JON KA AYAPUYU 14:20 - NITI GONTU N.T. (BSI)

²⁰ Hiika allo ho nunu chinkiñdo ngo Aba ko da hiila, ho nunu ngiiko, ho ngo nunuko da hiila.

JON KA AYAPUYU 14:20 ပူးပေါင်းရင်းမြစ်များ

JON KA AYAPUYU 17:26

Ngo mohlumi niika armyañ mi chindopa miitii, ho ngo siimi chindo miipa talyi, niimpalukoda niika ngiimika heniiñ chulipa mohluko hotiirḛ doke nendupa, ho ngo mohluko ho dodupa.”

GELESIA 2:20

Ngo Kristo agiñho leda kotiiku; siikasi ngomake huna sando nii, hojalo Kristo huna ngiiko sando kunii; ho sango ngiika asiialyo loka saniiñsi ngo henje loke sandunii Pinii ka Oho mi, huna ngiimi hendo nii ho ngiipa atohmi bisu tiinii.

1 JON 4:12

Miyu kone hetrḛ Pinii mi ronge tiirḛ kapama; ngunu matiirḛ kone anyañmi hensu dokoda, Pinii ngunu ko giige tola do ho mohka hensunii digoabiaya giido ngunu ko.

JON KA AYAPUYU 14:10

No hiila henjema ha Ngo Aba ko da ho Aba Ngiiko da hiila? Ngiika aguñ niimi ka lurii niisi ngo ngiika atoh otority lo luma; hojalo Aba ngiika ura hoka duniibo mo mohka miigo atañmi miido.

ROM MIKA POL KA SIITI KENIIÑ 8:1

Hiiko hopa siisi hang khiiliisaniiñ nyima hiipa hutiina Kristo Jisu ko danii.

JON KA AYAPUYU 10:38

hojalo ngo matiirḛ hiimi miido milo, nunu ngiimi henje majalo, miigomiiniiñ mi henje to, niimpalukoda nunu chindupa ho chila kendoke Aba ngiiko du ho ngo Aba ko du hiila.

2 KORINTIA 13:5

Nunu atohmi henka siito, kaka siito nunu nunuka henje mi gabii tola dasuda hiila. Tenka siito nunu atohmi. Nunu hendḛr siimapo Jisu Kristo nunuko da hiila? nii dahepa hiila tama nunu tenka siiko ho miipelama pa lyido!

KOLOSIA 1:27

Mohlumi Pinii kahetii chinke nendupa Midomiyu atañka punkoho niimkane kahe na siika mingo tatukatu michimaniisi, niihna Kristo nunuko donii, hentiñ naniiñ ka tatukatu.

JON KA AYAPUYU 16:26

Hiika allo ho nunu ngiika armyañ pa kukiñdo; ho ngo nunumi hiila lutema ngo Aba mi nunupa kutoso;

KOLOSIA 2:9

Niimpalukoda mohko hikha poteje piniiaju hii apopa lyila dohado,

KOLOSIA 1:19

Niimpalukoda mohko hikha Pinii ka henju hii poteje hempyo biidola dohatii,

JON KA AYAPUYU 6:56

Huna ngiika apomi diidonii ho ngiika ai mi tandonii hii ngiiko da, ho ngo mohko.

2 KORINTIA 5:17

Hopa, mi kone matiirḛ Kristo ko dado kukoda, mo niti puniiñ ke; khu hii lyune kuke, kato, niti doku.

JON KA AYAPUYU 17:11

Ho siisi ngo dohadolo so daku malyike, hojalo mohlu dohadolo so dalyi ke, ho ngo niiko ahlyi kuke. Darii Aba, mohlumi niika armyañ pa atii tokulya, humina no ngiimi bitiinii, niimpalukoda mohlumi konepa lyidopa, ngiinyi ka kone paka lyichañho.

JON KA AYAPUYU 16:23

Hiika allo ho nunu ngiimi hang kukiñ kuma. Jijeloda, jijeloda, ngo nunumi lukoso, nunu matiirḛ niijalo Aba kokii kuchi, mo nunumi hiimi bikiñ doke ngiika armyañ pa.

IPISIA 2:10

Niimpalukoda ngunu mohka miigomiinii miyu, Kristo Jisu ko ayamiigo miinii paka puliñnii, nii mina Pinii kapyopa miimyo tiinii, hiiko ngunumi inke nendupa hiila.

1 KORINTIA 1:30

Mohke nunuka sango sanginanii Kristo Jisu ko, humina Pinii ngunuka chilananiiñ pa miitiinii, ngunu mika denkigiiko ho dardḛkunii ho tupyabiniiñ ho;

JON KA AYAPUYU 17:7

Siisi mohlu chindo amane drih niika ngiimika biniiñ hii niiko hokii hiila;

2 KORINTIA 12:2

Ngo chindu miyu kone mi Kristo ko humina nyalyañ hela nyampe kapyo yaho hingenii dariiganda ho chagii nenii ahuapo pa ha malo ahuapo giima pa ha ngo chima, Pinii sii chinsu donii.

2 KORINTIA 5:19

hiika hii, Kristo ko Pinii mi yardiñ tiiku dohadolo mi mohko, mohluka ilemiile niimi khiiku mapa, ho ngunumi yardiñbiniiñ ka puyu mi luko tote hiila lutii.

ROM MIKA POL KA SIITI KENIIÑ 16:7

Endronikas la Junias nyimi ayahelyi, ngiika henii-myanii ho ngiika pattiih tuhiñ koniiñ; mohlu kiiniñkonii punko hotiirḛ khiikonii miyuatañ ke, ho mohlu ngiimi tiirḛ kapyo yake Kristo ko.

JON KA AYAPUYU 14:11

Henjeto ngiimi Ngo Aba ko da hiila ho Aba ngiiko da hiila; malo hojalo ngiimi henjeto niimpalukoda miigo miiniiñ atañpa.