JON KA AYAPUYU 14:27 - NITI GONTU N.T. (BSI)

²⁷ Chimie mi ngo nunuko atii bibii lyike; ngiika chimie mi nunumi bibii lyike; dohadolo ka bichañ ho ngo nunumi bima lyike. Nunuka ahha heru yo, malo hiimi biiso kiine yo.

JON KA AYAPUYU 14:27 ပူးပေါင်းရင်းမြစ်များ

PILIPIA 4:7

Ho Pinii ka chimie, niihna hikha chila mi kayeyadonii, nunuka ahha ho nunuka henju mi atii kendo Kristo Jisu ko.

JON KA AYAPUYU 16:33

Ngo siika simi nunumi lubii lyike, ngiikoho nunupa chimie hii dodopa. Dohadolo so nunuko hentḛrkanyi dolyi diike; hojalo ngarka jilya datolya, ngo dohadolo mi pamiñ tiike.”

2 TESOLONIA 3:16

Siisi chimie ka Attoh mo atoh loda nunumi kiirañ chimie bikiñcho hikha lembo ho. Attoh nunu miilañ ruka agiñho dabo kencho.

KOLOSIA 3:15

Ho Kristo ka chimie mi nunuka ahha ho sangii kiineto , jijelusu dokoda niihpana nunumi gyotii nii ahuapo konepa. Ho payapacho luto.

2 TIMOTI 1:7

niimpalukoda Pinii ngunumi biisoniika yajiyallo mi bimake hojalo harchichike ka yajiyallo miike ho hensunii ho hendimiidi.

ROM MIKA POL KA SIITI KENIIÑ 15:13

Hentiñ ka Pinii nunu miilañ rumi poteje bikiñ cho hikha hempyo ho chimie henje ho, niimpalukoda Darii Yajiyallo ka harchichike lo nunuko hentiñ naniiñ poteje doke nendupa.

ROM MIKA POL KA SIITI KENIIÑ 8:6

Punyu mi asiialyo dalyi henga dopa miiniiñsi shiigo ke, hojalo punyu mi Yajiyallo kii dalyi henga dopa miiniiñsi sango la chimie ke.

GELESIA 1:3

Nunumi aroh-aya ho chimie Pinii Aba kokii ho ngunuka Attoh Jisu Kristo kokii dokiñcho,

GELESIA 5:22

Hojalo Yajiyallo ka ahee hii hensu nii, hempyo, chimie, pigiinii, helakala, aya, lotii,

ROM MIKA POL KA SIITI KENIIÑ 5:1

Hopa, ngunumi henje lo lupya bitii ku, ngunukii Pinii agiñho chimie hii do Jisu Kristo kiilo.

JON KA AYAPUYU 14:1

“Nunu ahha heru yo; Pinii mi henjeto, ngiimi miilañ henjeto.

ROM MIKA POL KA SIITI KENIIÑ 5:10

Niimpalukoda matiirḛ ngunuka ahha basula darañ ho Pinii ko ngunumi yardiñ bitii ku mohka Oho ka shiiniiñlo, abuyapa, siisi ngunumi yardiñ tiiku, ngunu mohka sango lo lyangur kokiñdo.

JON KA AYAPUYU 20:21

Jisu hiira mohlumi lutii, “Chimie nunu agiñho dokiñcho. Niihtañpa Aba ngiimi kiiniñtii, hiichulipa ngo nunumi kiiniñ biilyi ke.”

KOLOSIA 1:20

ho mohkiilo hikha drih atañmi mohko yardiñ liigii dupa, dariiganda malo kiiddiapiñ hoka dunii mi, mohka pogyañ daka ai lo chimie dopa miido.

ROM MIKA POL KA SIITI KENIIÑ 1:7

Hikha Rom daka Pinii ka heniiñ atañ, hutiina piniimiyu hiila lusu donii: Nunumi aroh-aya hiilyi ho chimie Pinii ngunuka Aba ho Attoh Jisu Kristo kokii.

