JON KA AYAPUYU 14:17 - NITI GONTU N.T. (BSI)

¹⁷ jijeka Yajiyallo tiirḛ, humina dohadolo si larii lamanii, niimpalukoda mohmi kapa lama malo mohmi chinya ma; nunu mohmi chindo, niimpalukoda mo nunuka agiñho da, ho nunuko giikiñdo.

JON KA AYAPUYU 14:17 ပူးပေါင်းရင်းမြစ်များ

JON KA AYAPUYU 16:13

Niida jije ka Yajiyallo ahchi, mo nunumi ingii kendoke hikha jije ho; niimpalukoda mo attoh ka otority lo lukiñ make, hojalo mo niihmi tapado hiimi sii lukiñ siido nii, ho mo nunumi luko kendo drih atañ ahsa niimi.

1 JON 2:27

hojalo arrḛyarniiñ nii mina nunu mohkokii larii tiikunii hii nunuko giigela dokañ doke, ho nunumi kone lotrḛ tonsḛr kodo pa lyikiñ make; niimpalukoda mohka arrḛyarkuniiñ nunumi kapane piigomi tonsḛrdo, ho hiikahii jije, ho hiika hii golluma, niihtañpa hiikahiimi nunumi lukotii, mohko giigela datolya.

JON KA AYAPUYU 15:26

Hojalo niidana Hembyuñnii ahchinii, humina ngo nunuko Aba kokii kiiniñ talyinii, jije ka Yajiyallo mitrḛ, huna Aba kokii lindonii, mo ngiipa haki lyibi kendo;

1 JON 4:6

Ngunu Pinii kii. Hujalo Pinii mi chindo ngunumi tagedu, ho hii huna Pinii kokii manii ngunuka luniiñmi tama. Siika silo ngunu chindo jije ka yajiyallo mi ho amuh yajiyallo mi.

1 KORINTIA 3:16

Nunu chimapo nunu Pinii ka piniiude hiila ho Pinii ka Yajiyallo nunuko dudu hiila?

1 KORINTIA 2:14

Yajiyallo giimanii miyu lariima Pinii ka Yajiyallo ka ahmiñayiñ mi, niimpalukoda hiika atañ mohlupa piigo ama, ho mo hiika atañmi chilama niimpalukoda hiika atañ yajiyallo loka kalasanii.

1 KORINTIA 6:19

Nunu chimapo nunuka apo hii Darii Yajiyallo ka piniiude hiila, nii mina nunu Pinii kokii larii tiinii? Nunu atoh kiisu kuma ke;

2 TIMOTI 1:14

jijemi dagurbiito nii mina niimi kabiidopa bitiinii Darii Yajiyallo huna niika ura ho dunii.

JON KA AYAPUYU 14:16

Ho ngo Aba mi kuchi, ho mo nunumi Hembyuñnii koneya bikiñdo, nunuka agiñho ayu dahepa dabo niipa,

JON KA AYAPUYU 14:23

Jisu mohmi lusitii, Miyu matiirḛ ngiimi hendo koda, mo ngiika aguñmi atii biikiñdo, ho ngiika Aba mohmi henkiñdo, ho ngunu mohko ahkiñdo ho ngunuka ude mi mohko penkiñdo.

1 JON 3:24

Hikha hutiina mohka lujubiniiñ atii biidonii hii mohko giigedo, ho mo mohlukoho. Ho siika silo ngunu chindo mo ngunuko giigela do hiila, Yajiyallo nii mina ngunumi bitii nii.

1 JON 4:4

Himme atu atañ, nunu Pinii kokii ke, ho hiika atañmi pamiñ tiiku; niimpalukoda mo huna nunuka ura ho dunii hii siika dohadolo daka doniimi kaye yake.

IPISIA 3:17

ho hiika Kristo nunuka ahha ura ho dukiñcho nunuka henje kiilo; niimpalukoda nunumi, liima tugela ho hensuniiho sampola dokenendupa,

GELESIA 4:6

Ho niimpalukoda nunu oho atañ ku, Pinii kiiniñtii mohka oho ka Yajiyallo mi ngunu ahha ho, gyobiidola, “Aba! Aba!”

2 KORINTIA 13:5

Nunu atohmi henka siito, kaka siito nunu nunuka henje mi gabii tola dasuda hiila. Tenka siito nunu atohmi. Nunu hendḛr siimapo Jisu Kristo nunuko da hiila? nii dahepa hiila tama nunu tenka siiko ho miipelama pa lyido!

KOLOSIA 1:27

Mohlumi Pinii kahetii chinke nendupa Midomiyu atañka punkoho niimkane kahe na siika mingo tatukatu michimaniisi, niihna Kristo nunuko donii, hentiñ naniiñ ka tatukatu.

IPISIA 2:22

humina nunu mitrḛ puchatiinii hiiko Pinii Yajiyallo pa dugii nanko pa.

METHU 10:20

niimpalukoda hii nunu make ludonii, hojalo nunuka Aba ka Yajiyallo ke nunumi lugiñ nala lukiñ donii.

MIHUKAKIÑNIIÑ 2:17

Hii hukiina yaroo giidonii, mohmi take nento niihna Yajiyallo ludonii gyoliñkonii atañmi. Hiika atañmi hutiina pamiñdonii ngo bichi manna tonge achuñ tola doniimi, ho ngo mohmi puloo yalañ mi bichi, niti armyañ ka agiñho hiika yalañho ketola nii mina kone hetrḛ chimanii hii kontiisii huna hiimi lariidonii.’

1 JON 5:7

Ho Yajiyallo hii haki ke, niimpalukoda Yajiyallo hii jije.

2 KORINTIA 6:16

Niitañpa talii lakiñdo Pinii ka piniiude hii miichi niika agiñho? Niimpalukoda ngunu turnii Pinii ka piniiude; Pinii hiila lutii, “Ngo mohluka agiñho dubo monchi ho mohluka agiñho imbo monchi, ho ngo mohluka Pinii, ho mohlu ngiika miyu.

1 KORINTIA 14:15

Nii pe ngo miikiñ donii? Ngo yajiyallo lo kuchi ho ngo punyu lotrḛ kuchi; ngo yajiyallo lo biisie sichi ho ngo punyu lotrḛ sichi.

JON KA AYAPUYU 6:40

Niimpalukoda siikasi ngiika Aba ka heniiñ, koneabi huna Oho mi kapa lala ho mohmi henje talyi nii hiiko santḛrlamanii sango dopa; ho ngo hiimi kami allo ho seri talyiku.”