu matiirḛ ingyamiigya ma ludo koda, ngunu atohmi gollu siido, ho jije hii ngunuko giima.

1 JON 2:23

Kone kotrḛ huna Oho mi mapa donii Aba nyima. Hii huna Oho mi khako donii hiiko Aba tiirḛ du.

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

1 JON 5:6

Siikasi hiike huna yasie la ai nyi hokii lintii nii, Jisu Kristo, yasie lo kontii ma hojalo yasie la ai nyi hokii.

2 JON 1:9

Hu kone jalo ilemiile talyi ho Kristo ka tonsḛr niiho datema mohko Pinii nyima; mo huna tonsḛr niiho danii hiiko anyeru Aba la Oho nyi da.

MIHUKAKIÑNIIÑ 1:5

ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo

MIHUKAKIÑNIIÑ 19:11

Ho ngo kapato dariiganda mi miiko dopa, ho kato, puloo gora! Mo hiika ayoh hoka dunii bo gyokodo Lotii ho Jije hiila, ho denkipa mo haliido ho gyambo pado.

MIHUKAKIÑNIIÑ 20:15

ho hu koneka jalo armyañ mi matiirḛ kapa makoda sango ka kheta ho ketola dopa, mohmi yamu ka siimie ho jopa liikiñdo.

MIHUKAKIÑNIIÑ 22:1

Ho mo ngiimi sango ka yasie ka kiiley mi kakiñ, crystal yalañ mitrḛ hudakhada yatola, Pinii ka raddeduko la Subuñ nyiko hokii biliñdo

MIHUKAKIÑNIIÑ 22:17

Yajiyallo la Mihie nyi ludo, “Ahto.” Ho hutiina tapa nyadonii luke nento, “Ahto.” Ho hutiina yasie hangḛr donii ahto, huna labii nandonii labii kiineto sango ka yasie mi hang arie bimapa.

MIHUKAKIÑNIIÑ 3:14

“Ho Laodisia gyoliñkonii daka miidopopi kedo: ‘Amen hiila talii dopaka aguñ, lotii ho jije haki, Pinii ka pulyi hoka lintuja.

MIHUKAKIÑNIIÑ 3:7

“Ho Piladelpia gyoliñkonii daka miidopopi kedo: ‘Darii koneka aguñ, jije kone, huko hona David ka sabe donii, huka miiko lyiho kone hetrḛ miipiñ lakiñma, huka miipiñ lyiho kone hetrḛ miiko lakiñma.