1 KORINTIA 1:3

Nunumi aroh-aya la chimie mi bikiñcho Pinii ngunu Aba la Attoh Jisu Kristo kokii.

JON KA AYAPUYU 20:19

Hiika allo ka alyiñho, kanualo ka kapyoja allo ho, alyeh hii giipiñ tola dotii nohna henjeajiñ atañ dutiinii, Jew atañ mika biisomi, Jisu ahtii ho mohluka punkoho datii ho mohlumi lutii, “Chimie nunu agiñho dokiñcho.”

2 TESOLONIA 1:2

Nunumi aroh-aya ho chimie lulyi Pinii aba ho Attoh Jisu Kristo kokii.

MIINIIÑ 10:36

Nunu chindo aguñmi nii mina Isrel ho kiiniñ tiinii, chimie ka ayapuyu mi Jisu Kristo kiila (mo miilañruka Attoh),

LUK KA AYAPUYU 2:14

“Pinii mi uro japa assañto, ho kiiddiapiñ so Chimie hii miyu ko dokiñ doke humina mo hempyo biidunii!”

LUK KA AYAPUYU 1:79

huna kamo la shiigo ubu nyiho dunii hiimi hutoh byohu kiine dupa, ngunuka alih mi chimie lembo ho pagii dupa.”

HIBRU 13:20

Siisi chimie ka Pinii huna hiira shiiniiñ hokii turdo pa miitiinii ngunuka Attoh Jisu mi, hempḛr kahe subuñsornii, ai loka ayudahe paka hemmesiiniiñ,

MIINIIÑ 18:9

Ho Attoh Pol mi lutii ayoh yohe mihukaniiñho, “Biiso yo, hojalo luto ho adumapa dayo;

METHU 10:26

Hopa mohlumi biiso lyayo; niimpalukoda hang kone tiirḛ lapiñ tola atii kemake kakiñ mapa, malo achuñ niimi chimapa miikiñ make.

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

MIHUKAKIÑNIIÑ 1:4

Jon kokiila pengkanuhe gyoliñkonii Asia hoka doniimi: Aroh-aya la chimie mi nunupa bilyike mohkokii huna dunii ho huna dutiinii ho huna ahkiñ donii, ho kanuhe yajiyallo kokii huna mohka raddeduko hataho danii,

HIBRU 7:2

ho mohmi Abraham bibiido kapane hokii hakhualyañ hemi. Mo kapyo ja, mohka armyañ mika luko lusinii, denki ka radde, ho mo hiira Salem ka radde, hiika hii, chimie ka radde.

JON KA AYAPUYU 20:26

Allo lopinye daku lala, mohka henjeajiñ atañ hiira ude ho dutii, ho Tomas tiirḛ mohluka agiñho dubo montii. Alyeh hii giipiñ tola dotii, hojalo Jisu ahtii ho mohluka agiñho datii, ho lutii, “Chimie nunu agiñho dokiñcho.”

MIHUKAKIÑNIIÑ 21:8

Hojalo biiso bopa, henje giima bopa, miibḛrmiilyi koniibopa, miyu menii atañpa, datuapu punii atañpa, ashumiinii atañpa, puchiniimika heriinii atañpa, ho hikha gollubo atañpa, mohluka dusa kohii siimie hoke nohna lyala donii yamu la sulphur nyi, hiikahii ronye niipaka shiitiniiñ.”

GELESIA 6:16

Chimie la aroh hii hikha hiika atañka agiñho dokiñ cho hutiina siika muju chuli indanii, Isrel ka Pinii hahoho.

LUK KA AYAPUYU 10:5

Huka ude hojalo ahchi, kapyopa luto, Siika ude so chimie dotope!

KOLOSIA 1:2

Kristo ka piniimiyu atañ la lotii anubarmii Kolosia hoka dunii atañ mi: Nunumi aroh-aya la chimie Pinii Aba kokii.

LUK KA AYAPUYU 12:4

“Ngo nunumi lukoso, ngiika ajiñatañ, biisolyayo huna apomi mendanii, ho hiika hiiba ho mohlu hang miila kemake.