JON KA AYAPUYU 14:23 - NITI GONTU N.T. (BSI)

²³ Jisu mohmi lusitii, Miyu matiirḛ ngiimi hendo koda, mo ngiika aguñmi atii biikiñdo, ho ngiika Aba mohmi henkiñdo, ho ngunu mohko ahkiñdo ho ngunuka ude mi mohko penkiñdo.

JON KA AYAPUYU 14:23 ပူးပေါင်းရင်းမြစ်များ

JON KA AYAPUYU 14:21

Hii huko hona ngiika lujubiniiñ donii ho hiimi atii biido nii, hiike huna ngiimi hendo nii; ho hii huna ngiimi hendo nii ngiika Aba lo henko kendo, ho mohmi henchi ho ngo atohmi kakiñ siichi mohmi.”

JON KA AYAPUYU 14:15

“Nunu matiirḛ ngiimi hendo koda, nunu ngiika lujubiniiñ atañmi atii kendo.

1 JON 2:24

Hopa niihna nunu lotuja hokii tapatiinii hiimi nunuko giigela doke nento. Niina nunu lotuja hokii tapa tiinii hii matiirḛ nunuko giigela dokoda, ho nunu Oho la Aba nyika agiñho giigela do.

1 JON 4:4

Himme atu atañ, nunu Pinii kokii ke, ho hiika atañmi pamiñ tiiku; niimpalukoda mo huna nunuka ura ho dunii hii siika dohadolo daka doniimi kaye yake.

2 KORINTIA 6:16

Niitañpa talii lakiñdo Pinii ka piniiude hii miichi niika agiñho? Niimpalukoda ngunu turnii Pinii ka piniiude; Pinii hiila lutii, “Ngo mohluka agiñho dubo monchi ho mohluka agiñho imbo monchi, ho ngo mohluka Pinii, ho mohlu ngiika miyu.

JON KA AYAPUYU 10:30

Ngo la ho Aba nyi konesii.”

JON KA AYAPUYU 6:56

Huna ngiika apomi diidonii ho ngiika ai mi tandonii hii ngiiko da, ho ngo mohko.

JON KA AYAPUYU 14:17

jijeka Yajiyallo tiirḛ, humina dohadolo si larii lamanii, niimpalukoda mohmi kapa lama malo mohmi chinya ma; nunu mohmi chindo, niimpalukoda mo nunuka agiñho da, ho nunuko giikiñdo.

MIHUKAKIÑNIIÑ 21:22

Ho ngo hang piniiude kapama citi ho, niimpalukoda hiika piniiude hii Attoh Pinii Tamoja la Subuñ nyikii.

MIHUKAKIÑNIIÑ 22:3

Hiikaho hang beniiñ drih nyikiñ kuma, hojalo Pinii ka raddeduko la ho Subuñ hii hiikaho dukiñdo, ho mohka miira atañ mohmi herii kendo;

JON KA AYAPUYU 8:51

Jijeloda, jijeloda, ngo nunumi lukoso, hujalopa matiirḛ ngiika aguñmi atiibiichi, mo shiigo mi kapa kema.”

JON KA AYAPUYU 8:52

Jew atañ mohmi lutii, “Siisi ngunu chindo niiko igii giido hiila. Abraham shiine, hii chulipa nyibuhenii atañ tiirḛ; ho no luda, ‘hujalopa matiirḛ ngiika aguñmi atii biichi, mo shiiniiñ mi kapa kema.’

JON KA AYAPUYU 14:24

Hii huna ngiimi hema nii ngiika aguñ atañ mitrḛ atiima; ho nunuka aguñ tapa niisi ngiikii make hojalo Aba kii huna ngiimi kiiniñ tiinii.

JON KA AYAPUYU 15:10

Nunu matiirḛ ngiika lujubiniiñ mi atii dokoda, nunu ngiika heniiñ ho giigela dokiñdo, niihtañpa ngo ngiika Aba ka lujubiniiñ mi atii biidu ho mohka heniiñ ho giigedu.

JON KA AYAPUYU 16:27

niimpalukoda Aba mo loda ya nunumi hendo, niimpalukoda nunu ngiimi hentii ho henjeda ngo Aba kokii ahdo hiila.

IPISIA 3:17

ho hiika Kristo nunuka ahha ura ho dukiñcho nunuka henje kiilo; niimpalukoda nunumi, liima tugela ho hensuniiho sampola dokenendupa,

1 JON 2:5

hojalo hujalo mohka aguñmi atii biichi, mohko Pinii paka heniiñmi jije digoabiaya dopa miitii. Siika silo ngunu hentiñdo ngunu mohko du hiila:

1 JON 5:3

Niimpalukoda siika sike Pinii mika heniiñ, ngunuka mohka lujubiniiñ mika atii biiniiñ hii. Ho mohka lujubiniiñ hii hiimkane alluabama.

2 JON 1:6

Ho sike hensunii, hiikahii ngunuka mohka lujubiniiñ mika imbo moniihii; siika sike lujubiniiñ hii, niihtañpa nunu lotu jaho hokii tapane, hiikahii nunu hensuniiho imbo monto.

MIHUKAKIÑNIIÑ 21:3

ho ngo tapato hempḛr goro aguñ raddeduko hokii lubiidola, “Kato, Pinii ka duko hii miyu atañka agiñ hoke dolyi kunii. Mo mohluka agiñho dubo kendo, ho mohlu mohka miyupa lyikiñdo, ho Pinii mohloda mohluka agiñho dabo kendo;