JON KA AYAPUYU 14:24 - NITI GONTU N.T. (BSI)

²⁴ Hii huna ngiimi hema nii ngiika aguñ atañ mitrḛ atiima; ho nunuka aguñ tapa niisi ngiikii make hojalo Aba kii huna ngiimi kiiniñ tiinii.

JON KA AYAPUYU 14:24 ပူးပေါင်းရင်းမြစ်များ

JON KA AYAPUYU 7:16

Hopa Jisu mohlumi lusitii, “Ngiika tonsḛr niisi ngiikii make, hojalo mohkiike huna ngiimi kiiniñ tiinii;

JON KA AYAPUYU 14:10

No hiila henjema ha Ngo Aba ko da ho Aba Ngiiko da hiila? Ngiika aguñ niimi ka lurii niisi ngo ngiika atoh otority lo luma; hojalo Aba ngiika ura hoka duniibo mo mohka miigo atañmi miido.

JON KA AYAPUYU 8:42

Jisu mohlumi lutii, “Pinii matiirḛ nunuka Aba koda, nunu ngiimi henkiñdo, niimpalukoda ngo irito ho ahdu Pinii kokii; ngo attoh pa ahsuma, hojalo mo ngiimi kiiniñtii.

JON KA AYAPUYU 5:19

Jisu mohlumi lutii, “Jijeloda, jijeloda, ngo nunumi lukosa, Oho mo attoh pa hang miila kema, hojalo Aba niihna miidonii hiimi kala lala kontiisii; niimpalukoda niijalo mo miido, hiimisii Oho miisu danii hii chulipa.

JON KA AYAPUYU 3:34

Niimpalukoda humina Pinii kiiniñ tiinii Pinii aguñ luliñla doku, niimpalukoda khuka biidola mo yajiyallo mi bimake;

JON KA AYAPUYU 14:15

“Nunu matiirḛ ngiimi hendo koda, nunu ngiika lujubiniiñ atañmi atii kendo.

JON KA AYAPUYU 5:38

ho nunu mohka aguñmi nunuko atiima, niimpalukoda nunu mohmi henjema humina mo kiiniñ tiinii.

JON KA AYAPUYU 8:38

Ngo ludu niihna ngo ngiika Aba agiñho kapa tiinii, ho nunu miido niihna nunu nunuka aba kokii tapa tiinii.”

JON KA AYAPUYU 8:26

Ngiiko abuje nunu piigo mi lusa do ho abuje ayakacho kasa niitrḛ; hojalo ngiimika kiiniñ bo jijeke, ho dohadolo mi lukodu niihna ngo mohkokii tapa dunii.”

JON KA AYAPUYU 8:28

Hopa Jisu lutii, “Nunu miyu ka Oho mi yucha kulala, ho nunu chinkiñdo ngo hii hiila, ho ngo ngiika attoh otority la hang miima hojalo hiimi sii lusu dunii Aba ka ngiimika tonsḛr niimi.

JON KA AYAPUYU 7:28

Hopa Jisu gyukotii, piniiude hoka mo tonsḛr toncha ho, “Nunu ngiimi chindo, ho nunu chindo ngo nohkii ahdo hiila? Hojalo ngo atoh pa ahsu make; mo ngiimika kiiniñ bo jije ke, ho mohmi nunu chima.

METHU 19:21

Jisu mohmi lutii, “No matiirḛ digoabiaya nando koda, inge, pyunge niihna niiko donii ho arro atu atañmi binge, ho niikii dariiganda ho alḛrdrih dokiñ doke; ho ahto, ngiimi imbo monto.”

JON KA AYAPUYU 3:11

Jijeloda, jijeloda, ngo niimi lukoso, ngunu ludu niihmi ngunu chindo, ho hakipa dudu niihmi ngunu kappatii; hojalo no ngunuka pyakoniimi taliima.

JON KA AYAPUYU 14:25

Siika drih atañmi ngo nunumi lubii lyike, ngiika nunu agiñho darañso.