JON KA AYAPUYU 14:16 - NITI GONTU N.T. (BSI)

¹⁶ Ho ngo Aba mi kuchi, ho mo nunumi Hembyuñnii koneya bikiñdo, nunuka agiñho ayu dahepa dabo niipa,

JON KA AYAPUYU 14:16 ပူးပေါင်းရင်းမြစ်များ

JON KA AYAPUYU 14:26

Hojalo hembyuñnii, Darii Yajiyallo, humina Aba ngiika armyañ pa kiiniñ tiinii, mo nunumi hikha drih atañmi tonsḛr kendoke, ho nunumi hempa dopa miilyi diike hikha ngiika nunu mika luniiñmi.

JON KA AYAPUYU 15:26

Hojalo niidana Hembyuñnii ahchinii, humina ngo nunuko Aba kokii kiiniñ talyinii, jije ka Yajiyallo mitrḛ, huna Aba kokii lindonii, mo ngiipa haki lyibi kendo;

ROM MIKA POL KA SIITI KENIIÑ 15:13

Hentiñ ka Pinii nunu miilañ rumi poteje bikiñ cho hikha hempyo ho chimie henje ho, niimpalukoda Darii Yajiyallo ka harchichike lo nunuko hentiñ naniiñ poteje doke nendupa.

GELESIA 5:22

Hojalo Yajiyallo ka ahee hii hensu nii, hempyo, chimie, pigiinii, helakala, aya, lotii,

ROM MIKA POL KA SIITI KENIIÑ 14:17

Niimpalukoda Pinii ka raddeganda hii diigo la tango kiimake hojalo denki ho chimie ho hempyo ke Darii Yajiyallo agiñho;

MIINIIÑ 9:31

Hopa gyoliñkonii hikha Judia ho Galili ho Samaria ho chimie dotii ho tonge pa sanchatii; ho Attoh mi biiso biidola intii ho Darii Yajiyallo ka hembyuñ kopa hiiko hii abu yaya tii.

1 JON 2:1

Ngiika himme atu atañ, ngo siimi nunumi kedu niisi nunumi ingyamiigya mayapa hiila; hojalo mih kone matiirḛ ingyamiigya dokoda, ngunu mika lubinii du Aba ka agiñho, Jisu Kristo denki bo;

JON KA AYAPUYU 4:14

hojalo hujalopa ngiika yasie biniiñ hokii tanchi hii ronge hetḛr hangḛr keñku ma, ngiika yasie biniiñ hii mohko shoo huliñnii yasie pa lyikiñdo santḛrlamanii sango pa huliñla dokiñdo.”

METHU 28:20

tonsḛr tolya hikha ngiika nunumika lujubiniiñmi tatolya hiila; ho kato, Ngo nunuka agiñho kiirañ dabo talyike, kiiddimiidoh ka dodo hemi.”

PILIPIA 2:1

Hopa hiiko matiirḛ hang haro lupasiisanii Kristo ko dokoda, hang hensu niilo hembyuñ siisa dokoda, hang Yajiyallo ho miibolubo saniiñ dokoda, hang hensu myasu ho arohsiisa nii dokoda,

ROM MIKA POL KA SIITI KENIIÑ 5:5

ho hentiñnanii hii ngunumi heru miipama, niimpalukoda Pinii ka heniiñmi ngunuka ahha ho bito kula doku Darii Yajiyallo lo nii mina ngunumi bitii kunii.

MIINIIÑ 13:52

Ho henjeajiñ atañ hempyo nyatii ho Darii Yajiyallo agiñho.

JON KA AYAPUYU 17:15

Ngo hiila kuma lyike no mohlumi dohadolo hokii labii heku hiila, hojalo no mohlumi diimmah hokii achuñ tolyape.

JON KA AYAPUYU 14:18

“Ngo nunumi kapa tama ke; ngo nunuko ahchike.

HIBRU 7:25

Hiiko hopa mo hikha myodu ho mohlumi lyangur latii hutiina Pinii ka aruñho ahde tiinii mohko ahbiila, niimpalukoda mo kiirañ turla da mohlupa kubi dupa.

ROM MIKA POL KA SIITI KENIIÑ 8:34

hu khiilii kendo? Hii Kristo Jisu peha, huna shiibi tiinii, ḛh, huna shiinii hokii turitiikunii, huna Pinii ka lahbi alah ho dunii, huna ngunupa kubila dunii?

JON KA AYAPUYU 14:14

niijalopa nunu ngiika armyañ pa kuchi, ngo hiimi miibi talyi.

JON KA AYAPUYU 17:20

“Ngo siika atañpa kontii kuma lyike, hojalo hiika atañ patrḛ hutiina henje talyi nii mohluka aguñmi tala la,

JON KA AYAPUYU 16:22

Hopa nunuko siisi heru hii do, hojalo ngo nunumi hiira kapa talyi ho nunuka ahha hii hempyo kendoke, ho kone hetrḛ nunuka hempyo mi nunu kokii lara biila kema.

2 TESOLONIA 2:16

Siisi ngunuka Attoh Jisu Kristo mo atoh loda, ho Pinii ngunuka Aba, huna ngunumi hendonii ho ayudahe paka hembyuñ mi ngunumi bitiinii ho aya hentiñ aroh-aya lo,

JON KA AYAPUYU 7:39

Siisi siikasi Yajiyallo ka piigo mi mo lutii, huna mohmi henje talyi nii hii larii kendo; niimpalukoda siisilohepa Yajiyallo mi bima tiirañ, niimpalukoda Jisu mi siisi lohe pa assañ matii rañ.

MIINIIÑ 1:4

Ho mohluka agiñho dabodala mo mohlumi lutii Jerusalem hokii ingu lyayo, hojalo Aba ka hemme biniiñ mi kalya tolya, nii mina, mo lutii nii, “nunu ngiiko hokii tapa tiinii,

1 JON 2:27

hojalo arrḛyarniiñ nii mina nunu mohkokii larii tiikunii hii nunuko giigela dokañ doke, ho nunumi kone lotrḛ tonsḛr kodo pa lyikiñ make; niimpalukoda mohka arrḛyarkuniiñ nunumi kapane piigomi tonsḛrdo, ho hiikahii jije, ho hiika hii golluma, niihtañpa hiikahiimi nunumi lukotii, mohko giigela datolya.

2 JON 1:2

jije kiipa niihna ngunuka uraho giidonii ho giikiñdo ngunuko ayudahepa: